08 Korrik 2020

ZTE hap laboratorin e parë të sigurisë kibernetike në Evropë

Romë, 23 maj - Firma teknologjike kineze ZTE ka hapur laboratorin e vet të parë të sigurisë kibernetike në Romë.

Kompania thotë se laboratori synon t'u ofrojë konsumatorëve dhe rregullatorëve në mbarë botën shërbimet e vlerësimit të sigurisë dhe të auditimit, duke përfshirë shqyrtimin e burimit të kodit të produkteve të ZTE-së e të dokumentit procedural, si edhe auditimin e projektit të sigurisë.

Laboratori do të shërbejë edhe si një platformë e bashkëpunimit dhe e kërkimeve, duke e lejuar këtë sektor të kryejë studime të thella në fushën e sigurisë.

ZTE-ja është një nga furnizueset kryesore ndërkombëtare të pajisjeve të telekomunikacionit për klientë të tillë si operatorët e telefonisë së lëvizshme, duke konkurruar me kompani si "Huawei", "Ericsson" dhe "Nokia".

Kalendari

Ngjarjet e datës 8 Korrik 2020

- Komisioni për Buxhet dhe Transfere shqyrton në parim Projektligjin  për ndryshimin dhe plotësimin e Ligjit mbi Ndarjet Buxhetore për Buxhetin e Republikës së Kosovës për vitin 2020. (Ndërtesa e Kuvendi, salla C301, ora 10:00)

- Nënshkruhet Memorandumi i Bashkëpunimit në mes të Ministrisë së Drejtësisë, Rrjetit të Grave të Kosovës, Shoqatës “Rrjeti i Shitësve me Pakicë”, i cili qëllim kryesor ka krijimin e lehtësirave në punësim, të personave të strehuar në strehimoret e dhunës në familje dhe të mbijetuarat/it e dhunës seksuale gjatë luftës. (Hapësirat e Ministrisë së Drejtësisë, kati i 9-të, salla 914, ora 11:00)

- Komuna mban dëgjim publik me banorët të fshatrave Çifllak, Polluzhë dhe Dobidol për përgatitjen e buxhetit për vitin 2021 dhe kornizës afatmesme 2021-2023. (Objekti i Shkollës Fillore të Mesme të Ulët ”Rilindja”në fshatin Çifllak, ora 19:00)

- Komuna mban dëgjim publik me banorët të fshatrave Kramovik, Guri i Kuq dhe Mrasor për përgatitjen e buxhetit për vitin 2021 dhe kornizës afatmesme 2021-2023. (Objekti i Shkollës  Fillore të Mesme të Ulët “Mustafë Ibishi” në fshatin Kramovik, ora 20:00)