26 Shtator 2018

Shpiket pajisja për të penguar vjedhjen nga kartat e kreditit

Florida, 26 qershor - Disa hakerë vjedhin numrat e kartave të kreditit gjatë operacioneve online, të tjerë vjedhin direkt nga karta, kur klienti e përdor kartën në bankomat.

Shërbimi Sekret Amerikan thotë se këto vjedhje përllogariten në mbi një miliard dollarë çdo vit. Një grup studentësh nga Universiteti i Floridës po punojnë për të krijuar një pajisje që mund të ndalë këtë lloj aktiviteti kriminal.

Kartat e reja të kreditit kanë një çip elektronik që e bën të vështirë vjedhjen e fondeve, por shumë prej tyre kanë edhe një shirit magnetik që bën të mundur përdorimin e tyre në makina të vjetra në dyqane që ende nuk kanë modernizuar sistemin. Në këto dyqane llogaria e përdoruesit është në rrezik:

“Kartat e kreditit futen në pajisjen përkatëse për të bërë pagesën. Në këto raste, vetëm një pajisje për leximin e kartës duhet të jetë në përdorim,” thotë profesori i Universitetit të Floridës, Patrick Traynor.

Keqbërësit lidhin pajisjen e tyre të leximit të kartës me pajisjen e dyqanit dhe kur klienti fut kartën për të paguar, lexuesi i dytë regjistron gjithë informacionin për të krijuar një kopje ekzakte.

Kjo lloj vjedhjeje është mjaft e përhapur sidomos në qytete të mëdha si Nju Jorku, ku vetëm katër hetues punojnë për të zbuluar pajisjet e paligjshme të lidhura me bankomatët.

Tani një pajisje e re mund t’ua bëjë punën më të lehtë. Studentë të Universitetit të Floridës, nën udhëheqjen e profesorit Patrick Traynor kanë shpikur “Zbuluesin e Hajdutit Dixhital”.

“Jemi të gëzuar që po krijojmë diçka që do ta luftojë këtë krim,” thotë një student.

Shpikja e re ka një kartë elektronike me përmasa dy herë më të mëdha se karta e rregullt e kreditit, e vendosur mbi një kuti me ekran elektronik. Kur përdoret tek bankomati, ajo tregon nëse është e pranishme një pajisje tjetër për leximin e të dhënave të kartës.

“Teknologjia e tyre është mbresëlënëse, po ashtu edhe imagjinata që dëshmojnë studentët me këtë pajisje për të zbuluar hajdutët dixhitalë,” thotë James Lilla, hetues i krimit financiar në Nju Jork.

Aktualisht kostoja për këtë pajisje shkon në rreth 50 dollarë, por ekipi kërkimor thotë se po përpiqen ta bëjnë më të lirë, në mënyrë që të jetë e disponueshme per çdo pjesëtar i forcave të rendit, jo vetëm nga ekipet e specializuara.

Kalendari

Ngjarjet e datës 26 shtator 2018  - Zyra e Këshillit të Evropës në Prishtinë do ta bëjë hapjen e projektit të arsimit me titull 'Përkrahja e përafrimit përmes arsimit për demokraci dhe të mësuarit të gjuhëve'. (Hotel Swiss Diamond, ora 9:30)

- Mbahet aktiviteti i pranim-dorëzimit të donacionit të KFOR-it gjerman dhënë  FSK-së në vlerë prej 329.281.78 euro ku perfshihen 44 automjete dhe pajisje të tjera. (Kazerma 'Adem Jashari' në Prishtinë, ora 9:30)

-  IFC si anëtare e Grupit të Bankës Botërore dhe Ministria e Tregtisë dhe Industrisë organizojn ceremoninë e nënshkrimit të Memorandum Mirëkuptimit. (Zyrat e Ministrisë së Tregtisë dhe Industrisë, ora 9:30)

- Komuna e Prishtinës mban mbledhjen e katërt te Këshillit Komunal për Siguri në Bashkesi. (Ndërtesa e vjetër të Komunës, salla nr. 37, ora 10:00)

- Zyra e Bashkimit Evropian në Kosovë prezanton projektin "Partneritetet e Bashkimit Evropian, Inovacionit dhe Mediave për aksion, bashkëpunim dhe transformim në Ballkanin Perëndimor".  (Hotel Sirius, ora 10:00)

- Oda e Afarizmit të Kosovës organizon takimin e përbashkët me Autoritetin Kosovar të Konkurrencës. (Salla e konferencave Orion përballë Kino ABC, ora 10:00)

- Në kuadër të aktiviteteve të Javës Evropiane Sportive, ministri i Kulturës, Rinisë dhe Sportit, Kujtim Gashi, do të marrë pjesë në ceremoninë e hapjes së aktiviteteve të organizuara nga Federata e Sporteve Universitare e Kosovës. (Palestra “1 Tetori’’ Prishtinë, ora 10:30)

- Grupi për Studime Juridike dhe Politike organizon tryezën e diskutimit me temë 'Monitorimi i Agjencisë së Kosovës për Akreditim: Sa po e përmbush detyrën e saj në sigurimin e cilësisë së arsimit të lartë?'. (Hoteli Sirius, ora 10:30)

- Hapet Panairi Rajonal të quajtur “Panairi i Gjilanit 2018”, me pjesëmarrjen e rreth 120 kompanive të Kosovës, Shqipërisë, Malit të Zi, Maqedonisë, Luginës së Preshevës dhe ​Turqisë. (Sheshi i qytetit të Gjilanit, ora 11:00)

- Ministri i Drejtësisë, Abelard Tahiri, dhe Ambasadori i Britanisë së Madhe në Kosovë, Ruari O’Conoll nënshkruajnë marrëveshje bashkëpunimi për mbështetjen e rishikimit funksional të sektorit të sundimit të ligjit. (Ndërtesën e Qeverisë, Ish-Rilindja, kati i 9-të, ora 11:00)

- Let's Do It Kosova organizon aksionin për të pastruar sërish te stadiumi "Fadil Vokrri".  (Zona tek stadiumi 'Fadil Vokrri', ora 11:00)

-  Drejtuesit e Federatës Sindikale të Bujqve të Kosovës do të mbajmë një konferencë të jashtëzakonshme për media. (Para ndërtesës së Qeverisë së Kosovës, ora 12:00)

- Mbahet mbledhja e Komisionit për Buxhet dhe Financa në të cilën do të behët shqyrtimi i Propozimit të Komisionit për Përzgjedhje te anëtarëve të Bordit Drejtues të Fondit të Kursimeve Pensionale të Kosovës, etj. (Ndërtesa e Kuvendit, salla N204, ora 13:00)

- Kryetari i Kuvendit te Kosovës do të vizitoj kompanine NewCo ferronikeli në Drenas. (Fabrika e Feronikellit në Drenas, ora 13:00)

- Organizata e Veteranëve të Luftës së UÇK-së në Dukagjin mban protestë. (Pallati i Drejtësisë, ora 13:00)

- Grupi EUNIC në Prishtinë, i cili bashkon përfaqësitë diplomatike dhe qendrat kulturore të Austrisë, Gjermanisë, Francës, Hungarisë, Italisë dhe Luksemburgut, shënon Ditën Evropiane të Gjuhëve. (Qendra Informative dhe Kulturore të BE-së, ora 16:00)

- Shfaqet premiera e koreodramës “KUMT”, të autorit, Gjergj Prevazi. (Teatri Kombëtar i Kosovës, ora 20:00)