06 Dhjetor 2019

SHBA përgatiten për një valë sulmesh kibernetike

Washigton, 12 dhjetor - Shtetet e Bashkuara po përgatiten për një valë sulmesh kibernetike që pritet të kenë në shënjestër zgjedhjet e mesmandatit në vitin 2018.

Ndërkaq, disa zyrtarë paralajmëruan se ky është vetëm fillimi i një kërcënimi më të thellë dhe më të gjerë.

Zyrtarë të inteligjencës dhe të sigurisë, si dhe ekspertë të tjerë, duke folur në kushte anonimiteti, thonë se ajo që filloi si një përpjekje ruse për të ndikuar në zgjedhjet presidenciale amerikane të vitit 2016, ka evoluar më tej.

Zyrtarët dhe ekspertët presin që raundi i ardhshëm i përpjekjeve kibernetike ruse të jetë më i sofistikuar dhe më i gjerë. Ka të ngjarë, thonë ata, që vala e re të jetë një kombinim i fushatave të dezinformimit në mediat sociale me sulme të mundshme ndaj objektivave që mund të goditen më lehtë.

Për periudhën afatshkurtër, shumë prej ekspertëve presin që goditjet të përqendohen tek zgjedhjet në SHBA.

Kalendari

Ngjarjet e datës 6 dhjetor 2019  - Administrata Tatimore e Kosovës organizon tryezën e konsultimeve publike me përfaqësues të bizneseve, lidhur me hartimin dhe zbatimin e “Planit për përmirësimin e integritetit” të ATK-së. (Hotel Sirius, ora 9:00)

- Open Data Kosovo në bashkëpunim me fondacionin ePanstwo, organizatë kjo që operon në Poloni organizojnë konferencën ndërkombëtare mbi të dhënat e hapura dhe iniciativat teknologjike në Kosovë dhe Evropë, titulluar “GOT_Data”. (Prishtinë, 9:30)

- Shërbimi Spitalor dhe Klinik Universitar i Kosovës do të prezantoj raportin  e punës për vitin 2019 ku edhe do të bëhet prezantimi i planit të punës për SHSKUK-në  për vitin 2020. (Hotel Emerald, ora 10:00)

- Instituti Demokratik i Kosovës organizon konferencën për media, gjatë së cilës do të shpaloset analiza “Konsensusi i brendshëm si parakusht për vazhdimin e dialogut Kosovë-Serbi”. (Zyrat e KDI-së, ora 11:00)  

- Unioni i Gazetarëve Shqiptarë organizon ndarjen e çmimeve "Vangjush Gambeta 2019”, për raportimin më të mirë ekonomik të publikuar gjatë këtij viti, nga gazetarë ekonomikë nga Shqipëria, Kosova dhe Maqedonia. (Hotel Swiss Diamont, ora 11:00)

- Banka Qendrore e Republikës së Kosovës mban konferencë të jashtëzakonshme për media ku do të shpalosen vendimet e fundit nga mbledhja e Bordit Ekzekutiv. (Auditoriumi i BQK-së, ora 11:30)

- Fondi për të Drejtën Humanitare Kosovë organizon panel diskutimin në temën: “Krimet e luftës – Sigurimi i provave, sfidat dhe përvojat me dëshmitarë”. (Hotel “Star Hill”, Rr. Prishtinë - Veternik, ora 14:00)

- Mbahet ceremonia e përvjetorit të 20-të të Radio K4. (Shtabi Qendror i KFOR-it në kampin “Film City”, ora 15:00)