09 Korrik 2020

SpaceX dërgon në orbitë 60 satelitë të internetit

Florida, 19 shkurt - Prodhuesi amerikan i raketave, satelitëve dhe anijeve kozmike SpaceX, dërgoi në hapësirë 60 satelitë të tjerë që janë pjesë e rrjetit satelitor të internetit Starlink.

Në një deklaratë nga faqja e internetit të kompanisë, thuhet se grupi prej 60 satelitësh të rrjetit Starlink u lëshua nga baza Cape Canaveral në Florida të SHBA-së me raketën Falcon 9 që është prodhim i SpaceX.

SpaceX në kuadër të projektit të Starlink ka dërguar më parë në hapësirë 240 satelitë në 4 grupe me nga 60 satelitë. Kompania me satelitët e Starlink planifikon të formojë në orbitë një rrjet prej 12 mijë satelitësh. Është planifikuar që projekti të përfundojë në vitin 2027.

Ndërkohë theksohet se raketa Falcon që ka cilësinë për t'u ripërdorur, bashkë me këtë lëshim është përdorur për të 4-tën herë. Raketa në fjalë pas këtij lëshimi nuk ka mundur të rikthehet sërish në Tokë.

Nëse raketa do të mund të bënte ulje në platformën lundruese pa pilot të SpaceX në oqean. Kjo do të ishte raketa e 50-të e kompanisë e kthyer sërish në Tokë pas lëshimit.

Kalendari

Ngjarjet e datës 9 Korrik 2020

- Mbahet mbledhja e Qeverisë së Kosovës. (Ndërtesa e Qeverisë, ora 9:00)

- Vazhdimi i seancës plenare të Kuvendit të Republikës së Kosovës në të cilën do të behët votimi dhe shqyrtimi i disa Projektligjeve për ratifikimin e Marrëveshjeve ndërkombëtare. (Salla e Kuvendit, ora 10:00)

- Komuna e Prizrenit bën përurimin e stadiumit në Sërbicë të Poshtme, projekt i realizuar nga Drejtoria për Kulturë, Rini dhe Sport ku do të jetë i pranishëm kryetari i Komunës së Prizrenit, Mytaher Haskuka dhe drejtoresha e DKRS-së, Emilija Redzepi. (Nisja do të bëhet nga Shtëpia e Bardhë në Prizren, ora 10:30)

- Vazhdimi i seancës plenare të Kuvendit të Republikës së Kosovës në të cilën do të behët  votimi i Propozim rezolutës nga Raportimi i Kryeministrit të Republikës së Kosovës dhe debati parlamentar lidhur me dialogun Kosovë - Serbi. (Salla e Kuvendit, ora 10:30)

- Në nderim të ushtarit amerikan Alexander Blake Klass, 20 vjeçar nga Willamina e Oregonit, që ka humbur jetën në një incident, që nuk kishte të bënte me veprim të armatosur, Shoqata "Miqtë e Amerikës" do ta ulin në gjysëm shtizë flamurin amerikan. (Sheshi “Bill Clinton” në Prishtinë, ora 11:00)

- Mbahet Seanca plenare e Kuvendit të Republikës së Kosovës. (Salla e Kuvendit, ora 11:00)

- Lëvizja Vetëvendosje mban konferencë për media në të cilën flet Albulena Haxhiu. (Zyret e LV-së në Arbëri, ora 13:00)

- Mbahet mbledhja e jashtëzakonshme e Kuvendit Komunal të Rahovecit, në të cilën do të behët shqyrtimi dhe aprovimi i Propozim vendimit për bartjen e mjeteve nga rezervat e buxhetit komunal, nga kategoria pozicionit të pagave në kategorinë e Investimeve Kapitale. (Salla e mbledhjeve të Kuvendit Komunal në objektin e ri të komunës, ora 14:00)

Mbledhja do të mbahet në sallën e mbledhjeve të Kuvendit Komunal, në objektin e ri të komunës.

- Mbahet një takim pune i organizuar nga Ministria e Ekonomisë dhe Ambientit në të cilin do të diskutohet dokumenti - Plani Hapësinor i Parkut Kombëtar Bjeshkët e Nemuna. (Ndërtesa e re e Qeverisë ish-Rilindja, salla e konferencave, kati XVIII, ora 15:00)