27 Shtator 2022

BE ndalon transmetimin e mediave ruse, Russia Today dhe Sputnik

Bruksel, 2 mars - Këshilli i Bashkimit Evropian (BE) ka miratuar vendimin e tij për të ndaluar transmetimin e mediave ruse Russia Today (RT) dhe Sputnik brenda BE-së.

Këshilli Evropian njoftoi se transmetimi i mediave ruse, përfshirë në anglisht, gjermanisht, frëngjisht dhe spanjisht, do të ndalohen derisa të përfundojë "sulmi rus në Ukrainë dhe manipulimi i informacionit me dezinformata anti-BE".

Vendimi për ndalimin u publikua edhe në "Gazetën Zyrtare" të BE-së. Në vendim thuhej se këto organizata u ndaluan në të gjitha llojet e mediave, përfshirë ato kabllore, satelitore, IPTV, ofruesit e shërbimeve të internetit, platformat dhe aplikacionet e shkëmbimit të videove në internet.

Në deklaratën e Këshillit thuhet se “Rusia po kryen një fushatë sistematike dezinformuese ndërkombëtare, duke shtrembëruar faktet për vendet fqinje dhe duke u përpjekur të krijojë destabilitet në këto vende”.

Thuhet se Rusia synonte partitë politike, shoqërinë civile, pakicat etnike, refugjatët dhe institucionet demokratike në Evropë, veçanërisht gjatë periudhave zgjedhore, në kuadër të përpjekjeve të saj dezinformuese dhe manipuluese.

Përfaqësuesi i Lartë i BE-së për Marrëdhëniet me Jashtë dhe Politikën e Sigurisë, Josep Borrell deklaroi se transmetimi i mediave të ndaluara ruse përbën një kërcënim të drejtpërdrejt për sigurinë dhe rendin publik.

Duke kujtuar se ata kishin vendosur sanksione mbi menaxhimin editorial të RT më parë, Borrell tha se synimi i aktiviteteve të organizatave të shtypit nën kontrollin e shtetit rus ishte i nevojshëm për BE-në.

Kalendari

Ngjarjet e datës 27 shtator 2022  - Ministria e Mbrojtjes dhe FSK organizon Konferencën Vjetore Ndërkombëtare “FSK dhe partnerët 2022”. (Hotel Emerald, ora 9:00)

- Shoqata e Grave në Sektorin e Energjisë së Kosovës me përkrahjen e zyres se Presidentes dhe parnerëve ndërkombëtar organizon Konferencën e parë Rajonale “Energjia & Gratë”. (Hotel Emerald, ora 9:00)

- Komisioni për Çështje të Sigurisë dhe Mbrojtjes shqyrton Projektligjin për Sigurinë Kibernetike, Projektligjin për Mbrojtjen e Informacionit të Klasifikuar, etj. (Ndërtesa e Kuvendit, salla C203, ora 10:00)

 - Koalicioni 27, grupi i organizatave të shoqërisë civile publikojnë raportin “Shkatërrimi ekologjik – Koha të veprojmë”. (Hotel Swiss Diamond, ora 10:00)

- Me rastin e Ditës Ndërkombëtare për Lirinë e Informimit, Agjencia për Informim dhe Privatësi mban konferencë kryetarët e Gjykatave si dhe Prokurorët e Prokurorive të Republikës së Kosovës. (Hotel Emerald, ora 10:15)

-  Komisioni për Ekonomi, Industri, Ndërmarrësi dhe Tregti diskuton mbikëqyrjen e zbatimit të Rekomandimeve të Kuvendit lidhur me auditimin e performances të ndërmarrjes publike KOSTT SH.A. (Ndërtesa e Kuvendit, salla N10, ora 11:00)

- Këshilli i Prindërve të Shkollës Fillore të Mesme të Ulët “Naim Frashëri”, Prishtinë organizon një protestë për të shprehur shqetësimet lidhur me prolongimin e fillimit të mësimit për vitin akademik 2022/2023. (Shkolla fillore "Naim Frashëri" në Prishtinë, ora 12:10)

- Lidhja Demokratike e Kosovës mban konferencë për medie lidhur me grevën në sektorin publik. (Selia qendrore e LDK-së, ora 11:00)

- Instituti Demokraci për Zhvillim organizon sallonin e radhes me temë “Dhuna online ndaj grave në politikë: Çfarë masa mund të ndërmarrim?”. (Libraria Dukagjini, ora 17:00)

- KFOR i udhëhequr nga NATO do të zhvillojë stërvitjen “Golden Sabre”. (Zona stërvitore të Camp Novo Selo)