21 Shtator 2019

Boeing do të rifillojë në 2020-n prodhimin e avionëve të modelit 737

Detroid, 23 gusht - Kompania “Boeing” ka njoftuar furnitorët se do të rifillojë në 2020-n prodhimin e avionëve të modelit të saj më të shitur 737, me një normë prej 52 avionësh në muaj në shkurt duke arritur në një rekord prej 57 avionësh në muaj, në qershor. Lajmi u bë i ditur për agjencinë Reuters nga persona në dijeni të çështjes.

Kompania “Boeing” u ka thënë më shumë se 100 furnizuesve të saj më 30 korrik se nisja e këtij procesi, varej nga miratimi prej institucioneve rregullatore të vendimit për të lejuar sërisht fluturimin e avionëve 737 MAX.

“Boeing-u” e prodhon versionin më të shitur të avionëve në fabrikën e tij në zonën e Siatëllit. Ai prodhon gjithashtu dhe një numër të vogël modelesh të hershme apo ushtarake të 737-s.

Një prej dy personave që folën për agjencinë “Reuters” mbi këtë çështje, u shpreh skeptik lidhur me afatet, për shkak të një shqyrtimi intensiv nga institucionet rregullatore, të cilat ndaluan fluturimet e avionëve të modelit 737 MAX pas përplasjeve vdekjeprurëse ku vranë rreth 350 njerëz në Etiopi dhe Indonezia në një distancë kohore nga njëra-tjetra prej pesë muajsh.

Nuk ka asnjë garanci se kur rregullatorët do të që avionët 737 MAX të fluturojnë përsëri. Muajin e kaluar shefi Ekzekutiv i “Boeing-ut” Dennis Muilenburg tha se kompania do të konsiderojë mundësinë e uljes së prodhimit apo potencialisht pezullimit të prodhimit të avionëve 737, nëse masa zvarritet.

Në prill “Boeing-u” shkurtoi numrin e modelit 737 në 42 nga 52 që prodhonte çdo muaj, duke ndërprerë dërgesat për klientët, burimi kryesor i të ardhurave të kompanisë.

Kalendari

Ngjarjet e datës 21 shtator 2019 - Kryetari i Lëvizjes Vetëvendosje Albin Kurti merr pjesë në manifestimin tradicional Kulturor e Shkencor "Ditet e Dom Mikelit", Stubëll të Epërme të Vitisë. (Subëll e Epërme, ora 9:00)

- Fillon Dita e Pastrimit të Botës në Kosovë ku do të marrin pjesë ministri i Mjedisit dhe Planifikimit Hapësinor, Fatmir Matoshi, ministri i Mbrojtjes, Rrustem Berisha, Forca e Sigurisë së Kosovës, Kompania “Pastrimi”, përfaqësues nga Komuna e Prishtinës, figura të rëndësishme diplomatike, studentë e vullnetarë të shumtë. (Stadiumi “Fadil Vokrri”’ në Prishtinë, ora 10:00)

- Me rastin e përvjetorit të Ahmet Krasniqit, kandidatja e LDK-së për Kryeministre, Dr. Vjosa Osmani bën homazhe te varri i Presidentit Historik Dr. Ibrahim Rugova dhe te varri i ish Ministrit të Mbrojtjes së Republikës së Kosovës, Ahmet Krasniqi. (Velani, ora 10:00)

- Vazhdon kampionati ekipor në pingpong. (Shkolla Tefik Qanga në Ferizaj, ora 10:00)

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it mban konferencë për media, në të cilën do publikohet raporti: “Krimet e Rënda në Kosovë, ligji VS praktika: Analizë e politikës së ndjekjes dhe dënimeve në rastet e trajtuara në Departamentet e Krimeve të Rënda të Gjykatave Themelore në Republikën e Kosovës, analizë e veçantë e trajtimit të rasteve të veprave penale të terrorizmit”. (Hotel Sirius, ora 10:30)

- OJQ “Sundimi i Demokracisë në Kosovë" organizon aksion pastrimi përreth liqenit “Batllava” në Orllan. (Orllan, ora 11:00)

- Aksionet e pastrimit mbahet në komunën e Podujevës. (Podujevë, ora 11:00)

- Mbahet një aksion me moton “Dita e pastrimit të Botës 2019” në Mitrovicë. (Para objektit të komunës së Mitrovicës, ora 11:00)

- OJQ “Sundimi i Demokracisë në Kosovë" organizon aksion pastrimi përreth liqenit “Batllava” në Orllan. (Orllan, ora 11:15)

- Kandidatja e LDK-së për Kryeministre, Dr. Vjosa Osmani shpalosë programin e LDK-së për zhvillimin ekonomik, në Konventën për zhvillim dhe punësim. (Hotel Emerald, ora 12:00)

- Kryetari i Lëvizjes Vetëvendosje Albin Kurti zhvillon një vizitë në Gjilan. (Gjilan, ora 12:00)

- Aksionet e pastrimit mbahet në Komunën e Prizrenit. (Prizren, ora 14:00)

- Promovohet libri monografik “Nexhmije Pagarusha” i cili është një rrëfim origjinal dhe personal i një udhëtimi të mrekullueshëm nëpër jetën dhe krijimtarinë e këngëtares tonë të famshme, bilbilit të këngës shqipe në Kosovë, znj. Nexhmije Pagarusha. (Hotel Swiss Diamond, ora 19:00)

- Kryetari i Lëvizjes Vetëvendosje Albin Kurti mban tubim në Petrovë të Shtimës. (Fshati Petrovë, ora 19:00)

 - Kryetari i Lëvizjes Vetëvendosje Albin Kurti mban tubim në Hajvali të Prishtinës. (Restaurant "Ora", Hajvali, ora 21:00)