08 Korrik 2020

Lansohet Projekti C3K për Sigurinë Kibernetike

Prishtinë, 15 shkurt - Programi i Kombeve të Bashkuara për Zhvillim (UNDP), përmes Projektit për Siguri në Kosovë (KSSP) dhe me mbështetjen e Ambasadës Mbretërore Norvegjeze në Kosovë, do të lansojnë projektin "Lufta kundër Krimit Kibernetik në Kosovë" (C3K), sot në rezidencën e ambasadorit norvegjez në fshatin ndërkombëtar.

Projekti, i pari i këtij lloji në Kosovë, synon të sigurojë një mjedis të sigurt online përmes parandalimit dhe minimizimit të kërcënimeve kibernetike dhe fuqizimit të kapaciteteve të sigurisë kibernetike në tërë Kosovën.

Per Strand Sjaastad, Ambasador i Norvegjisë, Znj. Alessandra Roccasalvo, Përfaqësuese e Përhershme e UNDP-së dhe Selami Shkodra, Koordinator Kombëtar për Sigurinë Kibernetike dhe Zëvendësministër i Punëve të Brendshme do të flasin në këtë gjarje.

 

Kalendari

Ngjarjet e datës 8 Korrik 2020

- Komisioni për Buxhet dhe Transfere shqyrton në parim Projektligjin  për ndryshimin dhe plotësimin e Ligjit mbi Ndarjet Buxhetore për Buxhetin e Republikës së Kosovës për vitin 2020. (Ndërtesa e Kuvendi, salla C301, ora 10:00)

- Nënshkruhet Memorandumi i Bashkëpunimit në mes të Ministrisë së Drejtësisë, Rrjetit të Grave të Kosovës, Shoqatës “Rrjeti i Shitësve me Pakicë”, i cili qëllim kryesor ka krijimin e lehtësirave në punësim, të personave të strehuar në strehimoret e dhunës në familje dhe të mbijetuarat/it e dhunës seksuale gjatë luftës. (Hapësirat e Ministrisë së Drejtësisë, kati i 9-të, salla 914, ora 11:00)

- Komuna mban dëgjim publik me banorët të fshatrave Çifllak, Polluzhë dhe Dobidol për përgatitjen e buxhetit për vitin 2021 dhe kornizës afatmesme 2021-2023. (Objekti i Shkollës Fillore të Mesme të Ulët ”Rilindja”në fshatin Çifllak, ora 19:00)

- Komuna mban dëgjim publik me banorët të fshatrave Kramovik, Guri i Kuq dhe Mrasor për përgatitjen e buxhetit për vitin 2021 dhe kornizës afatmesme 2021-2023. (Objekti i Shkollës  Fillore të Mesme të Ulët “Mustafë Ibishi” në fshatin Kramovik, ora 20:00)