18 Janar 2020

Përurohet e-kiosku në Pozharan të Vitisë

Viti, 23 maj - Zëvendës drejtoresha e misionit të USAID-it Lisa Magno do të vizitojë Vitinë. 

Gjatë qëndrimit të saj në këtë komunë Zv. drejtoresha Magno do të merr pjesë në hapjen e e-kioskut të gjeneratës së 2-të në Pozharan, dhe do te mbaj fjalim me rastin e Leksioneve të Mësura nga Indeksi i Konkurentshmërisë së Komunave në Viti.

USAID angazhohet në komuna të ndryshme përmes projekteve të ndryshme.  Vitia është ndër komunat partnere në kuadër të Programit të të Drejtave Pronësore të USAID-it si dhe Indeksit të Konkurentshmërisë së Komunave që u prezantua rishtazi. 

E-kiosqet e vendosura anembanë Kosovës ofrojnë qasje të lehtë dhe mundësi të vetëshërbimit për qytetarët gjatë marrjes së dokumentave të gjendjes civile, ndërsa USAID përmes Programit të të Drejtave Pronësore do të avancojë shërbimet e ofruara nga e-kiosqet duke mundësuar marrjen përmes tyre edhe të shërbimeve të të drejtave pronësore. 

E-kiosku që do të përurohet me këtë rast do të jetë i pari i këtij lloji që do të vehet në dispozicion.  

Kalendari

Ngjarjet e datës 18 janar 2020 - Federata e Futbollit e Kosovës do të fillojë projektit zhvillimor “Elite Youth Development Programme U15”, i cili do të realizohet në të gjitha regjionet. (Fusha e mbuluar “Prince” në lagjen Arbëri në Prishtinë, ora 9:00)

- Kryeministri në detyrë, Ramush Haradinaj merr pjesë në Akademinë Solemne “Faleminderit Shqipëri”. (Qendra “BogdaniPolis”, Katedralja “Shën Nënë Tereza”, ora 10:00)

- Presidenti i Republikës së Kosovës, Hashim Thaçi, do të marrë pjesë në Akademinë Solemne “Faleminderit Shqipëri”.  (Qendra “Bogdanpolis” në Prishtinë, ora 10:00)

- Teatri i Qytetit të Prishtinës 'Dodona' shfaq premierën për fëmijë “Fjalët magjike” nga Alba Loxha e në regji të Shkurtë Aliut e cila trajton nevojën e përdorimit të fjalëve magjike: “më fal”, “të lutem”, “faleminderit” etj., nga fëmijët. (Teatri Dodona, ora 12:00)