07 Tetor 2022

Gjermania sekuestron jahtin 600 milionë dollarësh të miliarderit rus

Hamburg, 3 mars - Në kuadër të sanksioneve të vendosura nga Bashkimi Evropian (BE) për shkak të pushtimit rus të Ukrainës, autoritetet gjermane sekuestruan një jaht 600 milionë dollarësh që i përket miliarderit rus me origjinë nga Uzbekistani, Alisher Usmanov.

Sipas lajmeve në shtypin gjerman, autoritetet në provincën e Hamburgut konfiskuan jahtin e Usmanovit 156 metra të gjatë në portin e Hamburgut.

I konsideruar si jahti motorik më i madh në botë në tonazh bruto, jahti ka qenë në kantierin detar të kompanisë gjermane të ndërtimit të anijeve dhe inxhinierisë Blohm + Voss që nga tetori i vitit 2021.

Në lajme thuhet se Usmanov e ka blerë jahtin “Dilbar” në vitin 2016 nga prodhuesi gjerman i jahteve luksoze Lürssen për 600 milionë dollarë.

Me 15,917 ton, është jahti motorik më i madh në botë për nga tonazhi bruto, dhe zakonisht drejtohet nga një ekuipazh prej 96 personash.

Dilbar krenohet me pishinën më të madhe të instaluar ndonjëherë në një jaht, si dhe me dy helikopterë, një sauna, një sallon bukurie dhe një palestër.

Brendësia e saj prej luksi ka më shumë se 1000 jastëkë divanesh dhe mund të presë deri në 24 persona në 12 suita.

Kalendari

Ngjarjet e datës 7 tetor 2022 - Komisioni i posaçëm për shqyrtimin e kandidatëve për emërim në Gjykatën Kushtetuese shqyrton nominimet e kandidatëve për gjyqtar në Gjykatën Kushtetuese lidhur me përmbushjen e kushteve të parapara me Kushtetutë dhe Ligj. (Ndërtesa e Kuvendit, salla C301, ora 9:00)

- Ministria e Zhvillimit Rajonal dhe Caritas Zviceran në Kosovë lansojn thirrjen “Projektet Investuese të Diasporës” në kuadër të projektit “Veprimi i Komunave për Riintegrim dhe Diasporë – MARDI”. (Ndërtesën Qeverisë, salla P38, ora 9:30)

 - Kuvendi i Republikës së Kosovës mban seancë plenare. (Kuvendi i Kosovës, ora 10:00)

- Kryetari i Komisionit për Punë të Jashtme dhe Diasporë, Haki Abazi mban konferencë për medie lidhur me qëndrimet dhe vlerësimet për proceset e rëndësishme nëpër të cilat po kalon vendi. (Holli i Kuvendit të Kosovë, ora 10:00)

- Rrjeti i Grave të Kosovës dhe Fondi i Kombeve të Bashkuara për Popullsinë publikojnë përmbledhjen e politikave 'Dispozitat për koston e lejes së lindjes, atësisë dhe pushimit prindëror në Ligjin e Punës', të shkruar nga Dita Dobranja në emër të RrGK-së. (Hotel Sirus, ora 10:00)

- OJQ Aktiv organizon prezantimin e “Udhëzuesin për verifikimin bazë të informacionit mediatic” i cili është i dedikuar kryesisht për komunitetin serb të Kosovës. (Qendra e Energjisë Qytetare në Mitovicën e Veriut, ora 11:00)

- Sekretari Gjeneral i FIBA Andreas Zagklis takohet me Ministrin e Kulturës, Rinisë dhe Sportit të Kosovës, Hajrulla Çeku. (Ndërtesa e Ministrisë së Kulturës, ora 11:00)