22 Nëntor 2019

Liria në internet vazhdon të kufizohet

New York, 2  nëntor - Qeveritë në mbarë botën po e rrisin kontrollin ndaj përdorimit të internetit dhe mediave sociale, thuhet në raportin më të fundit të organizatës “Freedom House”.

Gjatë vitit 2017, zyrtarët e shumë vendeve akuzuan disidentët për përhapje të lajmeve të rreme, si një pretekst për ti detyruar të heshtin.

Propaganda online dhe mbledhja e pakontrolluar e të dhënave personale kanë mbizotëruar internetin gjatë vitit të kaluar.

Një ekspert i organizatës “Freedom House” i tha Zërit të Amerikës, se këto tendenca janë një kërcënim madhor ndaj demokracisë.

Manipulimi i materialeve online kontribuoi për rënien e vazhdueshme prej shtatë vitesh tashmë, të lirisë në internet, thuhet në raportin e “Freedom House” për vitin 2017. Për të tretin vit radhazi, Kina është abuzuesja më e madhe e lirisë së internetit. Lirinë më të madhe në internet e shijojnë shtetasit e Islandës dhe Estonisë.

Një ndër vendet që ka një rënie të theksuar të lirisë në internet është Turqia. Pas grushtit të dështuar të shtetit të vitit 2016 ndaj Presidentit Recep Tayyip Erdogan, përdorimi i internetit në Turqi është rreptësisht i censuruar.

“Faqet në internet që refuzuan të zbatojnë urdhërat e gjykatave turke për heqje të materialeve të caktuara u bllokuan”, thotë Adrian Shahbaz, i organizatës “Freedom House”.

Raporti thotë gjithashtu se manipulimi dhe taktikat e dizinformimit luajtën një rol të rëndësishëm në proceset zgjedhore të 18 vendeve gjatë vitit të kaluar. Në Shtetet e Bashkuara, përhapja e lajmeve të rreme arriti kulmin në pragun e zgjedhjeve të 2016-ës dhe vazhdojnë të përbëjnë shqetësim.

“Fatkeqësisht, kjo periudhë theksoi perceptimin se interneti mund të dëmtojë demokracitë, ashtu siç edhe mund të destabilizojë diktaturat”, thotë zoti Shahbaz.

“Freedom House” bën thirrje për të mbështetur gazetarët e pavarur që do të ndihmonin në hetimin e përdorimit të mediave sociale për të ndalur denoncimin legjitim.

“Kemi parë përpjekje shumë të mira, si në Shtetet e Bashkuara, për të identifikuar kush gjendet pas fushatave të dizinformimit për ndërhyrjet në zgjedhje, apo pas njollosjes së disa gazetarëve”, thotë zoti Shahbaz.

Qeveria ruse radhitet mes përhapësve më të mëdhenj të lajmeve të rreme, në përpjekje për të influencuar zhvillimet në vende të tjera, si dhe për të ruajtur kontrollin brenda Rusisë.

Kalendari

Ngjarjet e datës 22 nëntor 2019 - UBT në bashkëpunim me Institutin Shkencor Suedez-Kosovar do të mbajnë bashkërisht konferencën “30-vjetori i Rënies së Sistemit Komunist”. (Hotel Sirius, ora 9:00)

- Drejtoresha e misionit të USAID-it në Kosovë Lisa Magno do të flasë në hapjen e konferencës Vetë - Qeverisja Lokale në Kosovë - 20 Vjet. (Hoteli Swiss Diamond, ora ora 9:00)

- OJQ-Voice of Roma Ashkali and Egyptians - VoRAE organizojnë hapjen e ceremonisë të tri projekteve të financuara nga Roma Education Fund dhe Komisioni Evropian organizim ky i mbështetur nga Roma Versitas dhe Roma Education Fund, Kosovo së bashku me VoRAE. (Qendra Kulturore dhe Informative të BE-së në Prishtinë, ora 9:00)

- Instituti Demokratik të Kosovës organizon tryezën e diskutimit “Tejkalimi i sfidave të Kuvendit - nevoja për një Rregullore të re të punës”, në një diskutim të hapur me përfaqësues të partive politike parlamentare si dhe përfaqësues të organizatave vendore dhe ndërkombëtare. (Salla e konferencave Orion, ora 10:00)

- Në prag të 25 nëntorit, Ditës Ndërkombëtare për Eliminimin e Dhunës ndaj Grave, dhe fillimit të fushatës 16 Ditët e Aktivizmit, Misioni i OSBE-së në Kosovë do t’i prezantojë rezultatet e Anketës mbi Mirëqenien dhe Sigurinë e Grave në Kosovë. (Hotel Swiss Diamond, ora 11:00)

- Iniciativa për Histori Gojore përmes projektit të Programit të Kombeve të Bashkuara për Zhvillim “Dialogu ndërmjet komuniteteve përmes ruajtjes gjithëpërfshirëse të trashëgimisë kulturore”, financuar nga Instrumenti i Bashkimit Evropian që kontribuon në Stabilitet dhe Paqe, do të lansojnë aplikacionin mobil 'Janjeva Ecë'. (Restoran 2000 në Janjevë, ora 11:00)

- Grupi për Studime Juridike dhe Politike organizon konferencën për media me temë “Vetingu: Mënyra e vetme për të siguruar pavarësinë e plotë të sistemit të drejtësisë në Kosovë”. (Qendra e Konferencave Orion, ora 11:00)

- Komuniteti Merakli t'kerreve organizon protestë kundër rritjes së cmimeve për sigurimin e veturave. (Rr. Luan Haradinaj, pran Bankes Qendrore të Kosovës, ora 13:00)

- Promovohet libri "Profili i Bjeshkëve të Nemuna’’ nga Profesor Sadri A Lokaj. (Salla e Asamblesë Komunale në Deçan, ora 14:00)

- Universiteti “Kadri Zeka” në Gjilan dhe Universiteti “Hasan Prishtina” në Prishtinë, në mbështetje të Aktivitetit të USAID-it Drejtësia Vlen dhe në bashkëpunim me Odën e Avokatëve të Kosovës, organizojn diskutim në lidhje me “Klinikat Jurdike me raste reale”. (Salla A34 në Universitetin e Gjilanit, ora 14:00)

- Shoqata e Malazezëve të Kosovës organizon shfaqjen e leximit skenik të dramës “Flora”. (Qendra e zhvillimit Malazezeve në Arbëri ish Dragodan, rruga Eduard Lir 4, ora 19:00)