03 Korrik 2020

Zuckerberg humbi 16 miliardë dollarë, përballet me thirrjet për dorëheqje

New York, 28 korrik - Drejtori ekzekutiv i Facebook-ut, Mark Zuckerberg po përballet me thirrjet për të dhënë dorëheqjen pasi kompania e tij pësoi humbjen më të madhe njëditore në vlerë sesa ndonjë kompani tjetër publike në histori.

Zuckerberg humbi 16 miliardë dollarë për një orë. Analistët thonë se njerëzit po i largohen Facebook-ut të zemëruar nga reagimi i kompanisë ndaj shqetësimeve të tyre të privatësisë.

Pasuria e shefit ekzekutiv të Facebook-ut, Mark Zuckerberg ra me më shumë se 16 miliardë dollarë, pasi kompania e mediave sociale pësoi humbjen më të madhe njëditore në historinë e tregut të aksioneve në Shtetet e Bashkuara, një ditë pasi drejtuesit e kompanisë parashikuan ulje të fitimit në vitet e ardhshme.

Aksionerët janë tani duke u përpjekur të zëvendësojnë drejtorin ekzekutiv të Facebook-ut pasi kompania humbi 119 miliardë dollarë vlerë në tregut e shkëmbimeve të enjtes.

Kjo rënie është e barabartë me vlerën e përgjithshme të disa prej kompanive më të mëdha të vendit, përfshirë Nike dhe McDonalds.

Trillium Asset Management .. një kompani investimi me rreth 11 milionë dollarë aksione në Facebook po kërkon që Zuckerberg të heqë dorë nga roli i tij, sepse mungesa e "mbikëqyrjes" ka kontribuar në keqmenaxhimin e një sërë çështjesh kontradiktore për Facebook-un".

"Ai ka arritur kufirin e aftësive të tij."

Robert Eberhard .. profesor i biznesit në Universitetin Santa Clara nuk mendon që Zuckerberg-u duhet të japë dorëheqjen por thotë se Facebooku tani mund të jetë tepër kompleks për miliarderin 34 vjeçar.

"Problemi është se në shkencat kompjuterike nuk mëson teknikat e menaxhimit të një kompanie globale që përfshin qeveritë, që përfshin aksionerë të ndryshëm, që përfshin interesa të ndryshme politike", thotë profesori.

Për ta ndihmuar rritjen, Facebook-u ka shtuar Instagramin .. Oculusin, një kufje realiteti virtual .. dhe Whatsapp-in.

Kompania po hedh më shumë para në masat e sigurisë ... pasi Cambridge Analitica, një firmë e angazhuar nga fushata Trump në vitin 2016, mund të ketë marrë informacione nga 87 milionë përdorues.

Rritja e përdoruesve është gjithashtu një problem.

“Facebooku po humb audiencën e tij adoleshente dhe kjo është shumë e rëndësishme. Po e merr atë në Instagram, por e humbet atë në Facebook”, thotë Larry Magid, analist i teknologjisë.

Rënia e Facebook-ut në treg bëri që edhe kompani të tjera të teknologjisë të pësonin humbje në Wall Street.

Kalendari

Ngjarjet e datës 3 Korrik 2020

- Kryeministri i Republikës së Kosovës, Avdullah Hoti, viziton Republikën e Shqipërisë ku do të zhvillojë takim me kryeministrin Edi Rama. (Pallati i Brigadave në Tiranë, ora 10:00)

- Ministri  i Arsimit dhe Shkencës, Ramë Likaj, viziton Komunën e Deçanit, ku pritet në takim nga kryetari Bashkim Ramosaj. (Salla e Asamblesë Komunale, Deçan, ora 10:00)

- Ambasadori hungarez në Kosovë, Laszlo Markusz, viziton Komunën e Gjakovës. (Ndërtesa e Komunës, ora 10:45)

- Lëvizja FOL organizon konferencë për media, me ç’rast do të publikoj raportin “Pagesat e Vendimeve Gjyqësore nga Komunat - Vitet 2017, 2018, 2019”. (Zyret e Lëvizjes FOL, ora 11:00)

- Kryeministri i Kosovës, Avdullah Hoti dhe Kryeministrit të Shqipërisë, Edi Rama mbajnë konferencë e përbashkët për shtyp. (Pallati i Brigadave në Tiranë, ora 11:15)

- Hapet ekspozita “Ditarët e Depresionit” e realizuar nga Ferdi Limani. (Shtëpia e Evropës në Prishtinë, ora 12:00)

- Banorët e lagjes ”Qendra” protestojnë, të pakënaqur me shërbimet komunale. (Rr.“Rexhep Luci”, ora 12:00)

- Lëvizja Vetëvendosje! mban konferencë për media në të cilën flasin deputetët Arbërie Nagavci dhe Hajrulla Çeku. (Oborri i Kuvendit të Kosovës, ora 13:00)

- Kryeministri i Republikës së Kosovës, Avdullah Hoti takohet me Presidentin e Republikës së Shqipërisë, Ilir Meta. (Presidenca e Shqipërisë, ora 13:10)

- Kryeministri i Republikës së Kosovës, Avdullah Hoti takohet me Kryetarin e Kuvendit të Shqipërisë, Gramoz Ruçi. (Zyra e Kryetarit të Kuvendit, ora 14:00) 

- Komisioni Qendror i Zgjedhjeve mban mbledhjen e radhës. (Selia e KQZ-së, ora 14:00)

- Kryeministri i Republikës së Kosovës, Avdullah Hoti takohet me Kryetarin e Bashkisë së Tiranës, Erion Veliaj. (Zyra e Kryetarit të Bashkisë, ora 14:45)
 
- Kryeministri i Republikës së Kosovës, Avdullah Hoti takohet me Kryetarin e Partisë Demokratike, Lulzim Basha. (Zyra e Kryetarit të PD-së, ora 15:30)