15 Nëntor 2019

Gjonbalaj: Kontrata me Dardafon më është prezantuar si urgjente

Prishtinë, 17 qershor - Rexhë Gjonbalaj, në dëshminë e tij para Komisionit Parlamentar për gjendjen e PTK-së, ka thënë se ai është në një proces gjyqësor pikërisht për çështjen e Kontrates me Dardafon.

“Më vjen mirë që mua më jepet mundësi të deklarohem rreth kësaj çështje. Por, nuk e di nëse bëj ndonjë shkelje në raportim derisa jam në proces gjyqësor. Unë kam disponim për t’u deklaruar, vetëm nuk dua të dëmtohem juridikisht. Dua të më siguroni se nuk do të kem pasoja”, ka thënë ai..

Ai ka thënë se kur e ka marrë detyrën, kontrata me Dardafon i është prezantuar nga bordi se është kontratë urgjente.

“Më kanë thënë se është e domosdoshme. Në parim i terë bordi ka qenë pro kësaj marrëveshje, pasi qe interpretimi ligjor ka qenë në rregull. Pjesa e vendimmarrjes ka qenë pa ndonjë dilemë. Unë kam qenë i bindur se ai projekt ka qenë i mirë për Telekomin”, ka thënë ai.

Deputeti Ymeri ka pyetur se si e kanë vlerësuar se kjo kontratë ka qenë me interes, kurse Gjonbalaj, ka thënë se ky projekt ka qenë amerikan dhe se për këtë kontratë interpretimi i ekspertëve ka qenë se “Telekomi ka kapacitete te lira dhe ka zero investim”.

“Kam kërkuar qe pas tri vjetësh të shqyrtohet kjo kontratë, kurse ekspertet kane vlerësuar se nuk do te duhej investitorët të frikësohen”, ka thënë Gjonbalaj.

Ndërsa deputetja e Vetëvendosjes, Albulena Haxhiu, tha se rasti në Arbitrazh është humb qëllimshëm, pasi dokumente që kanë qenë në favor të Telekomit janë fshehur.

Edhe Deputeti i Vetëvendosjes, Liburn Aliu, ka kundërshtuar Gjonbalajn, për çështjen e ofrimit të shërbimeve të internetit 3G dhe 4G, për të cilën Gjonbalaj tha se nuk ka qenë e cekur në kontratë.

Aliu ka prezantuar një dokument të grupit të ekspertëve të Telekomit, në të cilën sipas Aliut, në kontratë është e shkruar që Telekomi do t`i ofroj shërbimet e internetit për Z Mobile.

Kalendari

Ngjarjet e datës 15 nëntor 2019 - Klinika e Neonatologjisë dhe Shoqata e Neonatologëve të Kosovës, organizojnë Konferencën e I-rë nderkombëtare. (Hotel Garden, ora 9:00)

- Policia e Kosovës në shënim të ditës botërore të përkujtimit të viktimave në trafikun rrugor, në bashkëpunim me Këshillin e Sigurisë në Trafikun Rrugor dhe me Shoqatën e Sigurimeve , do të mbaj tryezë për shënimin e kësaj dite. (Salla Orion në Prishtinë në afërsi të Kino ABC, ora 9:30)

- Ministria e Arsimit, Shkencës dhe Teknologjisë organizon tryezën dhe punëtorinë me temën “Status quo e Zhvillimit të Kërkimit dhe Inovacionit në Kosovë: Ide rreth së ardhmes së K&I në Kosovë”, mbështetur nga Projekti HERAS i cili përkrahet nga Qeveria e Austrisë. (Hotel Sirius, ora 9:30)

- Komisioni i Pavarur për Miniera dhe Minerale mban punëtorinë lidhur me “Udhëzuesin për miradministrimin e aktiviteteve minerare dhe mjedisore. (Hotel Amazona, ora 10:00)

- Programi i Kombeve të Bashkuara për Zhvillim në Kosovë, përmes projektit Interdev 2, organizon një panair me shoqatat e grave prodhuese për të shënuar Ditën Ndërkombëtare të Sipërmarrësisë së Grave. (Qendra Kulturore në Viti, ora 11:00)

- Ministria e Mbrojtjes organizon ceremoninë e certifikimit të rekrutëve të rinj të FSK-së, gjenerata e dytë 2019. (Kazerma 'Adem Jashari' në Komandën e Forcave Tokësore në Prishtinë, ora 11:00)

- Komuniteti artistik organizon takim përkujtimor për regjisoren Arzana Kraja. (Teatri Kombëtar, ora 12:00)

- Organizata ETEA dhe Kuvendi i të Rinjve të Prishtinës organizon ceremoninë e hapjes të minibibliotekës së lagjes Ulpiana. (Te fontana në lagjen Ulpiana, ora 12:00).

- Ministri i MMPH-së, Fatmir Matoshi, do të nënshkruajë gjashtë Udhëzime Administrative që avancojne fushën e kadastrës dhe regjistrimit të pronës. (Zyret e Agjencisë Kadastrale të Kosoves, ndërtesa e Arkivit të Kosovës, ora 14:00)

- Kryetari i Gjykatës Themelore në Gjilan, Ramiz Azizi, do të mbajë një konferencë për media në të cilën do të prezantohet raporti nga muaji korrik deri në muajin tetor për Gjykatën Themelore të Gjilanit, së bashku me Degët e saja. (Gjykata Themelore Gjilan, ora 14:30)

- Mbahet marsh përkujtimor në këmbë nga Lagja Arbëria, rrugës Fehmi Agani deri te Teatri Kombëtar ku do të bëhet ndezja e qirinjve në përkujtim të viktimave që kanë humbur jetën në aksidente në trafikun rrugor. (Kolegji i Shkencave të Aplikuara Teknike “Tempulli”, ora 18:00)

- Mbahet stërvitja e Kombëtares së Kosovës. (Stadiumi ‘Fadil Vokrri’, ora 18:00)

- Galeria e Ministrisë së Kulturës organizn hapjen e ekspozitës individuale të autores Lumjetë Havolli, e titulluar "Is This Me...Or i Do it For You Only!?". (Galeria e Ministrisë së Kulturës, ora 19:00)

- Qendra për Informim dhe Përmirësim Social feston hapjen e Linjës telefonike për parandalim të vetëvrasjes "Linja e Jetës" në Kosovë! (Menza Ramiz Sadiku, ora 21:00)