21 Gusht 2019

Cërrnica po bëhet fshati i dytë model i Gjilanit me infrastrukturë

Gjilan, 21 korrik - Kryetari i Komunës së Gjilanit, Lutfi Haziri, në kuadër të vizitave për infrastrukturë, sot ka vizituar punimet që janë duke u bërë në fshatin Cërrnicë, që do të jetë fshati i dytë model në Gjilan dhe ka garantuar se vonesat e deritanishme kanë qenë për shkak të ndërrimit të operatorit dhe puna do të vazhdoj me dinamikë më të madhe.

“Po punojmë në rregullimin e hyrje-daljeve të fshatit Cërrnicë dhe atë në dy drejtime. Rrugën kryesore nga qendra e fshatit që lidhet me rrugën Gjilan-Ferizaj dhe rrugën tjetër të madhe që lidhet përmes Livoçit të Ulët me qytetin e Gjilanit."

"Përpos këtyre dy rrugëve do të punojmë njëkohësisht edhe në rregullimin e rrugëve brenda fshatit, për të vazhduar me ujësjellësin për fshatin Vrapqiq e më pas edhe rrugën Cërrnicë – Vrapqiq."

"Gjithashtu në kuadër të kësaj Komuna e Gjilanit do të mbështet edhe kërkesat e shkollës dhe të Bashkësisë Islame, në mënyrë që mirëmbajtja e investimeve të jetë e përbashkët me gjithë komunitetin”, ka thënë kryetari Haziri.

Ai gjithashtu ka potencuar se do të punohet në një segment të kanalizimit dhe trotuarëve, duke integruar edhe hapësirën publike të shfrytëzueshme për park dhe gjelbrim, kurse në fazën e ardhshme me programin e madh për trajtimin e ujërave të zeza, Cërrnica do të ketë edhe kolektorët e integruar për të ngritur nivelin e pastërtisë së ambientit dhe lumit në veçanti.

Nijazi Bllaca, në emër të shoqatës së Cërrnicës në Zvicër dhe kryetari i këshillit të fshatit, kanë falënderuar kryetarin për punën që është duke bërë dhe gjithashtu konfirmuan se kërkesat e fshatit po trajtohen maksimalisht, duke konfirmuar angazhimin për ruajtjen e investimeve dhe njëkohësisht kujdesin për Cërrnicën e pastër dhe të mirëmbajtur. 

Kalendari

Ngjarjet e datës 21 gusht 2019 - Vazhdon greva e punëtoreve të Sindikatës së Pavarur të Punëtorëve në Aeroportin Ndërkombëtar të Prishtinës “ Adem Jashari”. (Aeroporti i Prishtinës, ora 8:00)

- Kryetari i Komunës së Prizrenit Mytaher Haskuka dhe drejtori i Drejtorisë për Punë dhe Mirëqenie Sociale Fejzë Kabashi do të vizitojnë disa shtëpi të cilat po ndërtohen në kuadër të projektit “Ndërtimi i shtëpive për familjet skamnore”. (Lagjja “Bajram Curri” e më pas do të vizitohen edhe disa shtëpi në fshatin Zhur. (Nisja do të bëhet nga Shtëpia e Bardhë, ora 9:45)

- Në kuadër të Etnofestit mbahet punëtoria kreative dhe instalacione me atelje te pikëtorëve dhe skulptorëve. (Ambientet e Etnofestit në fshatin Kukaj, ora 10:00)

- Ministri në detyrë i Inovacionit dhe Ndërmarrësisë, Muzafer Shala dhe kryetari i Komunës së Shtimes, Naim Ismajli, do të nënshkruajnë memorandum të bashkëpunimit për rregullimin e objektit Mulitifunksional Inovativ në Shtime. (Objekti i Ministrisë së Punëve të Jashtme kati i 3-të, ora 10:00)

- Mbahet mbledhjen e rregullt të Komitetit për Politikë dhe Financa e Komunës së Mitrovicës. (Salla e mediave të Komunës së Mitrovicës, ora 10:00)

- Komisioni Hetimor Parlamentar në lidhje me gjendjen në PTK dhe Vala miraton draft raportin e punës së Komisionit Hetimor Parlamentar në lidhje me gjendjen në PTK dhe Vala. (Ndërtesa e Kuvendit, salla N 303, ora 11:00)

- Kryetari i komunës së Deçanit, Bashkim Ramosaj, pret në vizitë  Ministrin e Arsimit, Shkencës dhe Teknologjisë Shyqiri Bytyqi. (Zyra e Kryetarit të Komunës së Deçanit, ora 11:00)

- Fillojnë punimet në rrugën Budisalc-Zllakuqan i Klinës. (Pranë përmendores së Kolë Mirditës në Zllakuqan, ora 11:00)

- Komuna e Vushtrrisë mban mbledhje komemorative për veteranin e arsimit dhe UÇK-së, si dhe ish drejtorin e arsimit në Komunën e Vushtrrisë, Behxhet Jashari. (Salla e Kuvendit të Komunës së Vushtrrisë, ora 11:30)

-  Kryetari i Komunës së Prishtinës, Shpend Ahmeti dhe Nënkryetari Muhedin Nushi do të mbajnë konferencë për media. (Objekti i vjetër të Komunës, ora 11:30)

- Kryetari i komunës së Deçanit, Bashkim Ramosaj dhe Ministri i Arsimit, Shkencës dhe Teknologjisë Shyqiri Bytyqi vëjn gurethemelin e shkollës fillore “Heronjtë e Dukagjinit” në Gllogjan. (Gllogjan, ora 11:30)

- Kryetari i komunës së Deçanit, Bashkim Ramosaj dhe Ministri i Arsimit, Shkencës dhe Teknologjisë Shyqiri Bytyqi inspektojn punimet në objektin përcjellës të Shkollës Fillore “Isa Boletini” në Isniq. (Isniq, ora 12:00)

- Agjencia Kosovare e Privatizimit mban ceremoninë e hapjes së ofertave të shitjeve përmes Likuidimit nr.49. në të cilën janë 132 asete. (Hoteli Grand, ora 12:30)

- Kryeministri në detyrë Ramush Haradinaj pret në takim një delegacion prej 60 studentësh të programit Akademia Verore, nga shtete të ndryshme të botës. (Ndërtesa e Qeverisë, ora 12:30)

- Në kuadër të Etnofestit mbahet zona e debatit për shtëpin tradicionale dhe familjen e madhe shqiptare. (Shtëpia e vjetër në Fshatin Kukaj, ora 17:00)

- Komuna e Prizrenit në kuadër të hartimit të buxhetit për vitin 2020 do të organizojë dëgjime publike me me banorët e e rajonit të Zhupës dhe Podgorës me qëllim të angazhimit të tyre në procesin e hartimit të buxhetit, transparencës, gjithëpërfshirjes dhe llogaridhënies ndaj qytetarëve. (Shtëpia e Kulturës në Reçanë, ora 19:00)