28 Janar 2021

UNDP dhe UNV mbështesin Kuvendin e Kosovës me mjete dixhitale

Prishtinë, 25 nëntor - Pandemia COVID-19 ka sjellë një valë të re të transformimit dixhital, duke rritur nevojën për transferim të shpejtë në teknologjitë dixhitale. Institucionet në mbarë botën vazhdimisht po u drejtohen zgjidhjeve dixhitale për punën dhe operacionet e përditshme.

Distancimi fizik si një nga masat parandaluese për përhapjen e pandemisë, së bashku me kapacitetin e kufizuar teknik po sfidojnë aftësinë e institucioneve për të kryer plotësisht detyrat dhe përgjegjësitë e tyre.

Edhe institucionet e Kosovës u janë drejtuar teknologjive dixhitale në mënyrë që të provojnë të kontrollojnë përhapjen e virusit. Përkundër pandemisë, Kuvendi i Kosovës duhet të vazhdojë të ushtrojë mandatin e tij legjislativ edhe pse në rrethana shumë të vështira.

Pikërisht për këtë arsye Programi i Kombeve të Bashkuara për Zhvillim (UNDP) dhe Zyra e Vullnetarëve të Kombeve të Bashkuara (UNV) kontribuan në forcimin e infrastrukturës dixhitale të Kuvendit të Kosovës duke dhuruar pajisjeve për video-konferenca (licencën e Zoom dhe CISCO Webex).

Mbështetja me këto mjete do të mundësohen takime dhe iniciativa te tjera virtuale, në mënyrë që Kuvendi i Kosovës të vijojë funksionet administrative dhe të vazhdojë ti mbaj të informuar qytetarët.

Znj. Maria Suokko, Përfaqësuese e Përhershme e UNDP, vuri në dukje rëndësinë e teknologjisë dixhitale në kohë të pandemisë: “Transformimi dixhital ka kaluar nga të qenit një opsion në një prioritet. Shpresojmë që dhurimi i këtyre mjeteve dixhitale të ndihmojë Kuvendin e Kosovës në këtë rrugëtim dixhital dhe të forcojë kapacitetet e tij”.

Znj. Arberie Nagevci, Nënkryetare e Kuvendit të Kosovës, në fjalën e saj falënderoi UNDP dhe UNV për mbështetjen e tyre gjatë pandemisë duke theksuar se: “Mjetet dixhitale do të kenë një rëndësi të madhe në forcimin e infrastrukturës dixhitale të Kuvendit dhe do të na mundësojë të mbajmë takime virtuale përfshirë takimet e presidencës, sfida me të cilat jemi përballur që nga fillimi i pandemisë".

Ky kontribut u financua nga “The UN COVID-19 Response and Recovery Multi-Partner Trust Fund (COVID-19 MPTF)”, i lansuar nga Sekretari i Përgjithshëm i Kombeve të Bashkuara, për të ndihmuar në tejkalimin e krizës shëndetësore dhe zhvillimore të shkaktuara nga pandemia COVID-19.

Kalendari

Ngjarjet e datës 28 Dhjetor 2020

- Drejtori i Përgjithshëm i ATK-së Ekrem Hysenaj do të mbaj konferencë për media, në të cilën do të prezantoj aktivitetet e zhvilluara, si dhe rezultatet e arritura të ATK-së gjatë vitit 2020. (Zyra qendrore e ATK-së, ora 10:00)

- KDI organizon konferencën për media ku do të shpaloset “Indeksi për Perceptimin e Korrupsionit” për vitin 2020 përgatitur nga Transparency International. (Zyret e KDI-së, ora 10:00)  

- Mbahet mbledhja e parë e rregullt për vitin 2021 të Kuvendit Komunal të Prizrenit. (Shtëpia e Bardhë, ora 10:00)

- Promovohet libri “Krime serbe në Kosovë”, i autorit Çerçiz Loloçi. (Qendra Mediale të Kolegjit AAB, ora 11:00)

- Ministri në detyrë i Shëndetësisë, Armend Zemaj, merr pjesë në prezantimin e pullës postare, dedikuar personelit shëndetësor që kanë humbur jetën gjatë ballafaqimit me COVID-19. (Ministria e Shëndetësisë, ora 11:00)

- Universiteti "Fehmi Agani" në Gjakovë organizon ngjarjen kushtuar Ditës Ndërkombëtare të Përkujtimit të Holokaustit, e cila këtë vit i është kushtuar albanologut austriak - hebre Norbert Jokl. (Ambientet e Fakultetit të Edukimit-Filologjisë në Gjakovë, ora 12:00)

- Ministri në detyrë i Shëndetësisë, Armend Zemaj, merr pjesë në përurimi i fillimit të punimeve për ndërtimin e Qendrës së Mjekësisë familjare në Strellc të Deçanit. (Strellc – Deçan, ora 12:30)

- Partia Socialdemokrate do të mbaj aktivitet afër Ministrisë së Shëndetësisë. (Afër Ministrisë së Shëndetësisë, ora 13:00)

- Kandidati për deputet i AAK-së, Shemsedin Dreshaj, mban konferencën për medie. (Zyra e AAK-së, ora 13:00)

- Kryetari i Nismës Socialdemokrate Fatmir Limaj merrë pjesë në takimin në mbështetje të nominuarëve për deputet në Skenderaj. (Lokali 'Te Mixha' në fshatin - Polac, Skënderaj, ora 16:30)