20 Nëntor 2019

YouTube gjobitet me 170 milionë dollarë

New York, 4 shtator - YouTube, shërbimi i videove të kompanisë Google, është gjobitur me 170 milion dollarë nën akuzat për mbledhje dhe shpërndarje të paligjshme të të dhënave personale nga përdoruesit fëmijë.

Komisioni Federal i Tregëtisë, një agjenci amerikane e themeluar një shekull më parë që administron legjislacionet antitrust dhe mbrojtjen e konsumatorit, e gjobiti gjigandin teknologjik Google 136 milion dollarë, ndërsa kompania do t’i paguajë shtetit të Nju Jorkut një gjobë prej 34 milion dollarësh nën akuza të ngjashme.

Kjo është gjoba më e madhe që ka të bëjë me një ligj federal të vitit 1998 që ndalon mbledhjen e të dhënave të fëmijëve nën moshën 13 vjeçare pa miratimin e prindërve.

YouTube u akuzua për gjurmimin e përdoruesve të kanaleve për fëmijët pa lejen e prindërve, ndërsa shpërndau reklama disa miliona dollarëshe që kishin për objektiv ata përdorues.

“YouTube u përpoq të shiste popullaritetin e saj me fëmijët për klientët e ardhëshëm të korporatave. Ndërsa kur bëhet fjalë për zbatimin e ligjit që mbron privacinë e fëmijëve, kompania refuzoi të pranonte se pjesë të platformës u drejtoheshin fëmijëve në mënyrë të qartë”, - tha drejtuesi i Komisionit Federal të Tregtisë Joe Simmos.

Përveç paguarjes së gjobës, marrëveshja i kërkon sherbimit YouTube që të rishikojë procesin e trajtimit të materialeve për fëmijët.

“Ne do të trajtojmë të dhënat e shikuesve të videove në YouTube me përmbajtje për fëmijët sikur të ishin fëmijë, pavarësisht moshës së përdoruesve. Do të kufizojmë mbledhjen dhe përdorimin e të dhënave për videot e bëra për fëmijët në vetëm ato që nevojiten për të mbështetur funksionimin e sherbimit. Po ashtu, do të ndalojmë reklamat e personalizuara në tërësi”, - tha Susan Wojcicki, Shefe Ekzekutive e firmës YouTube.

Marrëveshja, e cila duket e zbehtë në krahasim me gjobën 5 miliardë dollarë ndaj kompanisë Facebook në fillim të vitit për shkelje të privacisë, u miratua me një votim 3-2, ku dy komisionerë demokratë kërkuar dënime më të ashpra.

“Marrëveshja përsërit shumë prej gabimeve të njëjta nga marrëveshja e gabuar me kompaninë Facebook. Asnjë përgjegjësi individuale, mjete të pamjaftueshme për të trajtuar stimujt financiarë të kompanisë dhe një gjobë që ende e lejon kompaninë që të përfitojë nga shkeljet e saj të ligjit”,- tha komisioneri demokrat Rohit Chopra.

Ai po ashtu theksoi se ishte hera e tretë që nga viti 2011 që Komisioni Federal i Tregtisë e kishte dënuar kompaninë Google për shkelje të privacisë.

Qeveria federale është treguar gjithnjë e më e rreptë ndaj kompanive të mëdha teknologjike gjatë dy viteve të fundit, kryesisht kur flitet për mënyrën e mbledhjes dhe përdorimit të të dhënave përsonale të konsumatorëve.

Shumë kompani po ashtu janë nën hetime nëse kanë shkelur ligjet antitrust duke përfituar në rrugë të paligjshme përmes ndrydhjes së konkurentëve.

Kalendari

Ngjarjet e datës 21 nëntor 2019

- Institucioni i Avokatit të Popullit, me mbështetje të projektit të financuar nga Bashkimi Evropian organizon festimin e përvjetorit të 19-të Institucionit të Avokatit të Popullit. (Hotel Emerald, ora 9:30)

- Universiteti i Mitrovicës "Isa Boletini" organizon hapjen e Panairit te Parë të Punës dhe Karrierës. (Universiteti i Mitrovicës, ora 10:00)

- Me rastin e 23 vjetorit të vdekjes së Dr. Xhavit Ahmetit, anëtarit të Kryesisë dhe veprimtarit të LDK-së, Kryesia e LDK-së, bën homazhe te varri i tij. (Lagjja Arbëria, ora 10:30)

- Kosovo Center for Business Support organizon tryezën me temën “Si ti zëvenësojmë Qeset e Plastikës pa u dëmtuar Bizneset” dhe cilat hapa duhet t’i ndërmarrim lidhur me zbatimin e planit të MMPH-së për zvoglimin e përdorimit të qeseve të plastikës në Kosovë. (Hotel Sirius, ora 10:30)

- Banka Qendrore e Republikës së Kosovës organizon konferencë për media, ku temë do të jetë tarifat e vendosura nga kompanitë e sigurimeve. (Auditoriumi i BQK-së, ora 11:00)

- Lëvizja Vetëvendosje do të organizojë bashkëbisedim në mes të kryetarit të Lëvizjes Vetëvendosje, Albin Kurti dhe përfaqëuesve të sindilkatave në Kosovë, me titull: "Mbështetja e fuqizimit sindikal në vendin tonë". (Hotel Grand, ora 11:00)

- Organizata për Rritjen e Cilësisë në Arsim dhe ADMOVERE organizojnë aksionin protestues lidhur me vendimet e Këshillit të Etikës, për plagjiatura dhe avancime jo meritore në UP. (Para ndërtesës së Rektoratit të UP-së, ora 11:00)

- Ministria e Punëve të Jashtme të Republikës së Kosovës organizon konferencë me rastin e organizimit “Thirrja e Tretë për Projekte të Fondit të Ballkanit Perëndimor”. (Ministria e Punëve të Jashtme, ora 11:00)

- OJQ ETEA dhe Kuvendi i të Rinjve të Prishtinës organizojnë hapjen e minibiblotekës ne lagjen Velania.  (Lagjja Velania në parkun përballë SOS Fshatit, ora 12:00)

- Aleanca për Mbrojtjen e Teatrit nga Tirana do të mbaj një diskutim të hapur me komunitetin teatror, publikun dhe mediat e Kosovës. (Teatri Kombëtar i Kosovës, ora 12:00)

- OJQ ETEA dhe Kuvendi i të Rinjve të Prishtinës organizojnë hapjen e minibiblotekës ne lagjen Bregu i Diellit. (Parku afër SHFMU “Ismail Qemali”, ora 14:00)

- Shefja e BE-së në Kosovë, Ambasadorja Apostolova do të marrë pjesë në një debat për dhunën në familje në Mitrovicë të Veriut. (Shtëpia e Evropës në Mitrovicë të Veriut, ora 14:00)

- Në kuadër të Javës Ndërkombëtare të Edukimit Amerikan, American Advising Center Education USA, organizon “Alumni Fair - Panairi i të diplomuarëve në SHBA”. (Fakulteti i Edukimit në Universitetin e Prishtinës “Hasan Prishtina”, ora 14:30)

- Programi i Kombeve të Bashkuara për Zhvillim dhe komuna e Gjakovës do të shënojnë përfundimin e punimeve në rehabilitimin dhe rregullimin e Urës së Terzive dhe hapësirës përreth. (Pranë Urës së Terezive në Gjakovë, ora 16:00)

- OJQ ETEA dhe Kuvendi i të Rinjve të Prishtinës organizojnë hapjen e minibiblotekës ne lagjen e Spitalit". (Afër SHFMU “Pavarësia”, ora 16:00)

- Në kuadër të Global Entrepreneurship Week, do të mbahet ngjarja “Are you a Champion of Success?” organizuar nga Ardian Hoxha dhe Oda Amerikane e Kosovës në bashkëpunim me ICK, Venture UP dhe Jakova Innovation Center. (Swiss Diamond, ora 17:00)