30 Janar 2023

IPKO dhuron 12 mijë euro fondacionit për nëna dhe foshnja

Prishtinë, 2 mars – Nga muaji maj i këtij viti, Reparti i Neonatologjisë në Qendrën Klinike Universitare në Prishtinë, do të pajiset me sistemin e ri të oksigjenit i cili do t’i mbrojë jetët e foshnjave të porsalindura, e posaçërisht të atyre që lindin para kohe.

IPKO ka dhënë rreth 12 mijë euro, nga të hyrat e realizuara më 17 shkurt, për Fondacionin i cili mbron jetët e nënave dhe foshnjave në Kosovë.

Në konferencën për media e cila u mbajt sot, Fondacioni për Nëna dhe Foshnja të Shëndetshme ka pranuar çekun me 11,924.22 euro nga Artan Balaj, konsumator i telefonisë mobile IPKO i cili ka dërguar 257 SMS në përvjetorin e Pavarësisë së Kosovës, më 17 shkurt.

Të hyrat e mbledhura më 17 shkurt, kompania IPKO i ka dhënë për Fondacionin për Nëna dhe Foshnja të Shëndetshme, i cili ka arritur që ti grumbullojë fondet e nevojshme për blerjen e sistemit të ri të oksigjenit në Njësinë Intensive të Neonatologjisë, në Qendrën Klinike Universitare të Kosovës.

Gjatë njëzet e katër orëve të 17 shkurtit, Ditës së Pavarësisë së Republikës së Kosovës, konsumatorët e telefonisë mobile IPKO kanë dërguar afër gjysmë milioni SMS, nga pako të ndryshme të cilat ata përdorin, duke përfshirë edhe konsumatorët e shërbimit roaming.

Tash e sa vite, kompania IPKO është e përfshirë në projekte të përgjegjësisë sociale, të cilat në vazhdimësi e rrisin kontributin e saj në zhvillimin e kulturës, artit, sportit, rinisë dhe aktivitete humanitare në Kosovë.

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)