30 Janar 2023

Greva bllokon fluturimet nga aeroportet e Parisit

Paris, 24 shkurt - Kontrollorët francezë të trafikut ajror kanë filluar një grevë 4-ditore, duke i bllokuar fluturimet jashtë Parisit. Gjysma e fluturimeve nga aerporti Orli i Parisit janë ndërprerë dhe çereku i atyre nga aeroporti Sharl de Gol janë anuluar.

Sindikatat franceze që përfaqësojnë kontrollorët e fluturimeve e organizuan grevën si protestë ndaj modernizimit të kontrolleve ndaj trafikut ajror në mbarë Evropën, me frikën se reformat do të çojnë në humbjen e vendeve të punës.

Ndërkohë, pilotët e kompanisë ajrore Luftansa e kanë ndërprerë grevën, pasi sindikata e tyre dhe drejtuesit e kompanisë ranë dakord të zhvillojnë bisedime të mëtejshme.

Pilotët e ndërprenë punën dje me synimin për të zhvilluar një grevë 4-ditore për pagat dhe sigurinë e punës. Edhe personeli i kompanisë British Airways ka votuar për zhvillimin e grevave lidhur me vendet dhe kushtet e punës. Sindikata nuk e ka njoftuar datën për grevë, që mund të ndodhë që javën e ardhshme.

Ndërkohë në Greqi, pati protesta të elementëve që mendohet të jenë elementë të majtë, kundër presionit që po ushtron Bashkimi Evropian ndaj Greqisë për masa më të ashpëra ekonomike në kuadrin e planit ekonomik.

Demonstrata organizohet pasi një ekip zyrtarësh nga Komisioni Evropian, FMN-ja dhe Banka Qendrore Evropiane po vizitonin Greqinë për të rishkuar zbatimin e Programit për Stabilitetin dhe Rritjen e ekonomisë greke.

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)