25 Qershor 2019

Lansohet Zgjidhja Digjitale “EduPerformanca”

Prishtinë, 28 mars - Open Data Kosovo në bashkëpunim me Girls Coding Kosova në kuadër të projektit Tech4Policy që financohet nga Zyra e Bashkimit Evropian në Kosovë lansuan platformën EduPerformanca për tri (3) komuna në Kosovë.

Kjo zgjidhje digjitale është zhvilluar nga 9 përfitueset e projektit Tech4Policy me qëllim që të vlerësoj përformancën mësimore në lëndët që zhvillohen në shkollat e mesme në 3 komuna - Viti, Kamenicë dhe Klinë. Përmes kësaj platfome e cila është do të jetë pilot nxënësit do të kenë një mjet përmes të cilit ata munden të shprehin lirshëm mendimet e tyre për lëndë të caktuara dhe performancën e tyre në komunat respektive. Për më shumë, do të krijohen shumë të dhëna përmes të cilave publiku i gjerë mund të mësoj më shumë për zhvillimet brenda nëpër këto shkolla.

Pjesë e eventit të lansimit të kësaj platforme ishin edhe Kryetarët e Komunës së Kamenicës dhe Vitisë. Kryetari i Komunës së Kamenicës z. Qëndron Kastrati theksoi se kjo iniciativë është mjaft e mirë se ju mundëson atyre si komunë që të marrin vlerësime nga vetë nxënësit mbi performacën e edukimit, se sa janë të saktë profesorët, si e bëjnë vlerësimin, sjellja e profesorëve ndaj nxënësve dhe sa përdorin metoda bashkohore gjatë mësimdhënies. Poashtu, Kryetari i Komunës së Vitisë z. Sokol Haliti theksoi se ai ka angazhuar Drejtorinë e Arsimit, dhe Drejtorët e shkollave që të adresojnë të dhënat dhe raportimet të cilat ngrihen nga nxënësit dhe po punojnë së bashku me qendrat rinore dhe këshillat e nxënësve që të ë mbushin me të dhëna platformën dhe të marrin sa më shumë rezultate.

Gjatë këtij projekti janë angazhuar 250 vajza të reja nga e gjitha komunat e Kosovës dhe kanë zhvilluar zgjidhje digjitale që kontribuojnë në aktivizimin dhe angazhimin e komunitetit. Këto vajza të reja janë të trajnuara në fushën e TIK ku për këtë arsye, që të kontribuojmë në punësimin e tyre ODK kishte ftuar mbi 25 kompani private vendore që operojnë në fushën e TIK-ut, ku vajzat patën mundësinë të takohen me përfaqësues të këtyre kompanive dhe të bisedojnë për mundësi bashkëpunimi.

 

Kalendari

Ngjarjet e datës 25 qershor 2019 - Ministri i Punëve të Jashtme i Republikës së Kosovës, Behgjet Pacolli do ta presë në takim ministren e Punëve të Jashtme të Norvegjisë, Ine Eriksen Søreide. (Hapësirat e MPJ-së, ora 8:30)

- The Siracusa International Institute for Criminal Justice and Human Rigths, një Organizatë Joqeveritare italiane organizon Dialogun Strategjik Kombëtar mbi temën e luftës kundër trafikut të paligjshëm. (Hotel Swiss Diamond, ora 9:00)

- Mbahet mbledhja e Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi në të cilën do të diskutohet lidhur me kërkesat e Këshillit Kombëtar Shqiptar nga vizita e përbashkët e realizuar në Luginë të Preshevës (Ndërtesa e Kuvendi, salla C 203, ora 10:00)

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it do të mbajë konferencë për media, në të cilën do publikohet raporti analitik: “Dështimet në rastet e shënjestruara”. (Hotel Sirius, ora 10:00)

- Ministri i Arsimit, Shkencës dhe Teknologjisë, Shyqiri Bytyqi, do të vizitojë Shkollën Fillore dhe të Mesme të Ulët “Pjetër Bogdani” në Prishtinë, ku do të bëhet dorëzimi i pajisjeve për klubet e mediave, që është donacion i GIZ-it.  (Shkolla “Pjetër Bogdani”, ora 10:00)

- Koalicioni i OJQ-ve për Mbrojtjen e Fëmijëve në Kosovë organizojnë konferencën për media lidhur me Projektligjin për Mbrojtjen e Fëmijëve. (Sheshi “Ibrahim Rugova” përpara objektit të Kuvendit të Republikës së Kosovës, ora 10:00)

- Kryeministri Ramush Haradinaj pret në takim Ministren e Punëve të Jashtme të Norvegjisë, Ine Eriksen. (Ndërtesa e Qeverisë, ora 10:05)

- Kompania Rajonale e Ujësjellësit Prishtina organizon ceremoninë me rastin e shënimit të ditës më të madhe për qytetarët e Fushë Kosovës, lëshimin në funksion të linjës magjistrale për furnizim 24 h me ujë të pijshëm. (Rr. Hajrullah ZymiFushë Kosovë, ora 10:30)

- Drejtoria e Emergjencës dhe Sigurisë në Komunën e Prizrenit organizon aktivitete solemne me rastin e Ditës së Zjarrfikësve të Prizrenit duke filluar me defileun e automjeteve dhe mjeteve zjarrfikëse në unazën e qytetit. (Nisja nga objekti i Shërbimit Zjarrfikës në Prizren, ora 11:00)

- Ministria e Punëve të Brendshme së bashku me UNDP do të organizojnë konferencën për media për vazhdimin e kampanjës për legalizimin e armëve. (Objekti qendrorë i MPB-së, salla P-02, ora 11:00)

- Kryetari Shpend Ahmeti takohet me Kryetarin e qytetit të Des Moines, Iowa të SHBA,  Thomas  Cownie. (Ndërtesa e vjetër e Komunës, ora 11:00)

- Drejtoria e Administratës në Komunën e Prizrenit në bashkëpunim me OJQ Nevo Koncepti organizon tryezë diskutimi me temën Trajtimi i Fëmijëve në Raste të Dhunës dhe Abuzimit. (Hotel Centrum, ora 11:00)

- Ministri i arsimit, Shyqiri Bytyqi raporton para Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi lidhur me tekstet e reja shkollore. (Ndërtesa e Kuvendit, salla N 303, ora 12:00)

- Drejtoria e Emergjencës dhe Sigurisë në Komunën e Prizrenit bën demonstrimin i ushtrimeve të kërkim-shpëtimit dhe shuarjes së zjarrit në objektin e shkollës fillore “Heronjtë e Lumës” në fshatin Vërmicë. (Vërmicë, ora 12:00)

- Balkan Green Foundation, Instituti GAP, Grupi për Studime Juridike dhe Politike dhe Instituti për Politika Zhvillimore organizojnë tryezën e rrumbullakët "Kapacitetet e energjisë së ripërtëritshme dhe kost-efektiviteti i tyre,". (Hotel Sirius, ora 13:00)

- Ministri i Ministrisë së Infrastrukturës dhe Transportit, Pal Lekaj raporton para Komisioni për Zhvillim Ekonomik, Infrastrukturë, Tregti, Industri dhe Zhvillim Rajonal lidhur me monopolin në fushën e homologimit të veturave. (Ndërtesa e Kuvendit, salla N 303, ora 13:00)

- Mbahet mbledhja e rregullt e Qeverisë së Kosovës. (Ndërtesa e Qeverisë, ora 14:00)

- Banka Evropiane për Rindërtim dhe Zhvillim organizon ceremoninë e nënshkrimit të kredisë prej 18 milionë eurosh që BERZH-i i ka dhënë parkut energjetik me erë të Kitkës. (Hotel Sirius, ora 15:00)

- Kryeministri Ramush Haradinaj merr pjesë në Ekspozitën e Artizanaleve të ndryshme, nga organizata e grave “Orkide”, në Prizren. (Qendra Kulturore “Yunus Emre”, Prizren, ora 18:00)

- Kryeministri Ramush Haradinaj merr pjesë në shënimin e Javës Egjiptiane në Gjakovë. (Pallati i Kulturës “Asim Vokshi”, Gjakovë, ora 19:00)

- Shkolla Amerikane e Kosovës organizon Inagurimi i kampusit të ri të Shkollës Amerikane të Kosovës. (Shkolla Amerikane e Kosovës, Shkabaj, Prishtinë, ora 20:00)