07 Dhjetor 2019

Samsung dhe Amazon Prime Video lançojnë të parët përmbajtjen HDR10+

Seul, 14 dhjetor - Samsung Electronics Co., Ltd. dhe Amazon Prime Video njoftuan sot se e gjithë libraria Prime Video HDR është tashmë e disponueshme në HDR10+, një standard i ri që shfrytëzon metadata dinamike për të prodhuar kontrast dhe ngjyra të përmirësuara në një gamë të gjerë televizorësh.

Katalogu i Prime Video HDR10+ përfshin qindra orë përmbajtje të videove të para origjinale të The Grand Tour, The Marvelous Mrs. Maisel, Jean-Claude Van Johnson, The Tick dhe The Man in the High Castle plus qindra tituj të licensuar. Prime Video është ofruesi i parë i shërbimit streaming që i ofron përdoruesve të tij përmbajtje HDR10+.

HDR10+ disponohet në të gjithë linjën e Televizorëve Samsung 2017 UHD – duke përfshirë modelet premium të TV QLED.

“Ne jemi të kënaqur që lançojmë përmbajtjen HDR10+ për konsumatorët ", tha Sang Yoon Kim, Zëvendës President i Zhvillimit të Biznesit Smart TV pranë Samsung Electronics America. "Lançimi shënon mundësinë e parë për konsumatorët dhe industrinë që të përjetojnë teknologjinë HDR10+ përmes një shërbimi streaming.”

Teknologjia HDR10+ në Prime Video inkorporon metadata dinamike gjë që i lejon një game të gjerë televizorësh HDR të përshtasin nivelet e ndriçimit për çdo skenë, madje edhe për cdo pamje. Duke aplikuar hartën e tonalitetit të individualizuar në secilën skenë, HDR10+ sjell një eksperiencë të pabesueshme shikimi për ekranet e gjeneratës së ardhshme Samsung.

Cilësia e figurës ofron një eksperiencë të përmirësuar vizuale me shprehje më të detajuara, zona më të shndritshme të hijes dhe pasqyrime më të sakta të ngjyrës që mbesin besnike të synimit origjinal të krijuesit. Nëpërmjet përdorimit të udhëzimeve preçize të hartës së tonaliteteve me bazë "Bezier", Amazon është në gjendje të ofrojë përvojën optimale të shikimit në një sërë modele televizorësh.

"Ne jemi të përkushtuar që tu ofrojmë anëtarët të Prime Video përvojën më të mirë të mundshme të shikimit dhe jemi shumë të entuziazmuar që anëtarët tanë anembanë botës mund eksperimentojnë me përmbajtjen tonë në HDR10+", tha Greg Hart, Zëvendës President i Prime Video. "Përvoja e shikimit e HDR10+ e kombinuar me përmbajtjen e Prime Video - fituese e disa çmimeve – po çon në një epokë të re të argëtimit për konsumatorët në këto pajisje."

Lançimi i HDR10+ në Prime Video së bashku me logon HDR10+ dhe partneriteti i çertifikimit i formuar në fillim të këtij viti nga Samsung, 20th Century Fox dhe Panasonic demonstron miratimin dhe progresin e HDR10+, si dhe një angazhim gjithnjë në rritje për të ofruar një përvojë HDR premium.

Kalendari

Ngjarjet e datës 7 dhjetor 2019 - Këshilli Gjyqësor i Kosovës organizon Konferencën e Nëntë Gjyqësore në të cilën do të marrin pjesë tërë struktura e sistemit të drejtësisë në Kosovës për të diskutuar temën: “Të arriturat dhe sfidat e sistemit gjyqësor gjatë vitit 2019”. (Hotel Emerald, ora 9:30)

- Federata e pingpongut të Kosovës do të organizojë turneun më të fortë të vitit 2019,  TOP 12 për Seniorët më të mirë, me të cilat edhe përmbyllen garat për vitin 2019. (Palestra e sporteve në Prishtinë, ora 10:00)

- Federata e Futbollit e Kosovës organizon turneun final të projektit “Rekrutimi i vajzave të reja në futbollin e organizuar” nën moton “Ti mund ta bësh – You Can Do It”, ku do të marrin pjesë ekipet fituese të turneve të mbajtur në 13 komuna. (Kompleksi “Sopa Sport” në Lipjan, ora 10:15)

- Rrjeti i Grave të Kosovës mbledhë 158 organizatat anëtare, përkrahësit individual, partnerët, miqtë, dhe përfaqësuesit e mediave në Kuvendin e 17-të Vjetor të Anëtareve. (Hotel Sirius, ora 10:30)

- Misioni i OSBE-së organizon konferencë ku do të prezantojë aktivitetet që Misioni ka organizuar gjatë vitit 2019 me të rinj, siç janë Akademia e OSBE-së për Dialog, Deklarata Ndër-Komunale për Dialog ndërmjet Komuniteteve, si dhe Lojërat Mini-Olimpike për Njerëz me Nevoja të Veçanta, të cilat kanë sjellë së bashku të rinj nga komunitete të ndryshme. (Hotel Swiss Diamond, ora 11:30)

- Gecjan Fashion Group sjellë për të 13-in Vit me radhë, ngjarjen më të madhe të modës në rajon “Kosova International Fashion Week 2019”. (Salla e panaireve në Shkabaj, ora 18:00)