26 Janar 2021

Kryeministri Kurti ofroi mbështetjen e Qeverisë për Autoritetin e Aviacionit Civil

Prishtinë, 18 maj - Kryeministri në detyrë i Republikës së Kosovës, Albin Kurti, i shoqëruar nga ministri në detyrë i Infrastrukturës dhe Ambientit, Lumir Abdixhiku dhe zëdhënësi i Qeverisë, Përparim Kryeziu kanë vizituar sot Autoritetin e Aviacionit Civil të Kosovës, ku është i pari Kryeministër që viziton këtë agjenci tejet të rëndësishme.

Aty u pritën nga u.d. i Drejtorit të Përgjithshëm, Arianit Islami, zv. Drejtori i Përgjithshëm, Xhelil Ukmata, Kryesuesi i Bordit Mbikqyrës, Samed Dalipi, anëtarë tjerë të bordit dhe drejtorët e departamenteve.

Gjatë takimit me u.d. Drejtorin e Përgjithshëm e më pas edhe me përfaqësuesit tjerë të lartpërmendur, Kryeministri në detyrë Kurti dhe ministri në detyrë Abdixhiku u njoftuan me format dhe mundësinë e zgjerimit të bashkëpunimit ndërkombëtar, sfidat buxhetore dhe të kapaciteteve njerëzore të kësaj agjencie e cila është shumë e rëndësishme për ekonominë e vendit dhe sigurinë e transportit ajror.

Ata po ashtu u njoftuan edhe për vendimin e marrë së fundi për shfuqizimin e rregullores për organizimin e brendshëm të agjencisë e cila ishte miratuar në korrik të vitit 2019, por që e njëjta ishte në shpërputhje me legjislacionin në fuqi.

Kryeministri në detyrë Kurti ofroi mbështetjen e tij dhe të Qeverisë së tij për këtë agjencion.  

Fakti që kjo vizitë po ndodh që në javën e parë të emërimit të u.d. Drejtorit të Përgjithshëm, Arianit Islami, pas shkarkimit të atij paraprak, është shprehje e kësaj mbështetjeje ndaj detyrave të rëndësishme të këtij institucioni të rëndësishëm.

Në fund, Kryeministri shtoi se si Qeveri e Republikës së Kosovës duam ta forcojmë shtetin dhe për këtë arsye Aviacioni Civil është tejet i rëndësishëm për ne.

 

Kalendari

Ngjarjet e datës 26 Dhjetor 2020 - Punëtorët teknik  te cilët punojnë në Universitetin e Prishtinës “Hasan Prishtina” do të  protestojnë për pagën e tyre të muajit dhjetor 2020 të cilën ende nuk e kanë marr dhe për  mos  pajisje me kontratës së punës. (Para Rektoratit të UP-së”, ora 9:00)

- Kryeministri në detyrë Avdullah Hoti pret në takim përfaqësuesit e shoqatës “Down Syndrome Kosova”, SOS Fshatrave të Kosovës, OJQ “Handikos” dhe përfaqësuesit e strehimoreve të Kosovës. (Ndërtesa e Qeverisë, ora 9:00 - vetëm pamje)

- Ministrja e Punëve të Jashtme dhe Diasporës, znj.Meliza Haradinaj-Stublla dhe Ambasadorja e Francës në Kosovë, znj.Marie-Christine Butel do të nënshkruajnë një memorandum bashkëpunimi. (Ministria e Punëve të Jashtme dhe Diasporës, ora 9:00)

- Instituti GAP dhe Kosovo 2.0 organizojnë diskutim virtual me temë "Rekrutimet jo meritore në sektorin publik: a do ta ndryshojnë institucionet e reja rrethin vicioz në rreth të virtytshëm?”. (https://zoom.us/j/93876352348, ora 10:00)

- Mbahet mbledhja e Komitetit për Politikë dhe Financa në Komunën e Prizrenit. (Shtëpia e Bardhë, ora 10:00)

- Këshillit Gjyqësor të Kosovës mban mbledhjen e radhës. (Mbledhja mbahet përmes aplikacionit ZOOM, ora 10:00)

- Grupi për Studime Juridike dhe Politike organizon tryezën e diskutimit me temë “Reforma zgjedhore në Kosovë: Sa është prioritet në programet e partive politike?”. (https://zoom.us/j/92385065303, ora 10:30)

- Promovohet libri i autorit Faton Mehmetaj ''Deçani Nëpër Shekuj'' - Promovimi i Trashëgimisë  Kulturore. (Salla e Asamblesë Komunale në Deçan, ora 11:00)

- Partia Socialdemokrate do të mbaj një aktivitet afër teatrit kombëtar. (Sheshi Skënderbeu, ora 12:00)
 
- Kryeministri në detyrë Avdullah Hoti merr pjesë në Inaugurimin e Qendrës Kulturore në Vushtrri. (Shtëpia e Kulturës në Vushtrri, ora 13:00)

- Kryeministri në detyrë Avdullah Hoti takon menaxhmentin e Trepçës dhe viziton flotacionin e mineraleve. (Miniera e Trepçës- Stantërg, ora 15:00)