18 Shkurt 2020

Mbahet punëtoria "Vajzat në inovacion për ndryshim"

Prishtinë, 8 mars - Punëtoria "Vajzat në inovacion për ndryshim" do të shënoj Ditën Ndërkombëtare të Gruas, dhe e cila organizohet nga Fondacioni IPKO, UN Women, UNICEF, UNKT si dhe Agjencia për Barazi Gjinore dhe SIDA. 

Fjalimet hyrëse do të bëhen nga zyrtarë të lartë të institucioneve të Kosovës dhe organizatave ndërkombëtare.

Duke pasur parasysh shkallën e ulët të pjesëmarrjes së grave në industrinë e teknologjisë në Kosovë, qellimi i kësaj punëtorie është pajisja e pjesëmarrësve me aftësitë e nevojshme për këtë industri, por gjithashtu rritja e ndërgjegjësimit mbi potencialin që kjo industri ofron për gratë dhe vajzat e reja nëse arsimohen në këtë fushë.

Kjo ngjarje pasqyron temën e OKB-së për Ditën Ndërkombëtare të Grave të këtij viti, "Mendo barabartë, ndërto zgjuar, inovo për ndryshim."

Qëllimi i kësaj dite është të theksojë rëndësinë e investimeve teknologjike në fuqizimin e grave dhe vajzave të reja si domosdosshmeri për te ndaluar bartjen mes gjeneratave të varfërisë, dhunës, përjashtimit dhe diskriminimit, duke arritur mundësi të zhvillimit të qëndrueshëm.

Kalendari

Ngjarjet e datës 18 shkurt 2020 - Oda Ekonomike e Kosovës do të mbajë konferencë për media lidhur me rezultatet e anketës të klimës në biznes. (Objekti i Odës Ekonomike të Kosovës, ora 9:30)

- Forumi për Udhëheqje dhe Diplomaci organizon debatin publik me temë “Si duhet ta adresojnë institucionet barazinë gjinore në pozicionet vendimmarrëse?”. (Kafiteri “Dit e Nat” ora 10:00)

- Instituti Demokratik i Kosovës organizon tryezën e diskutimit “Dialogu Kosovë-Serbi: Çfarë pas formimit të Qeverisë së re dhe përfshirjes amerikane?”, në një diskutim rreth të ardhmes së dialogut Kosovë - Serbi. (Hotel Sirius, ora 10:00)

- Zyra Kombëtare e Auditimit prezanton raportin e auditimit të performancës “Sistemi i Përcaktimit të Tarifave të Energjisë Elektrike, Termike dhe atyre të Ujësjellësit”. (Zyra Kombëtare e Auditimit, lagja “Arbëria”, ora 10:00)

- Mbahet mbledhja e parë e rregullt e Komiteti për Politik dhe Financa në Komunën e Rahovecit. (Salla e mbledhjeve të Kuvendit Komunal të Rahovecit, ora 10:00)

- Mbahet mbledhja e Kryesisë së Kuvendit të Republikës së Kosovës në të cilën do të behët propozimi për formimin e grupeve të miqësisë, dhe propozimi i anëtarëve në delegacione për përfaqësim të Kuvendit më organizata ndërkombëtare. (Ndertesa e Kuvendit, salla C 301, ora 11:00)
 
- Korabi Corporation organizon ceremoninë e hapjes së “Qendrës Inovative Korabi”, një qendër unike arsimore në fushën e kulinarisë si dhe do të mbahet “Nata e çokollatës belge”, një spektakël me çokollatën më të mirë në botë, që do të prezantohet nga çokollatrier me famë ndërkombëtare. (Zyrat e Korabi Corporation në Çagllavicë, ora 18:00)