18 Nëntor 2019

UNICEF lanson një aplikacion mësimor mbi edukimin seksual

Prishtinë, 15 tetor - Zyra e UNICEF-it në Kosovë po e lanson versionin më të ri të aplikacionit Shnet – Edukimi seksual, i cili është një aplikacion mësimor për ta informuar rininë e Kosovës mbi edukimin seksual. Ngjarja do të zhvillohet të hënën, në ora 11:00, në 'Sheshi 21', në Prishtinë.

"Shnet" përbëhet nga katër komponente kryesore: Mëso, Luaj, Gjurmuesi i Periudhës, dhe Chatbot-i (programi për biseda).

Nëpërmjet komponentit "Mëso", përdoruesit do të kenë mundësinë të informohen më mirë mbi temat e mëposhtme: Anatomia, Shëndeti Seksual, Njihni veten, Marrëdhëniet e Shëndetshme, A e keni ditur se?

Në Kosovë, sipas AGTS (2014), shkalla e fertilitetit të vajzave adoleshente të moshës 15-19 vjeç është 15 në 1,000 gra. 66 përqind e femrave në Kosovë përdorin metodën e kontracepcionit nga të cilat 52 përqind mbështeten në metodat tradicionale kontraceptive dhe 14 përqind në metodat moderne.

17 përqind e femrave të reja dhe 17 përqind e të rinjve të moshës 15-24 vjeç i identifikojnë me saktësi mënyrat e parandalimit të transmetimit seksual të HIV-it dhe janë të vetëdijshëm për keqkuptimet rreth transmetimit të HIV-it.

Si u krijua? Aplikacioni u krijua nga Punëtoria UPSHIFT  e Laboratorit të UNICEF-it për Inovacione në Kosovë, në bashkëpunim me organizatën UN Women.

Tre vajza të reja kosovare, ngjashëm me bashkëmoshataret e tyre, ishin ballafaquar me mungesën e edukimit gjithëpërfshirës seksual në kurrikulat ekzistuese kombëtare.

Sipas tyre, arsimi formal i Kosovës ka informacion të kufizuar në lidhje me shëndetin seksual dhe riprodhues.

Duke pasur parasysh epokën dixhitale në të cilën ne jetojmë, krijuesit e kësaj zgjidhjeje kanë ardhur me idenë e zgjerimit të njohurive të të rinjve në këtë temë të caktuar duke prodhuar një aplikacion për telefona.

Folësit kryesorë janë Murat Sahin, Shef i Zyrës së UNICEF-it, Zv. Ministri i Shëndetësisë,  Përfaqësuesja e UNFPA në Kosovë, Visare Mujko-Nimani, dhe Hana Sahatqija, Menaxhere e Programit në kuadër të Laboratorit të UNICEF-it për Inovacione në Kosovë. Përveç kësaj, do të ketë edhe fjalime nga vajzat e reja rreth tipareve të aplikacionit SHNET - Edukimi Seksual.
 
"Shnet" do të shërbejë si një aplikacion mësimor për të informuar rininë e Kosovës mbi edukimin seksual, shëndetin riprodhues dhe informacione të tjera relevante në lidhje me tema të ngjashme. Përmes këtij aplikacioni, përdoruesit do të kenë mundësi të zgjerojnë njohuritë e tyre në lidhje me edukimin gjithëpërfshirës seksual dhe çështjet që lidhen me këtë temë.

 

Kalendari

Ngjarjet e datës 19 nëntor 2019

- Banka Qendrore e Republikës së Kosovës organizon konferencën ndërkombëtare të nivelit të lartë me titull: “Rreziqet dhe mundësitë në një sektor financiar dinamik-rruga zhvillimore”, që do të mbahet në kuadër të shënimit të 20 vjetorit të themelimit të BQK-së. (Hotel Swiss Diamond, ora 8:30)

- Presidenti i Republikës së Kosovës, Hashim Thaçi, merr pjesë në shënimin e 20 vjetorit të themelimit të BQK-së. (Hoteli Swiss Diamond, ora 9:00)

- Punëtorët teknik të qendrës studentore, punëtorët teknik të disa shkollave që menaxhohen nga komuna e Prishtinës, punëtorë teknik të Universitetit të Prishtinës, punëtorë të sigurimit fizik të UP-së dhe QMF-ve, punëtorët teknik të disa shkollave në Gjilan do të ndalin punën e tyre në shenjë pakënaqësie për pagën e tyre të ulët, ora 10:00

- Komuna e Rahovecit mban mbledhjen e njëmbëdhjetë e rregullt e Komiteti për Politik dhe Financa. (Objekti i Komunës së Rahovecit, ora 10:00)

- Zyra e BE-së në bashkëpunim me Këshillin Gjyqësor të Kosovës do të organizojë një vizitë në Gjykatën Themelore në Prishtinë në të cilën do të diskutojë për zhvillimet dhe arritjet në operacionalizimin dhe digjitalizimin e bazës kombëtare të të dhënave të evidencës penale, e zbatuar nga Sistemi qendror kombëtar i evidencës penale. (Gjykata Themelore e Prishtinës, ora 10:15)

- Mbahet ceremonia e ndërrimit të komandës në mes të Komandantit në largim të KFOR-it, gjeneralmajor Lorenzo D’addario dhe Komandantit në ardhje të KFOR-it, gjeneralmajor Michele Risi. (Kampi i Shtabit të Përgjithshëm të KFOR-it Film City, ora 10:30 - mediet duhet të arrijnë tek Porta kryesore e Kampit Film City jo më vonë se ora 9:30)

- Presidenti Thaçi dhe Kryeministri në detyrë, Ramush Haradinaj, merr pjesë në ceremoninë e ndërrimit të Komandës së KFOR-it. (Film City, ora 10:25)

- Zyra e UNICEF-it në Kosovë do të mbajë aktivitet me fëmijët në kuadër të shënimit te 30 vjetorit të Konventës për të Drejtat e Fëmijës. (Sheshin “Zahir Pajaziti”, ora 14:00)

- Kryeministri në detyrë, Ramush Haradinaj, pret në takim ministrin e Mbrojtjes të Italisë, Lorenzo Guerini. (Ndërtesa e Qeverisë, ora 14:00)

- Forumi për Iniciativa Qytetare FIQ organizon publikimin e analizës së Legjislacionit të Kosovës lidhur me Filantropinë dhe OJQ-të, me autor Qerkin Berisha. (Zyret e FIQ, Resource Center në Pejton, ora 14:00)

- Ambasadorja e Francës, Marie-Christine organizon pritje ku do të dekorojë znj.Blerta Zeqiri, ''Kalorëse në Urdhrin e Artit dhe Letërsisë''. (Rezidenca e Francës, ora 18:30)

- HANDIKOS organizon ceremoninë e hapjes së  ekspozitës me fotografi  “EmbraceMe-Kosovo”, me portrete nga jeta e nëntë personave nga Kosova, të punuara nga fotografja holandeze Karin Brongers. (Shtëpia e Evropës, ora 19:00)