07 Dhjetor 2019

300 mijë numrat e ish Z-mobile t'i kthehen Telekomit

Prishtinë, 30 korrik - Lëvizja e Vetëvendosje vlerëson së njoftim i sotshëm i Bordit të Telekomit të Kosovës se Kontrata me Dardafone.net, ish Z-mobile, nuk do të vazhdohet më tej është padyshim një njoftim i pritur prej kohësh.

"Në këto momente përveç përgëzimeve për punëtorët e Telekomit të Kosovës dhe sindikatën për organizimin e tyre, na duhet t’i bëjmë thirrje publike Bordit të Telekomit, përfshirë dhe Kryeshefin Ekzekutiv se:  Është urgjente të dërgohet lënda e plotë në Prokurori e edhe në Gjykata  me qëllim njohjen e dëmit të shkaktuar dhe dëmshpërblimint e Telekomit të Kosovës nga ish Z-mobile si dhe të marrë masat e plota nëpërjet zyrës së tyre ligjore për ndalimin e ekzekutimit të vendimit të padrejtë të arbitrazhit", thekson Vetëvendosje.

Po ashtu Vetëvendosje i bën thirrje Autoritetit Rregullativ (ARKEP) që sa më parë të ndërmarrë veprimet që 300 mijë numrat në përdorim të Z-mobile sa më parë t’i kalojnë efektivisht Valës, ashtu edhe siç i takojnë. Çdo ditë e zvarritjes së këtij procesi është vazhdim i dëmtimit të Telekomit.

Vetëvendosje konsideron se Çdo kërkesë e kompanisë Dardafone, për veprime apo kërkesa në fushën e telekomunikimeve të mos merret në konsideratë nga ARKEP për sa kohë që një seri lëndësh, raportesh, hetimesh janë duke u zhvilluar prej krimeve ekonomike deri tek Komisioni hetimor parlamentar në Kuvend.

Bordi i Telekomit dhe ARKEP janë përgjegjës që periudha e tranzicionit për numrat e ish Z-mobile të mos jenë në asnjë formë vegëz për çfarëdolloj keqpërdorimi të ri nga Dardafone.net.

"Çdo shtyrje apo keqpërdorim në disfavor të Telekomit të Kosovës lidhur me këto numra që i takojnë kësaj ndërmarrje i bën përgjegjës këta zyrtarë aktualisht në detyrë", thekson Vetëvendosje.

Lëvizja Vetëvendosje! po e monitoron situatën në vijimësi dhe nuk do të ndalet derisa Telekomit t’i kthehet dëmi i shkaktuar nga Dardafone.net.

"Sot u arrit një fitore e madhe falë këmbënguljes së punëtorëve e qytetarëve në përgjithësi. Por ajo do të jetë e plotë kur Telekomit t’i kthehen fondet e tjetërsuara, prej ekzistencës së kësaj kontrate deri në ditën e sotme. Ne do të jemi këtu për t’u siguruar që kjo të ndodhë". vlerëson në fund Vetëvendosje.

Kalendari

Ngjarjet e datës 7 dhjetor 2019 - Këshilli Gjyqësor i Kosovës organizon Konferencën e Nëntë Gjyqësore në të cilën do të marrin pjesë tërë struktura e sistemit të drejtësisë në Kosovës për të diskutuar temën: “Të arriturat dhe sfidat e sistemit gjyqësor gjatë vitit 2019”. (Hotel Emerald, ora 9:30)

- Federata e pingpongut të Kosovës do të organizojë turneun më të fortë të vitit 2019,  TOP 12 për Seniorët më të mirë, me të cilat edhe përmbyllen garat për vitin 2019. (Palestra e sporteve në Prishtinë, ora 10:00)

- Federata e Futbollit e Kosovës organizon turneun final të projektit “Rekrutimi i vajzave të reja në futbollin e organizuar” nën moton “Ti mund ta bësh – You Can Do It”, ku do të marrin pjesë ekipet fituese të turneve të mbajtur në 13 komuna. (Kompleksi “Sopa Sport” në Lipjan, ora 10:15)

- Rrjeti i Grave të Kosovës mbledhë 158 organizatat anëtare, përkrahësit individual, partnerët, miqtë, dhe përfaqësuesit e mediave në Kuvendin e 17-të Vjetor të Anëtareve. (Hotel Sirius, ora 10:30)

- Misioni i OSBE-së organizon konferencë ku do të prezantojë aktivitetet që Misioni ka organizuar gjatë vitit 2019 me të rinj, siç janë Akademia e OSBE-së për Dialog, Deklarata Ndër-Komunale për Dialog ndërmjet Komuniteteve, si dhe Lojërat Mini-Olimpike për Njerëz me Nevoja të Veçanta, të cilat kanë sjellë së bashku të rinj nga komunitete të ndryshme. (Hotel Swiss Diamond, ora 11:30)

- Gecjan Fashion Group sjellë për të 13-in Vit me radhë, ngjarjen më të madhe të modës në rajon “Kosova International Fashion Week 2019”. (Salla e panaireve në Shkabaj, ora 18:00)