27 Shkurt 2020

Samsung prezanton Galaxy A6 dhe A6+

Seul, 2 maj - Samsung Electronics prezantoi sot Galaxy A6 dhe A6+, të cilët kombinojnë jetën e përditshme dhe dizajnin elegant me një kamera të avancuar për të shprehur veten në mënyrë më të personalizuar.

Duke shfaqur një kamera të përparme dhe të pasme të fuqishme, një dizajn të shkëlqyer premium dhe karakteristikën e veçantë të Samsung, Ekranin pa kufij (Infinity Display), seria e re Galaxy A është në dispozicion në katër ngjyra elegante; të Zezë, Gold dhe Lejla.1

"Në Samsung ne jemi të përkushtuar që t'u sigurojmë konsumatorëve tanë përvojën më të mirë të smarphonëve, duke përmbushur nevojat e tyre praktike," tha Junho Park, Nënkryetar i Planifikimit të Produkteve Globale, Mobile Communications Business pranë Samsung Electronics.

"Galaxy A6 dhe A6+ mbështeten në trashëgiminë e smartphonëve Samsung për të kombinuar komoditetin e jetës së përditshme me një kamera mbresëlënëse që i lejon përdoruesit të kapin, personalizojnë dhe ndajnë momentet, duke i lejuar që të shprehin veten në mënyrë unike."

Me kamerën e përparme dhe të pasme të Galaxy A6 dhe A6+, realizimi i shkrepjeve të bukura dhe selfieve në çdo moment, nuk ka qenë kurrë më i thjeshtë.

Duke shfaqur një flesh LED të adaptueshëm përpara, përdoruesit e Galaxy A6 dhe A6+ mund të bëjnë selfie elegante, si ditën ashtu dhe natën. Dhe me lentet me hapje të ulët të kamerës së pasme, përdoruesit mund të kapin fotografi të mprehta dhe të qarta në kushte me ndriçim të ulët, pa sakrifikuar cilësinë e imazhit në çdo moment të ditës.

Kamera e dyfishtë2 e Galaxy A6+ mund të përmirësojë më tej fotografitë dhe momentet që kanë rëndësi me funksionin Live Focus, që do të thotë se përdoruesit mund të kontrollojnë thellësinë e fushës dhe efektin bokeh para ose edhe pas shkrepjes.

Përdoruesit mund të përjetojnë një përvojë më të pasur rrethuese të zërit për të shijuar filma, muzikë dhe më shumë me autoparlantet e mbështetur nga audio e optimizuar e Dolby Atmos3.

Galaxy A6 dhe A6+ ofrojnë një gamë të plotë të tingujve nga ato më të lartat deri tek më të ultat, me qartësi të jashtëzakonshme dhe detaje reale për të përjetuar një eksperiencë audio më të fuqishme dhe më përfshirëse. Përdoruesit mund të zgjedhin të aktivizojnë efektin Dolby Atmos për të transformuar audion e tyre me tingull lëvizës që të lë pa frymë dhe që rrjedh rreth tyre.

Galaxy A6 dhe A6+ vazhdojnë të përcaktojnë standardin e mrekullueshëm të të parit me Ekranin Infinity të Samsung që shkon përtej kufijve, duke shfaqur një raport mbresëlënës të ekranit prej 18.5:9.4 Konturet e lëmuara të tij dhe dizajni i metalit janë projektuar për të ofruar qëndrueshmëri të përmirësuar dhe kapje të rehatshme për përdorshmërinë maksimale, pa kompromentuar stilin.

Të dizejnuar duke patur në mendje prakticitetin dhe lehtësinë në jetën e përditshme, Galaxy A6 dhe A6+ integrojnë disa karakteristika popullore nga flagship i Samsung, duke përfshirë sigurinë pa probleme me Face Recognition dhe skanimin e gjurmës të gishtit për një mënyrë të shpejtë dhe të thjeshtë për të hapur pajisjen.

 Përdoruesit mund të pasurojnë fotografitë e tyre me funksione unike si “background blur” në një tërësi formash përfshirë zemrat, yjet dhe më shumë.

Të dyja pajisjet e bëjnë multitasking të shpejtë dhe të thjeshtë me App Pair, duke shfrytëzuar plotësisht ekranet e mëdha ergonomike të Galaxy A6 dhe A6+ duke i lejuar përdoruesit të përdorin dy aplikacione, duke përgjysmuar kohën dhe dyfishuar kënaqësinë.

Me Always on Display5 përdoruesit mund të marrin informacion vetëm me një shikim pa hapur telefonin e tyre, duke kursyer kohë dhe jetëgjatësi të baterisë.

Galaxy A6 dhe A6+ gjithashtu suportojnë Bixby Vision, Home dhe Reminder. Bixby i Samsung mund të ndihmojë përdoruesit në përmbushjen e një sërë detyrash të jetës së përditshme, duke e bërë Galaxy A6 dhe A6+ më të zgjuar dhe më të dobishëm.

Me Samsung Pay6 të përfshirë, përdoruesit gjithmonë do të kenë portofolin e tyre në dorë. Duke suportuar Near Field Communication (NFC), Galaxy A6 dhe A6+ mund të përdoren pothuajse kudo që mund të kaloni kartën tuaj të kreditit ose debitit. Çdo transaksion nëpërmjet Samsung Pay është i sigurtë dhe shumë i thjeshtë.

Në dispozicion që nga fillimi i Majit duke filluar në tregjet e përzgjedhura europiane, aziatike dhe latino-amerikane, përpara se të dalin në treg globalisht në të gjithë Korenë e Jugut, Afrikën dhe Kinën.

Kalendari

Ngjarjet e datës 27 shkurt 2020 - Kryeministri Albin Kurti pret në takim Komandantin e KFOR-it, Michele Risi. Ndërtesa e Qeverisë, ora 8:40 - vetëm pamje)

- Shefja e Zyrës së Bashkimit Evropian në Kosovë, Nataliya Apostolova do të marrë pjesë në eventin përmbyllës të projekti të BE-së për mbështetjen e shërbimeve korrektuese dhe sprovuese të Kosovës, i cili do të mbahet në Prishtinë. (Hotel Emerald, ora 9:00)

- Nën organizimin e Sindikatës së Pavarur të Sektorit Privat të Kosovës, punëtorët e sigurimit fizik të Rektoratit të Universitetit të Mitrovicës do të protestojnë për shkeljet e tyre ligjore nga ana e kompanisë e cila edhe pse është vërtetuar që ju ka borxh punëtorëve asaj nuk i intereson kjo. (Para Rektoratit të Universitetit të Mitrovicës, ora 10:00)

- Mbahet  seanca e Kuvendit të Komunës së Gjilanit. (Salla e mbledhjeve të Kuvendit të Komunës së Gjilanit, (ish objekti i gjykatës. ora 10:00)

- Kryeministri Albin Kurti pret në takim zëvendës presidentin e Parlamentit Evropian, Rainer Wieland. (Ndërtesa e Qeverisë, ora 10:00 - vetëm pamje)

- Koalicioni i OJQ-ve për Mbrojtjen e Fëmijëve në partneritet me rrjetin Kraeeyn organizon konferencën për publikimin e “Politikës rekomanduese për zhvillimin në fëmijërinë e hershme”. (Hotel Sirius, ora 10:00)

- Mbahet mbledhja e rregulltë e Kuvendit Komunal të Mitrovicës. (Salla e Kuvendit të Komunës së Mitrovicës, ora 10:00)

- Zyra e Bashkimit Evropian në bashkëpunim me komunën e Prishtinës do ta përuroj çerdhen në lagjen Kalabria në Prishtinë. (Lagjja Kalabria, ora 10:30)

-  OJQ-së Aktiv bën prezentimin e letrës ‘Vlerësimi i të drejtave dhe lirisë në komunitetet Serbe të Kosovës’, mbështetur nga Qendra Ndërkombëtare Olof Palme. (Hotel Sirius, ora ora 11:00)

- Komisioni për Integrim Evropian bën shqyrtimin e draft-planit të punës së komisionit për vitin 2020. (Ndërtesa e Kuvendit, salla N 204, ora 11:00)

- Nënkryetari i Komunës së Gjilanit, Arbër Ismajli, me bashkëpunëtorët pret në takim zëvendësministren e Arsimit, Sportit dhe Rinisë të Shqipërisë, Lorena Haxhiu. (Zyra e kryetarit, ora 13:30)

- Mbahet mbledhja e Qeverisë së Republikës së Kosovës. (Ndërtesa e Qeverisë, ora 16:00)

- Fondacioni Shtatëmbëdhjetë organizon hapjen e Ekspozitës INFRARED: Additions në Fushë Kosovë. (Rr. e Pejës të rrethi në Fushë Kosovë, ora 18:00)