22 Tetor 2021

LG prodhon një ekran të madh që kushton 1.7 milion dollarë

Seul, 17 shtator - LG ka përgatitur një ofertë të re të ekraneve të kinemasë shtëpiake Direct View LED (DVLED) për tregun, dhe modeli më i shtrenjtë ka një çmim marramendës.

Ekranet e rinj janë në dispozicion në një sërë madhësish, nga një madhësi e madhe 108-inç HD në një panel të madh 325-inç 8K që kushton 1.7 milion dollarë.

Ky ekran peshon pak më shumë se 900 kg. LG dikur rezervonte ekrane të tilla vetëm për klientët tregtarë, por tani i shet ato kujtdo që ka xhepa mjaft të ‘thellë’.

Duke marrë parasysh madhësinë, ekranet e reja të kinemasë DVLED nuk do të jenë në gjendje të “përshtaten” në të gjitha shtëpitë, dhe ky është një kufizim që lidhet ndjeshëm me teknologjinë e ekranit që ata përdorin.

Në vend që të përdorin një shtresë LCD për të krijuar piksele dhe për t’i ndriçuar ato me LED të veçantë, këto ekrane të reja përdorin vetëm LED (në disa raste MicroLED më të vogla), diçka e ngjashme me rastin e The Wall të Samsung dhe LED të Kristalit të Sony.

Kjo ka avantazhin e krijimit të niveleve më të larta të kontrastit në krahasim me ato të ekraneve OLED sepse pikselët individualë mund të fiken plotësisht për të krijuar një nivel më të thellë të ngjyrës së zezë.

Ekranet e reja DVLED të LG mund të shihen si një zëvendësim për projektuesit që krijojnë një imazh prej 100 inç ose më të madh.

 Teknologjia DVLED është më e shtrenjtë, por ekranet e tilla mund të përdoren akoma pa probleme në dhoma të ndriçuara mirë, ndryshe nga shumica e projektuesve që kërkojnë një mjedis të errët. Shkëlqimi i shumicës së ekraneve LG është 1.200 nits, të cilat mund të krahasohen me televizorët standardë më të avancuar.

 

Kalendari

Ngjarjet e datës 22 Tetor 2021

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me shoqaten e Familjeve të Heronjve dhe Dëshmorëve të Kombit për zgjidhjen e statusit të veprimtarëve invalidëve të plagosur para luftës çlirimtare në Kosovë. (Ndërtesa e Kuvendit, salla N10, ora 10:00)

- Shoqata për Teknologji të Informacionit dhe Komunikimit të Kosovës - STIKK organizon edicionin e 10-të të festivalit të teknologjisë “KosICT”. (Ambientet e “ITP Park” në Prizren, ora 10:00)

- Instituti Demokratik i Kosovës organizon konferencën “Ndikimi i dialogut me Serbinë në politikën e jashtme të Kosovës”. (Hotel Emerald, ora 10:30)

-  Komisioni Ad hoc për përzgjedhjen e kandidatëve për anëtar të Bordit të RTK-së shqyrton listën e kandidatëve të propozuar për anëtarë të Bordit të RTK-së. (Ndërtesa e Kuvendit, salla C203, ora 11:00)

- Ministria e Mbrojtjës organizon ceremoninë e betimit të rekrutëve të rijnë. (Kazerma e FSK-së “Skënderbeu” në Ferizaj, ora 11:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit miraton listën e ngushtë të kandidatëve për Drejtor të Agjencisë Kundër Korrupsionit. (Ndërtesa e Kuvendit, salla N204, ora 14:00)

- Nën patronatin e Presidentes së Republikës së Kosovës, Vjosa Osmani- Sadriu, organizohet premiera e filmit "Zgjoi". (Cineplexx -Albi Mall, ora 18:00)

- Mbahet edicioni i trtë i festivalit Lahuta, Okarina Polifionia. (Ambientet e Qendrës për zhvillimin e kultures tradicionale në Prishtinë, Rruga Xheladin Hana nr. 98, ora 18:30)