03 Shkurt 2023

Fakulteti Ekonomik dhe Juridik me pikë të shitjes së PTK-së

Prishtinë, 19 nëntor - Studentët e Fakultetit Ekonomik dhe Juridik të Universitetit të Prishtinës, sot patën arsye që të ndjehen më të privilegjuar se kolegët e tyre të fakulteteve të tjera. 

Ata tashmë kanë në objektin e fakultetit të tyre,  pikën e shitjes së PTK-së, në të cilën do të gjejnë të gjitha produktet dhe shërbimet që i ofron ndërmarrja më profitabile në vend.

Me rastin e hapjes së kësaj pike të shitjes, drejtori financiar i PTK Sh.a., z. Nuredin Krasniqi, theksoi se kjo është pika e 150-të me radhë në kryeqytet.

“Është kjo zyra e parë postare që hapet në institucionet financiare, veçanërisht në fakultet, e cila kuadrit arsimor edhe studentëve, ju mundëson të jenë shumë më afër produkteve të PTK-së dhe shërbimeve të tjera financiare”, ka thënë z. Krasniqi.

Të privilegjuar dhe të nderuar u shprehën edhe dekani i Fakultetit Ekonomik dhe ai Juridik, të cilët falënderuan menaxhmentin e PTK-së për bashkëpunimin e ndërsjellë dhe donacionin e ndarë për rregullimin e hapësirës së hollit të fakultetit.

“Kjo hapësirë e fakultetit tonë ka qenë në një gjendje shumë të vështirë, por falë donacionit të PTK-së, kemi arritur t’ia ndërrojmë pamjen dhe të ndërtojmë këtë pikë postare e cila do t’ju shërbejë shumë studentëve dhe kuadrit arsimor të fakultetit tonë”, ka thënë Skender Ahmeti, Dekani i Fakultetit Ekonomik.

Falënderues është shprehur edhe kolegu i tij, dekani i Fakultetit Juridik, Bajram Ukaj, i cili e ka vlerësuar si shumë të nevojshme hapjen e pikës së shitjes në brendi të fakultetit.

Posta dhe Telekomunikacioni i Kosovës, ka ndarë një donacioni në vlerë prej  15 200 eurosh e cila është shfrytëzuar maksimalisht për rregullimin e hapësirës dhe hapjen e pikës së shitjes, e në të ardhmen edhe ofrimin e shërbimeve të tjera financiare, gjë që do t’i kursejë studentët e këtyre dy fakulteteve që të bredhin nëpër qytet për të kryer obligimet e tyre financiare.
 

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)

- Parlamenti i Studentëve të Universitetit të Prishtinës organizon marsh kundër Asociacionit, dhe në shënim të 53-vjetorit të themelimit të UP-së. (Biblioteka Kombëtare, ora 16:00)