20 Shtator 2019

Në ditën e grave behët thirrje për më shumë vajza në shkencë dhe teknologji

Prishtinë, 8 mars - Në shënim të Ditës Ndërkombëtare të Grave, në Prishtinë u organizua punëtoria  me temën "Vajzat në inovacion për ndryshim," duke thirrur për rritje të pjesëmarrjes së vajzave në shkencë, teknologji dhe inovacion, bazuar në temën globale të OKB-së, "Mendo për barazi, ndërto zgjuar, inovo për ndryshim",

Duke pasur parasysh shkallën e ulët të pjesëmarrjes së grave në industrinë e teknologjisë në Kosovë, (më pak se 30%) qëllimi i kësaj punëtorie është theksimi i rëndësisë së investimeve teknologjike në fuqizimin e grave dhe vajzave si faktor themelor për thyerjen e transmetimit të varfërisë, dhunës, përjashtimit dhe diskriminimit mes gjeneratave, duke arritur mundësi të zhvillimit të qëndrueshëm.

Në këtë punëtori të organizuar nga UN Women, UNICEF, UNKT dhe IPKO Foundation, në partneritet me Agjencinë për Barazi Gjinore dhe SIDA, morën pjesë pesëdhjetë (50) vajza të reja nga dhjetë (10) komuna të Kosovës, të cilat kishin mundësinë të përqëndrohen në të mësuarit si mjet fuqizimi në profesione të dominuara nga burrat.

“Uroj që takimi i sotëm të jetë frymëzues, të punoni për ëndrrat e juaja, dhe t’a përqafoni shkencën, sepse shkenca është mjeti më i fuqishëm që ndër shekuj sfidoi mentalitetin dhe pabarazinë,” iu drejtua vajzave në hapje të kësaj punëtorie znj. Edi Gusia, Kryeshefe Ekzekutive e Agjencisë për Barazi Gjinore në kuadër të Zyrës së Kryeministrit.

Në fjalën e tij të rastit, Ministri Besim Beqaj nga Ministria e Inovacionit dhe Ndërmarrësisë, theksoi përkrahjen e institucioneve të Kosovës për fuqizimin e grave dhe vajzave në fushën e inovacionit, si kontribuese të barabarta të ndryshimeve në shoqëri.

Koordinatorja për Zhvillim e Organizatës së Kombeve të Bashkuara, Ulrika Richardson, deklaroi se gjatë jetës se saj në Suedi ka qenë dëshmitare e ndryshimeve shoqerore, inovacionit dhe teknologjisë,  të cilat u përshpejtuan nga përfshirja e grave dhe vajzave.

"Tani i shoh të njëjtat energji këtu, në ndërtimin e shoqërisë kosovare, duke bërë ndryshimin cilësor drejt arritjes së përfaqësimit të barabartë të grave dhe vajzave në fushat ku ato ishin - dhe ende janë - të nënpërfaqësuara; arsim, punë, politikë, inovacion dhe natyrisht teknologji!", theksoi Richardson.

Ndërsa, Abetare Gojani, drejtoreshë e programit në Ipko Foundation, fondacion që ka frymëzuar më shumë se një mijë vajza për t'u bashkuar me fushën e teknologjisë informatike, theksoi: "Ne në Fondacionin IPKO bazojmë veprimet tona në besimin se kur ju fuqizoni gratë, ju fuqizoni gjithë shoqërinë".

Gjatë punëtorisë u theksua se për të arritur barazi gjinore, duhet të ketë inovacione shoqërore të barabarta për gratë dhe burrat duke mos lënë askënd mbrapa. Shkenca dhe barazia gjinore janë jetësore për arritjen e qëllimeve të zhvillimit të qëndrueshëm të dakorduara ndërkombëtarisht, në Agjendën 2030 për Zhvillim të Qëndrueshëm, për të cilën edhe Kosova është angazhuar.

 

Kalendari

Ngjarjet e datës 20 shtator 2019 - Shoqata për Dëme të Luftës “Ngritja e Zërit“, dorëzon në Gjykatën Kushtetuese për herë të gjashtë dosjet e radhës për kompensimin e dëmeve të luftës, respektivisht kërkesat, për vlerësimin e kushtetutshmërisë së aktvendimeve të Gjykatës Supreme të Kosovës. (Gjykata Kushtetuese, ora 9:00)

- Mbahet konferenca e parë për shtyp nga Kryesuesja e Misionit e Bashkimit Europian per monitorimin e zgjedhjeve te parakohshme parlamentare në Kosovë, Viola von Cramon-Taubadel. (Hotel Swis Diamond, ora 10:00)

- Instituti për Politika Zhvillimore organizon ngjarjen “Pesë fjalimet për Qëndrueshmëri – Lokalizimi i Agjendës 2030 në Kosovë”. (Amfiteatri i Biblotekës Kombëtare “Pjetër Bogdani”, ora 10:00)

- Caritasi Zvicerran organizon ceremoninë zyrtare me rastin e shënimit të 20 vjetorit në Kosovë. (Hotel Sirius, ora 10:00)

- Ministri i Kulturës, Rinisë dhe Sportit, Kujtim Gashi merr pjesë në Panairin e punësimit në Prizren. (Palestra sportive në Prizren, ora 11:00)

- Let's Do It Kosova organizon konferencë për media, ku do të prezentohen aktivitetet e planifikuara të cilat do të zhvillohen për Ditën e Pastrimit të Botës. (Zyret e Let's Do It në Pejton, rruga "Pashko Vasa", ora 11:00)

- Komuna e Prishtinës në bashkëpunim me Zyren e Bashkimint Evropian në Kosovë organizon zhvillon aktivitetin "Ngasja e çiklizmit - knaqesi dhe shendet". (Amfitetari sheshi "Zahri Pajaziti", ora 12:00)

- Lëvizja FOL organizon diskutimin e pestë në kuadër të Forumit FOL Hapur me Fatmir Limaj, Kandidat për Kryeministër nga Koalicioni NISMA-AKR-PD. (Lëvizjes FOL, ora 12:30)

- Kryeministri në detyrë, Ramush Haradinaj, merr pjesë në 20-vjetorin e themelimit të RTV Mitrovica. (Restorant Skandinavia, Koshtovë - Mitrovicë, ora 13:00)

- Filmi ZANA me regji te Antoneta Kastrati, nominimi i Kosoves për Oscars, pas premieres boterore ne festivalin e madh te Torontos shfaqet per gazetar në Cineplexx Kosove. (Cineplexx, Albi Mall,  ora 13:00)

- Kryetari i Lëvizjes Vetëvendosje!, Albin Kurti merr pjesë në përvjetorin e TV Mitrovica. (Mitrovicë, ora 13:00)

- Ministri i Kulturës, Rinisë dhe Sportit, Kujtim Gashi merr pjesë në venien e gurthemelit te palestrës sportive në Dragash. (Dragash, ora 14:00)

- Kandidatja për kryeministre nga LDK-ja, Vjosa Osmani se bashku me krytarin e Komunës e Gjilanit, Lutfi Haziri takohen me rininë e LDK-së në Gjilan. (Shtëpia e Rinisë, Gjilan, ora 16:30)

- Kryetari i Lëvizjes Vetëvendosje!, Albin Kurti mbanë tubim në Gushavc. (fshati Gushavc, Mitrovicë, ora 17:00)

- Kandidatja për kryeministre nga LDK-ja, Vjosa Osmani se bashku me krytarin e Komunës e Gjilanit, Lutfi Haziri takohen me gratë e Gjilanit. (Teatri e qytetit, ora 17:30)

- Zhvillohet defileu u grupeve që marrin pjesë në Festivalin Ballkanik të Folklorit. (Nisja nga shkollfa fillore “Selman Riza” përgjatë rrugës “Dardania”, ora 18:00)

-  Kryetari i Lëvizjes Vetëvendosje!, Albin Kurti mbanë tubim në Zhabar. (fshati Zhabar, Mitrovicë, ora 18:00)

-  Kryetari i Lëvizjes Vetëvendosje!, Albin Kurti mbanë tubim mobilizues. (Mitrovicë, ora 19:00)

- Fillon edicioni i III-të i Festivali Ballkanik të Folklorit në të cilin do të marrin pjesë Ansamble dhe grupe nga: Shqipëria, Kroacia, Bullgaria, Turqia, Maqedonia e Veriut, Mali i Zi dhe Kosova. (Ambientet e Shkollen fillore “Mihal Grameno” në Fushë-Kosovë, ora 19:00)

- Kryetari i Lëvizjes Vetëvendosje!, Albin Kurti mbanë tubim në Vushtrri. (Vushtrri, ora 21:00)