24 Nëntor 2020

Cilat media fantome përfituan nga PTK, Telekomi tash ua ndal tallin portaleve

Prishtinë, 23 gusht - Ditëve të fundit Telekomi i Kosovës, ka qenë cak i sulmeve të pothuajse të gjitha medieve.

Kjo ndërmarrje, u akuzua për paga të larta, tenderët në vlera të mëdha për shërbime të ndryshme dhe punësimet familjare.

Këto raportime mediale, siç duket po vijnë si revansh i një vendimi të muajit qershor,nga ana e Telekomit që t’ua ndal mjetet financiare për sponsorizim të gjitha mediave.

 “Syri.net Kosova”, ka siguruar dokumente zyrtare, ku shihet se në mesin e shumë medieve të njohura të cilat kanë marr mijëra euro, ka edhe edhe jo pak “‘media” fantome  të cilat me një hulumtim të thjeshtë shihet se nuk ekzistojnë fare.

Se kush qëndron pas tyre askush nuk e di, por ajo çfarë dihet është se buxheti I njërës prej ndërmarrjeve më fitimprurëse të Kosovës u sakatua nga individë të ndryshëm brenda Telekomit.

Sipas dokumentit të siguruar, për 58 medie shuma e paguar mujore është  93 mijë e 430 euro  që i bie për gjashtë muaj 560 mijë e 580 euro. 

Ku pagesa nga Telekomi, ndaj   këtyre mediave  për vitin 2018 është 371 mijë e 590.82 euro, shpenzimet  janë 442 mijë e 340.08 euro, ndërsa borxhi  ishte 70 mijë e 749. 26 euro.

Kryeshefi ekzkeutiv Bedri Istrefi,  në një intervistë për "Syri.net Kosova", kur ishte pyetur  për shpenzimet në media fantome si portale anonime etjera dhe a kanë vendosur një rregull në shpërndarjen e reklamave për mediat dhe sa jeni duke shpenëzuar aktualisht, ai tha se të gjitha kontratat janë në llupën ligjore.

“Kur kemi thënë racionalizim, ne i kemi nënkuptuar edhe këto kontrata, të cilat janë të gjitha nën llupën ligjore, të gjitha janë anuluar dhe racionalizimi na obligon, të sillemi konform situatës. Nuk është kohë e shpenzimeve apo krahasimeve me të kaluarën rreth shpenzimeve. Rreth marketingut, punën më të mirë janë duke e bërë punonjësit, me përkushtimin e vet dhe cilësinë e shërbimeve, përkundër sfidave teknike dhe revitalizuese në konkurrencën për shërbimet e telekomunikimit,” kishte thënë Istrefi.

 Se a është kjo arsyeja kryesore, se pse mediat kosovare u mobilizuan ditëve të fundit që të publikojnë secilën kontrat të Telekomit dhe t?ë i cilësojnë si skandaloze përgjigjen më të mirë do ta japin ata vetë. 

"Syri.net Kosova" gjatë ditëve në vazhdim do publikojë edhe dokumente të tjera ekskluzive në lidhje me Telekomin...

 

Kalendari

Ngjarjet e datës 24 Nëntor 2020

- Komisioni për Çështje të Sigurisë dhe Mbrojtjes shqyrton të gjeturat e raportit për vendin të Komisionit Evropian për vitin 2020 në fushën e sigurisë. (Ndërtesa e Kuvendit, salla N204, ora 10:00)

- Mbahet mbledhja e katërt e Komitetit për Komunitete në komunën e Rahovecit. (Salla e mbledhjeve të Kuvendit Komunal të Rahovecit, ora 10:00)

- Mbahet takimi i 190-të i Këshillit Prokurorial. (Nëpërmjet video konferencës, ora 10:00)  

- Komiteti Olimpik i Kosovës në bashkëpunim me organizatën jo qeveritare “Ta Pastrojmë Kosovën”, do të lansojnë “T’i japim vendit ngjyra”.  (Këndi Olimpik, në kampusin e Universitetit të Prishtinës “Hasan Prishtina”, ora 10:30)


- Komisioni për Mbikëqyrjen e Financave Publike shqyrton raportonin e auditimit për Pasqyrat Vjetore Financiare të vitit 2019, për Kompaninë Regjionale të Ujitjes Drini i Bardhë. (Ndërtesa e Kuvendit, salla N303, ora 11:00)

- Ministrja e Kulturës, Rinisë dhe Sportit, Vlora Dumoshi dhe Ministrja e Punëve të Jashtme dhe Diasporës, Meliza Haradinaj, nënshkruajnë Memorandum të Bashkëpunimit për Atashetë Kulturorë. (Objekti i Ministrisë së Punëve të Jashtme dhe Diasporës, ora 11:00)

- Komisioni për Shëndetësi dhe Mirëqenie Sociale, shqyrton Ligjin për statusin dhe të drejtat e dëshmorëve, invalidëve, veteranëve, pjesëtarëve të Ushtrisë Çlirimtare të Kosovës, viktimave civile dhe familjareve të tyre. (Ndërtesa e Kuvendit, salla N302, ora 11:00)    

- Komiteti Olimpik i Kosovës organizon pritje për ekspeditën e xhudos, pas suksesit të arritur në kampionatin evropian të xhudos, të mbajtur javën e kaluar në Pragë të Republikës së Çekisë, ku Distria Krasniqi dhe Loriana Kuka u stolisën me medalje të bronztë. (Zyret e KOK-ut, ora 11:45)

- Kryetari i Komunës së Gjilanit, Lutfi Haziri, pret në takim ministrin e Shëndetësisë, Armend Zemaj. (Zyra e Kryetarit, ora 12:45 )

- Lëvizja Vetëvendosje mban konferencë për medie. (Zyret e LV-së në Arbëri, ora 13:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike, shqyrton Raportin e Panelit për zgjedhjen e “Kryesuesit të Komisionit Shqyrtues të Autoritetit Rregullator për Shërbimet e Ujit. (Ndërtesa e Kuvendit, salla N10, ora 13:00)

- Komisioni për Bujqësi, Pylltari, zhvillim Rural, Infrastrukturë dhe Mjedis, shqyrton rekomandimet nga BE-ja të planit për mbikëqyrjen e procesit integrues 2020-2021. (Ndërtesa e Kuvendit, salla N204, ors  13:00)

 - Kryetari i Komunës së Gjilanit, Lutfi Haziri dhe ministri i Shëndetësisë, Armend Zemaj vizitojnë  Spitalin e Përgjithshëm në Gjilan. (Gjilan, ora 13:45)

- Mbahet mbledhja e Kryesisë së Kuvendit të Republikës së Kosovës. (Platforma ZOOM 5.0, ora 14:00)

- Kryetari i Komunës së Gjilanit, Lutfi Haziri dhe ministri i Shëndetësisë, Armend Zemaj mbajn Konferencë për media. (Qendra Rajonale e Shëndetit Publik në Gjilan, ora 14:30)

 

- Kryetari i Komunës së Prizrenit, Mytaher Haskuka, së bashku me drejtoreshën e Drejtorisë së Turizmit dhe Zhvillimit Ekonomik, Sevil Kazaz Limani, do bëjnë lansimin e projektit “Ndriçimi i Urës së Gurit”. (Pranë Urës së Gurit në Prizren, ora 18:00)