04 Qershor 2020

Zuckerberg-u kërkon falje për mos parandalimin e keqpërdorimit të facebook

Bruksel, 23 maj - Kryezyrtari ekzekutiv i gjigantit të internetit "Facebook" Mark Zuckerberg ka kërkuar falje që kompania e tij nuk ka arritur të parandalojë që disa nga mjetet e internetit që ka prodhuar të mos keqpërdoren.

Duke u përgjigjur lidhur me skandalin e privatësisë së të dhënave të "Cambridge Analytica" gjatë një dëshmie në Parlamentin Europian në Bruksel, Zuckerberg-u theksoi se është bërë e qartë gjatë dy vjetëve të fundit se ne nuk kemi bërë sa duhet për të parandaluar përdorimin e këtyre mjeteve edhe për të sjellë dëme, dhe këtu përfshihen lajmet e rreme, ndërhyrjet e huaja në zgjedhje dhe krijues programesh e aplikacionesh që keqpërdorin informacionin e njerëzve.

"Ne nuk i morëm parasysh sa duhet përgjegjësitë tona, dhe ky ishte një gabim e kërkoj ndjesë për këtë."

Zuckerberg-u tha gjithashtu se brenda 25 majit "Facebook"-u do të vepronte në përputhje me Rregulloren e Përgjithshme të Mbrojtjes së të Dhënave (GDPR), në të cilën kërkohet që firmat që bëjnë biznes në 28 shtetet anëtare të BE-së të ofrojnë të dhënat personale falas, përndryshe do të paguajnë gjoba deri në 4 për qind të të ardhurave të tyre vjetore.

Kalendari

Ngjarjet e datës 4 Qershor 2020 - Mbahet ceremonia e marrjes së detyrës nga Kryeministri i zgjedhur, Avdullah Hoti. (Ndërtesa e Qeverisë, ora 9:00)

- Mbahet mbledhja ceremoniale e Qeverisë së Republikës së Kosovës, e udhëhequr nga Kryeministri Avdullah Hoti. (Ndërtesa e Qeverisë, ora 9:30)
  
- Kompanitë e auto-shkollave protestojnë për rifillimin e punës. (Para Ministrise se Infrastruktures, ish-pallati i Rilindjes, ora 10:00)

- Instituti i Kosovës për Drejtësi publikon raportin “Dështimi i gjykatave në mbushjen e Programit për Kompensimin e Viktimave të Krimit”. (Hotel “Sirius”, ora 10:30)
  
-  Mbahet seancë e Kuvendit në të cilën pritet të formohet Komisioni Hetimor Parlamentar për menaxhimin e pandemisë së virusit “COVID-19” nga ana e Qeverisë së Kosovës. (Kuvendi i Kosovës, ora 11:00)

- Në kuadër të Javës së Gjelbër, Komuna e Prishtinës do të organizojë mbjelljen e drunjëve në lagjen Lakrishte. (Lagja Lakrishte në Prishtinë, ora 11:00)

- Kryeministri Avdullah Hoti bën homazhe te varri i ish-presidentit të Kosovës, Ibrahim Rugova. (Velani, ora 12:00)

- Këshilli iniciues i punëtorëve të Korporatës Energjetike të Kosovës organizon protestë para mensës së Termocentralit Kosova B. (Termocentrali Kosova B, Obiliq, ora 12:00)

-  Kryeministri Avdullah Hoti bën homazhe në Kompleksin Memorial “Adem Jashari” në Prekaz. (Prekaz, ora 13:30)

- Kryeministri Avdullah Hoti viziton Ministrinë e Shëndetësisë. (Ministria e Shëndetësisë, ora 15:30)