14 Nëntor 2019

Zuckerberg, kërkoi ndjesë publike për skandalin e privatësisë në Facebook

Washington, 11 prill - Mark Zuckerberg, kërkoi ndjesë publike për skandalin e privatësisë që ka dëmtuar emrin e gjigantit të medias sociale Facebook, i themeluar prej tij më shumë se një dekadë më parë.

Më vjen keq, tha ai para komisioni të Kongresit, për drejtësinë dhe tregtinë, duke marrë mbi vete përgjegjësinë që nuk mundi të parandalojë shfrytezimin e të dhënave të rreth 87 milionë përdoruesve, nga firma Cambridge Analytica, e lidhur me fushatën presidenciale të kandidatit Donald Trump.

Zuckerberg u ka kërkuar falje shumë herë përdoruesve dhe publikut, por kjo është hera e parë në karrierën e tij, që ai dëshmon përpara Kongresit. Përmes seancave dëgjimore, Zuckerberg jo vetëm po përpiqet të rikthejë besimin e publikut te kompania e tij, por edhe të shmangë forcimin e rregullave federale ndaj Facebook-ut, për të cilat po flasin disa ligjvënës.

Në deklaratën e hapjes përpara senatorëve, ai gjithashtu kërkoi falje për lajmet e rreme, gjuhën e urrejtjes, mungesën e privatësisë së të dhënave dhe ndërhyrjen e mediave ruse në zgjedhjet e vitit 2016.

“Është shumë e qartë se nuk bëmë mjaftueshëm për të parandaluar që mjete të caktuara të përdoreshin për të shkaktuar dëme. Ne nuk i vlerësuam si duhet përgjegjësitë tona dhe ky ishte një gabim i madh. Ishte gabimi im dhe më vjen keq. Unë e themelova Facebook, jam drejtues i tij dhe kam përgjegjësinë për atë që ndodh”, deklaroi Zuckerberg.

Ndërkaq, kompania ka filluar të njoftojë disa përdorues për shfrytëzimin e të dhënave nga aplikacioni tashmë i ndaluar, ‘kjo është jeta juaj dixhitale’. Në njoftimin e facebook thuhej se aplikacioni ka keqpërdorur informacionet, duke përfshirë profilet publike, pëlqimet e faqes, ditëlindjet dhe qytetet aktuale, duke i ndarë ato me Cambridge Analytica.

Kalendari

Ngjarjet e datës 14 nëntor 2019 - Save the Children në bashkëpunim me Minstrinë e Arsimit dhe Institutin Pedagogjik organizojnë diten e dytë të konferencës ndërkombëtare ‘Fuqizimi i Kujdesit, Zhvillimit dhe Edukimit në Fëmijërinë e Hershme’. (Hotel Sirius, ora 9:30)

- Policia e Kosovës, pas përfundimit të të gjitha procedurave dhe me urdhëresë nga organet e drejtësisë, do të shkatërrojë një sasi të armëve të cilat i kishte konfiskuar gjatë realizimit të detyrave të saja operativo-hetimore. (Magjistralja Ferizaj - Prishtinë në kompaninë ‘Metal Holding’ në Ferizaj, ora 10:00)

- Deutsche Gesellschaft für Internationale Zusammenarbeit organizon ceremoninë e certifikimit të pjesëmarrësve nga aktivitetet “Opportunity Scouting” dhe “Skema e Praktikës në Punë në Sektorin e Shitjes me Pakicë”. (Menza Ramiz Sadiku, ora 10:00)

- Organizata Voice of Roma, Ashkali and Egyptians (VoRAE) mban ditë e dytë të Festivalit Multikulturor u njëkohësisht do të jetë edhe përmbyllja e këtij festivali.. (Hotel Emerald, ora  10:00)

- Organizata për Siguri dhe Bashkëpunim në Evropë, Misioni në Kosovë në bashkëpunim me Zyren e Komisionerit për gjuhët organizon ngjarjen e ndarjes  së çmimit “Praktika më e mirë në zbatimin e Ligjit për përdorimin e gjuhëve”. (Biblioteka Kombëtare e Kosovës “Pjetër Bogdani”, ora 11:00)

- Ndërmarrja “Dekoriti” organizon shënimin e përvjetorit të 30-të, me ç’rast do të lansojë linjën e re të prodhimit me dru masiv për interier. (Dekoriti ne fshatin Konjuh të komunës së Lipjanit, ora 13:45)

- Udhëheqja e Sindikatës së Pavarur e Sektorit Privat të Kosovës mban takim me kryetarë të disa shoqatave ku do mirët vendim për fillimin e protestave dhe grevave për punëtorët e sektorit privat lidhru me rritjen e pagave dhe zbatimi i ligjit të punës, marrëveshjes kolektive etj. (Zyret e BSPK–së, ora 14:00)

- Medica Gjakova, me mbështetjen e Bashkëpunimit Gjerman për Zhvillim organizon promovimin e librit “Unë jam Anemone”, i pari i këtij lloji i shkruar në Kosovë i publikuar nga Medica Gjakova. (Shkolla e muzikës “Prenk Jakova” në Gjakovë, ora 18:00)