11 Gusht 2020

UNICEF hap Qendrën e Inovacionit për të rinjtë në Gjakovë

Prishtinë, 19 nëntor - UNICEF-i dhe Komuna e Gjakovës nënshkruan sot një Memorandum Mirëkuptimi për “Nismën e Komunës Mike ndaj Fëmijëve” që ka për synim të krijojë një komunë që është e përkushtuar ndaj realizimit të të drejtave të fëmijëve dhe është një thirrje për veprim dhe përkushtim për të përfshirë problemet e Fëmijëve në agjendën komunale të politikave qeverisëse.

 “Nisma e Komunës Mike Ndaj Fëmijëve” është një thirrje për gjithëpërfshirje dhe llogaridhënie ndaj Fëmijëve dhe promovon vizionin se fëmijët në komunën tonë do të jenë të lumtur përderisa luajnë, mësojnë dhe rriten në një komunitet të sigurt, të qëndrueshëm dhe gjithëpërfshirës.

Për ta nisur këtë MM, si aktivitet i parë i këtij bashkëpunimi, Shefi i Zyrës së UNICEF-it, Murat Sahin, dhe Kryetari i Gjakovës, Ardian Gjini, përuruan Qendrën Rinore të Inovacionit e cila ka për synim t’iu mundësojë të rinjve ta transformojnë potencialin e tyre në një jetë të suksesshme profesionale, duke i adresuar në mënyrë konkrete sfidat ekzistuese sociale brenda komuniteteve të tyre dhe duke krijuar mundësi të reja për punësim përmes ndërmarrësisë inovative sociale.

Përmes Qendrës Rinore të Inovacionit, Laboratori i Inovacioneve i UNICEF-it është duke sjellë nismat e tij më afër të rinjve, duke arritur tek ata në komunitetet ku jetojnë për të fuqizuar integrimin gjinor në inovacion dhe ekosisteme gjithëpërfshirëse inovative.

Puna në Qendër do të përqendrohet në metoda jo tradicionale të arsimit, pas orarit të mësimit, dhe në modelimin me njeriun në qendër si mjet përmes të cilit të rinjtë do t’i testojnë idetë e tyre dhe do të marrin programim të bazuar në shkathtësi, në nivel bazik. Qendra Rinore e Inovacionit është pjesë e një projekti të financuar nga Agjencia Austriake për Zhvillim dhe i zbatuar nga GWY (YMCA).

Gjatë përurimit, Shefi i Zyrës së UNICEF-it, z. Sahin, tha se “jemi duke u munduar të bëjmë Gjakovën qytetin më miqësor për fëmijë ne Evropë”.

Po ashtu, Kryetari i Gjakovës, z. Gjini “ftoi të gjithë adoleshentët dhe të rinjtë nga Gjakova që të shfrytëzojnë këtë mundësi për tu angazhuar në të gjithë aktivitetet në Youth Innovation Hub në Gjakovë”.

Kjo nismë është plotësisht e bazuar në parimin të mos lihet pas asnjë adoleshent apo i ri dhe është duke kontribuar në harmonizimin e fuqizimit të rinisë me Objektivat për Zhvillim të Qëndrueshëm (OZHQ).

Ajo do të kontribuojë për të siguruar se asnjë adoleshent, asnjë i ri/e re në këto komuna nuk do të mbetet prapa dhe se çdo adoleshent apo i ri është i qëndrueshëm dhe i përgatitur për ta marrë kontrollin mbi të ardhmen e tyre dhe për tu bërë agjentë të ndryshimit shoqëror, inovatorë apo pjesëtarë frytdhënës të shoqërisë së tyre.

Për ta arritur këtë, puna në këtë Qendër do të përqendrohet në arritjen 100% të nxënësve të klasave të 10-ta në këto komuna, duke i pajisur ata me shkathtësi të ndërmarrësisë sociale, njohurive financiare, avokimit dhe lobimit dhe njohurive të mediave kritike.

Kalendari

Ngjarjet e datës 11 Gusht 2020

- Ministri i Infrastrukturës, Arban Abrashi, do t’i vizitojë punimet në hekurudhën e Kosovës, linjën 10, në stacionin hekurudhor në Miradi. (Miradi, ora 10:00 - nisja për medie nga parkingu i Ministrisë së Infrastrukturës, ora 9:30)

-  Komisioni për Mbikëqyrjen e Financave Publike shqyrton Raportin e Auditimit për Ministrinë e Diasporës dhe Investimeve Strategjike, për vitin e përfunduar më 31 dhjetor 2019. (Salla e seancave plenare, ora 10:00)

- Ministrja e Kulturës, Rinisë dhe Sportit, Vlora Dumoshi, do të vizitojë Komunën e Malishevës ku do te takohet me kryetarin Ragip Begaj. (Objekti i Komunës, ora 10:00)

- Ministri i Drejtësisë, Selim Selimi raporton para Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit diskuton lidhur me programin legjislativ për vitin 2020 respektivisht të Projektligjeve të Ministrisë së Drejtësisë si dhe për gjendjen në Institucionet Korrektuese në Republikën e Kosovës për shkak të Pandemisë me Covid-19. (Salla e seancave plenare, ora 13:00)

- Zëvendëskryeministri Besnik Tahiri viziton Fondin e Kursimeve Pensionale të Kosovës për të diskutuar rreth rimëkëmbjes ekonomike. (Ndërtesa e TRUST-it, Rruga "Agim Ramadani", ora 11:00)

- Instituti Demokratik i Kosovës organizon konferencën për media ku do të shpalosen gjetjet nga analiza e burimit të problemeve në mos zbatimin e rekomandimeve të Auditorit të Përgjithshëm nga komunat. (Zyrat e KDI-së, ora 11:00)

-  Komisioni për të Drejtat e Njeriut, Barazi Gjinore, për Persona të Pagjetur dhe Peticione shqyrton raportin e panelit përzgjedhës për shqyrtimin e aplikacioneve, intervistim dhe listën e ngushtë të kandidatëve për Avokat të Popullit. (Ndërtesa e Kuvendit, salla N302, ora 13:00)

-  Komisioni Hetimor Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës dëgon dëshmitë e dëshmitarëve. (Ndërtesa e Kuvendit, salla N10, ora 14:30)

- Organizata ETEA dhe Biblioteka “Hivzi Sulejmani” organizojn takim me shkrimtarin dhe kryetarin e Akademisë së Shkencave dhe Arteve, Mehmet Kraja. (Qendra për Edukim dhe Kulturë “Libart” në objektin e bibliotekës “Hivzi Sulejmani” në lagjen “Dardania”, ora 18:00)  .