06 Dhjetor 2022

IPKO ka pranuar 18 të rinj kosovar për zhvillim profesional

Prishtinë, 18 qershor - IPKO është kompania e parë e cila ka pranuar 18 të rinj kosovar, nga projekti i Komisionit Evropian për trajnim dhe zhvillim profesional në kompanitë vendore. Kandidatët e pranuar në IPKO do të trajnohen për tre muaj rresht, me mundësi të punësimit afat-gjatë në kompani.

Tetëmbëdhjetë të rinj kosovar të cilët kanë qenë të regjistruar në Qendrat e Punësimit Rajonal kanë përfituar drejtpërdrejt nga projekti BE KOSVET VI, i cili menaxhohet nga Zyra Ndërlidhëse e Komisionit Evropian në Kosovë, përmes të cilit ata janë pranuar për tre muaj në IPKO, me mundësi të mira për zhvillim profesional dhe punë afat-gjatë në këtë kompani.

IPKO është kompania e parë kosovare e cila ka pranuar të rinjtë kosovar, për të lehtësuar punësimin e punëkërkuesve përmes këtij projekti, i cili iu kushtohet veçanërisht të rinjve të cilët për një kohë të gjatë janë të papunë, duke përfshirë këtu edhe personat të cilët kanë vështirësi të caktuara për gjetjen e një vendi pune (personat me aftësi të kufizuara, banorët e zonave rurale dhe pakicat etnike).

Të gjithë personat e pranuar në IPKO për periudhë tre-mujore do të trajnohen bazuar në modelin “trajnim duke punuar”, ndërsa do të mësojnë detyra të caktuara gjatë punës përkrah punëtorëve të shitjes apo kujdesit për konsumator, brenda kompanisë IPKO.  

Projekti i BE’së KOSVET VI, bën një kontribut të vogël financiar për të trajnuarit gjatë periudhës së trajnimit e cila zgjat 3 muaj, ndërsa IPKO u ofron atyre mundësinë e mirë për krijimin e një përvoje të vlefshme në industrinë e telekomunikacionit, e cila do tu ndihmojë atyre për zhvillim dhe mundësi për karrierë profesionale.

Në anën tjetër, IPKO sot punëson më shumë se 510 punëtorë në tërë Kosovën, duke mos përfshirë edhe punëtorët e kontraktuar, dhe furnitorët e jashtëm të kompanisë, me të cilët numri i të punësuarve në kompani është shumë më i madh.

IPKO gjithashtu ofron edhe programe trajnimi dhe përfitime të tjera shtesë për zhvillim personal dhe profesional për të punësuarit e saj, duke synuar kështu që të gjithë të punësuarit e saj të jenë të kompensuar financiarisht, të mbrojtur, të shëndetshëm dhe të motivuar për karrierë dhe rezultate profesionale.

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)