31 Janar 2023

Kryeministri Kurti premton ta nxjerr Telekomin nga kriza

Prishtinë, 10 janar - Ne jemi të interesuar që Telekomin, Valën ta bëjmë lider në Kosovë, ashtu siç ka qenë, tha Kryeministri i Republikës së Kosovës, Albin Kurti gjatë vizitës në Telekomin e Kosovës. Ai theksoi se për këtë arsye Qeveria ka dhënë mbështetje financiare në vitin që e lamë pas.

Për vitin 2022 jemi të interesuar që bashkërisht, edhe Qeveria edhe Telekomi i Kosovës ta nxjerrim përfundimisht Telekomin nga kriza dhe ta vendosim në binarët e zhvillimit për të mirën e qytetarëve të Republikës si konsumatorë dhe të shtetit të Kosovës.

Bordi, menaxhmenti dhe punëtorët e Telekomit të Kosovës, u përgëzuan nga kryeministri  për punën dhe angazhimin që e kanë bërë gjatë vitit 2021, por edhe më herët. Shumë prej punëtorëve këtu e kanë rimëkëmbur Telekomin e Kosovës, pas çlirimit të vendit, ndërsa para më shumë se një dekade i sillnin dividendë milionëshe buxhetit të Kosovës, tha kryeministri.

Së bashku me Ministren e Ekonomisë, Artane Rizvanolli, Ministrin e Financave, Punës dhe Transfereve, Hekuran Murati, Kryeministri Kurti takoi anëtarët e bordit dhe menaxhmentit të kësaj ndërmarrje publike, si dhe vizitoi centralin, ku takoi inxhinierët që mundësojnë operimin e Telekomit të Kosovës.

U ritheksua zotimi i Qeverisë për t’i përkrahur ndërmarrjet publike, dhe në veçanti Telekomin e Kosovës, duke pasur pritje të larta nga bordet e reja dhe strukturat e reja menaxheriale, në veçanti për vënie të ligjshmërisë e ndaljes së keqpërdorimeve, që i kanë karakterizuar ndërmarrjet në të kaluarën, ngritjes së performancës dhe të konkurrueshmërisë, si dhe uljes së shpenzimeve operative.

U theksua se Telekomi i Kosovës është ndër ndërmarrjet publike kryesore që do të vazhdojë të ketë vëmendjen e Qeverisë, jo vetëm sepse operon me infrastrukturë kritike të telekomunikimit, por edhe sepse në shumë mënyra përfaqëson dhe është shembull për atë çfarë ka ndodhur me ndërmarrjet publike në Kosovë. Telekomi i Kosovës, një nga ndërmarrjet më të suksesshme publike për shumë vite, ka arritur në një pikë kritike, për shkak të keqpërdorimeve, kontratave të dëmshme, e punësimeve jomeritore.

Në takim u falënderua në veçanti kryeshefja e Telekomit të Kosovës, znj. Burbuqe Hana për punën e saj, që Telekomi i Kosovës të rikthehet ku e ka vendin, si epiqendër e telekomunikacionit në Kosovë.

U bisedua për performancën e kësaj ndërmarrje gjatë vitit 2021 dhe planet për të ardhmen, që do të sigurojnë që Telekomi i Kosovës të përmirësojë konkurrueshmërinë në treg.

 

Kalendari

Ngjarjet e datës 31 janar 2023

- Presidentja e Republikës së Kosovës, Vjosa Osmani Sadriu, kryeministri Albin Kurti dhe zëvendëskryeministrja Donika Gërvalla bëjnë homazhe te shtatorja e heroit Zahir Pajaziti, në 26 vjetorin e rënies së heronjve Zahir Pajaziti, Hakif Zejnullahu dhe Edmond Hoxha. (Sheshi “Zahir Pajaziti”, ora 9:00)

- Instituti Demokratik i Kosovës mban konferencën për media, ku do të publikohen rezultatet e Indeksit të Perceptimit te Korrupsionit për vitin 2022. (Zyrat e KDI-së, ora 9:00)

- Komisioni për Legjislacion shqyrton Projektligjin për Byronë Shtetërore për verifikimin dhe konfiskimin e pasurisë së pajustifikueshme. (Kuvendi i Kosovës, salla N302, ora 10:00)

- Komisioni për Çështje të Sigurisë dhe Mbrojtje shqyrton Projektligjin për mbrojtjen e informacionit të klasifikuar. (Kuvendi i Kosovës, salla N204, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N225, ora 10:00)

- Qendra Kosovare për Studime të Sigurisë (QKSS) publikon “Raportin për Vlerësimin Bazë të Dhunës në Baza Gjinore në Kosovë: Perceptimet e Komunitetit dhe Palëve të Interesit”. (Hotel “Sirius”, ora 10:00)

- Gazetarët afganë që kanë mbërritur sonte në Kosovë, Amina Omid, Ahmad Shaker, Nimatullah Gholami dhe Raifullah Nikzad mbajnë konferencë për media. (Zyret e Asociacionit të Gazetarëve të Kosovës, ora 10:30)

- Komisioni për Ekonomi, Industri, Ndërmarrësi dhe Tregti shqyrton planet e Përformances për vitin 2023, të agjencioneve/rregullatorëve të pavarur, që i raportojnë Komisionit (AKP, ARKEP, ZRRE). (Kuvendi i Kosovës, salla N10, ora 11:00)

- Komisioni për Mbikëqyrjen e Financave Publike shqyrton raportin e auditimit për performancën financiare dhe operative të ndërmarrjes “Trepça”. Të ftuar janë kryesuesi i Bordit, Bahri Hyseni, dhe kryeshefi Ekzekutiv, Enis Abdurrahmani. (Kuvendi i Kosovës, salla N303, ora 11:00)

- Përkrahës të Vetëvendosjes protestojnë kundër “imponimit” të Bashkësisë së Komunave Serbe. (Sheshi “Zahir Pajaziti”, ora 12:00)

- Komisioni për Administratë Publike, Pushtet Lokal, Media dhe Zhvillim Rajonal, shqyrton draft-planin e punës së Komisionit, për sesionin pranveror 2023. (Kuvendi i Kosovës, salla N303, ora 13:00)

- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Pyje. (Kuvendi i Kosovës, salla N302, ora 13:00)

- Fondacioni Jahjaga në bashkëpunim me Zyres Zvicerane për Bashkëpunim në Kosovë ka kënaqësinë të ju ftoj në ceremoninë e diplomimit të programit “Zhvillimi i njohurive mbi qeverisjen lokale". (Kino Armata, ora 14:00)

- Eris Jashari, ish-zyrtar policor në Policinë e Kosovës, i dorëhequr me 4 korrik 2017, tani koordinator në organizatën joqeveritare ktheju tokës tënde KTT, do të futet në grevë urie deri në realizimin e sigurimit shëndetësor dhe jetësor për policinë kërkesë kjo drejtuar Deputetëve të Kuvendit të Kosovës. (Sheshi “Adem Jashari”, te hyrja e pasme e Kuvendit kah rruga UÇK, ora 14:00