29 Shtator 2020

Lansohet Platforma për Ndërtim të Mirëbesimit në Kosovë

Prishtinë, 18 mars - Është lansuar për publikun Platforma për Ndërtimin e mirëbesimit në Kosovë, qendra e parë informative e këtij lloji mbi iniciativat, arritjet, mundësitë si dhe kampionët e ndërtimit të mirëbesimit.

Drejtorja Ekzekutive e OJQ-së që e lansoi uebfaqen më 18 mars, New Social Initiative (NSI), Jovana Radosavljeviq, në një letër publike shkroi mbi rëndësine e shtuar të ndërtimit të mirëbesimit marrë parasysh rrethanat sfiduese të COVID-19:

"Pikërisht për shkak të sfidave që paraqet pandemia aktuale e COVID-19, ndërtimi i mirëbesimit dhe Platforma e Ndërtimit të Mirëbesimit në Kosovë, kanë fituar rëndësi të shtuar. Besimi tek njëri tjetri nuk ka qenë kurrë më parë më i rëndësishëm për mirëqenien tonë kolektive. Kjo është edhe arsyeja që sot po e lansojmë Platformën për Ndërtim të Mirëbesimit në Kosovë," shkroi Radosavljevic.

Distanca fizike nuk ka nevojë të nënkuptoj izolim, tha ajo.

"Platforma e Ndërtimit të Besimit mund të ndihmojë në mënyrë digjitale, të lehtësojë barrën duke ju sjellë histori pozitive të njerëzve që punojnë së bashku nëpër komunitete, frymëzim nga kampionët që ndjellin besim në mënyra të reja dhe inovative, si dhe aftësinë për t'u lidhur dhe ushtruar solidaritet me të tjerët, në një kohë kur çdo ditë e zakonshme, rutina dhe lidhjet shoqërore janë ndërprerë."

Platforma për Ndërtim të Mirëbesimit Në Kosovë u inicua në vitin 2018 nga pjesëmarrësit e Forumit të OKB-së për Ndërtim të Mirëbesimit në Kosovë  për të ndarë informata, për të promovuar bashkëpunim, për shmangje të duplifikimit dhe për avancim të zbatimit të rekomandimeve për ndërtim të mirëbesimit. E fuqizuar nga OJQ New Social Initiative, në bashkëpunim me Fundación Ciudadanía Inteligente dhe Mint22, si dhe me përkrahjen e UNMIK-ut, Platforma shërben si burim i informatave për iniciativat për ndërtim të mirëbesimit në Kosovë.

Para afro dy vitesh, më tepër se 120 pjesëmarrës nga një fushë e gjerë ndër-sektoriale e shoqërisë kosovare u mblodhën në Lubjanë, ku dhe u dakorduan  për 135 rekomandime për ndërtimin e  mirëbesimit në Kosovë. Që atëherë, mbi 200 individë, institucione dhe organizata kanë ndërmarrë më shumë se 300 inciativa për të sforcuar themelet e një paqeje të vërtetë dhe një shoqërie të qëndrueshme, gjithëpërfshirëse dhe stabile.

Për më tepër, grupi i pare, i 100 kampionëve janë vlerësuar për përpjekjet e tyre të jashtëzakonshme për promovimin dhe zhvillimin e axhendës për ndërtim të mirëbesimit. Këta individë frymëzues - që vijnë nga komunitete të ndryshme dhe përfaqësojnë grupmosha të ndryshme dhe fusha të ndryshme të punës - ishin pjesë e fushatës në media sociale "Zërat e Kampioneve", e cila brenda javës arriti më tepër se 25,000 përdorues.

Perveç Kampionëve, disa personalitete të njohura kanë kontribuar me editorialet e tyre për ndërtimin e mirëbesimit, siç jane Zyrtarja e Parë Ekzekutive në komunën e Mitrovicës së Veriut, Adrijana Hodzic; Drejtoresha e Forumit për Lidership dhe Diplomaci, Njomza Emini; gazetarja Angjellka Qup; Drejtoresha Ekzekutive e Rrjetit te Organizatave të Grave Rome, Ashkalinjë edhe Egjiptiane në Kosove, Shpresa Agushi; Drejtoresha e BIRN-it për Kosovë, Jeta Xharra; Redaktorja e Kossev, Tatjana Lazareviq; Redaktorja e Revistës 4 U, Leonora Shabanaj Nikshiq; Ambasadori i Zvicrës në Kosovë, Jean-Hubert Lebet, dhe Përfaqësuesi Special i Sekretarit të Përgjithshëm të OKB-së në Kosovë dhe Shef i UNMIK-ut, Zahir Tanin.

Në editorialin e tij, PSSP Tanin theksoi që Platforma iu ofron të gjithëve qasje në agjendën e ndërtimit të mirëbesimit dhe iu bëri thirrje partnerëve të bëhen pjesë e përpjekjeve:

"Platforma e Ndërtimit të Mirëbesimit në Kosovë sjell pranë jush idetë dhe iniciativat, individët dhe institucionet që mund të realizojnë këtë përparim. Ju ftoj të merrni përsipër rekomandimet, të frymëzoheni  nga puna e kampionëve tuaj, të përfitoni nga burimet e paraqitura në platformë dhe të çoni përpara axhendën e ndërtimit të mirëbesimit në komunitetin tuaj. Për të ardhmen që e duam, le të ndërtojmë së bashku mirëbesimin që na nevojitet."

Karakteristikat e platformës përfshijnë:

    Funksioni i kërkimit për të identifikuar nismat e ndërtimit të mirëbesimit nga personi, tema, vendndodhja dhe statusi. Iniciativat e kërkueshme bazuar në kontributet e tyre për qëllime specifike të Zhvillimit të Qëndrueshëm (ZhQ)

    Sektori juaj i Tregimeve që përmbajnë lajme, video dhe blog përmbajtje, si dhe kampionë

    Sektori i burimeve që përmban thirrje të hapura për financim dhe punësim, si dhe raporte përkatëse

    Sektori Interaktiv i Infografikës që përmban navigimin e lehtë të të dhënave në iniciativat për ndërtimin e mirëbesimit, përfshirë sintezën e temave, aktorëve, vendndodhjen, statusin dhe përparësitë e ZHQ

    Kalendari që përmban ngjarjet e ardhshme të organizuara nga të gjithë kontribuesit

    Galeria që përmban foto të aktiviteteve dhe ngjarjeve të kontribuesve

NSI ofron një ftesë të hapur për të përfituar nga  veçoria "Si mund të kontribuoj" për të shkëmbyer informacione për projektin, thirrje të hapura, ngjarje kalendarike, raporte, lajme të arritjeve ose të emërojë kampionë. Platforma është ne gjuhën angleze, shqipe dhe serbe.

Kalendari

Ngjarjet e datës 29 Shtator 2020

- Ambasadori Tomash Sunjog, Shef i Zyrës së Bashkimit Evropian në Kosovë do ta zhvillojë një vizitë në Mitrovicë ku do te takohet me Kryetarin e Komunës së Mitrovicës së Jugut. (Zyra e Kryetarit të Komunës se Mitrovicës së Jugut, ora 8:55 - mundësi fotografie)

- Kryeministri Avdullah Hoti pret në takim përpunuesit e qumështit. (Ndërtesa e Qeverisë, ora 9:00)

- Kryeministri i Republikës së Kosovës, Avdullah Hoti bashkë me Ministrin e Bujqësisë, Pylltarisë dhe Zhvillimit Rural, Besian Mustafa si dhe Ministrin e Tregtisë dhe Industrisë, Vesel Krasniqi do të mbajnë konferencë bashkë me përfaqësuesit e sektorit të qumështit. (Ndërtesa e Qeverisë, ora 9:30)

- Ambasadori Tomash Sunjog, Shef i Zyrës së Bashkimit Evropian në Kosovë do ta zhvillojë një vizitë në veri të Kosovës. (Ndërtesa e komunës së Mitrovicës së Veriut, ora 9:55 - mundësi fotografie)

- Mbahet mbledhja e komisionit për Mbikëqyrjen e Financave Publike në të cilën so të behët shqyrtimi i Raportit të Auditimit për Ministrinë e Punës dhe Mirëqenies Sociale, Ministrinë e Tregëtisë dhe Industrisë dhe Ministrinë për Komunitete dhe Kthim. (Ndërtesa e Kuvendit, salla N302, ora 10:00)

- Banka Qendrore e Republikës së Kosovës, organizon konferencë për media me rastin e shpalosjes së koleksionit të Librave të Edukimit Financiar për nxënësit e shkollave fillore klasat 1-5 të arsimit fillor, si dhe ceremoninë e nënshkrimit të MOU-së mes BQK-së dhe MASH-it për përfshirjen e edukimit financiar në kurrikulën shkollore. (Objekti i BQK-së, ora 10:00)

- Mbahet seanca e Kuvendit të Komunës së Gjilanit. (Salla e mbledhjeve të Kuvendit të Komunës së Gjilanit, ora 10:00)

- Bëhet promovimi i librit “Çelësi i suksesit në karrierë dhe zhvillim të personalitetit është aftësia gjuhësore” me autorë Manfred G. Raupp, Dardan Velija dhe Peter Hartman. (Rektoratin e Universitetit të Prishtinës “Hasan Prishtina', ora 10:00)

- Mbahet mbledhja e nëntë e rregullt e Kuvendit Komunal të Rahovecit. (Salla e mbledhjeve të Kuvendit Komunal, në objektin e ri të komunës, ora 10:00)

- Ambasadori Tomash Sunjog, Shef i Zyrës së Bashkimit Evropian në Kosovë mban konferencë për shtyp. (Shtëpia e Evropës, Mitrovica e Veriut, ora 11:15)

- Institucioni i Avokatit të Popullit organizon dorëzim - pranimin e detyrës nga Avokati i deritanishëm i Popullit, Hilmi Jashari tek Avokati i ri i Popullit, Naim Qelaj. (Zyra qendrore e Institucionit të Avokatit të Popullit, ora 11:00)

- Ambasadori Tomash Sunjog, Shef i Zyrës së Bashkimit Evropian në Kosovë viziton kampusin e IBCM në veri. (Kampusi IBCM në veri, ora 11:40 - mundësi fotografie)

- Me rastin e shënimit të Ditës Botërore të Zemrës, kryetari i Komunës së Prizrenit, Mytaher Haskuka, do të merr pjesë në aktivitetin sensibilizues, të organizuar nga Drejtoria e Shëndetësisë dhe QKMF në bashkëpunim me IRSHP. (Sheshi i Lidhjes në Prizren, ora 12:00)

- Partia Demokratike e Kosovës mban konferencë për media. (Selia Qendrore, ora 12:00)

- Mbahet mbledhja e komisionit për të Drejtat dhe Interesat e Komuniteteve dhe Kthim në të cilën do të behët rishqyrtimi i Planit të Punës së Komisionit. (Ndërtesa e Kuvendit, salla N303, ora 12:00)

- Ambasadori Tomash Sunjog, Shef i Zyrës së Bashkimit Evropian në Kosovë viziton në hallën e sporteve të Mitrovicës së Veriut. (Halla e sporteve, Mitrovica e Veriut. ora 12:25 - mundësi fotografie)

- Me rastin e shënimit të “Javës së Rinisë”, kryetari i Komunës së Prizrenit, Mytaher Haskuka do të merr pjesë në aktivitetin e organizuar nga Drejtoria për Kulturë, Rini dhe Sport,  ku do të bëhet shpërndarja e broshurave vetëdijesuese “Vendose Maskën dhe Festo”. (Sheshi "Shatërvan" në Prizren, ora 12:30)

-  Komisioni për Bujqësi, Pylltari, zhvillim Rural, Infrastrukturë dhe Mjedis shqyrton në parim i Projektligjin për ndryshim plotësimin e Ligjit për Automjete. (Ndërtesa e Kuvendit, salla N302, ora 13:00)

- Qumshtarët e Kosovës do të mbajnë protestë, duke parakaluar me cisterna të qumështit nga parkingu i Pallatit të Rinisë, nëpër rrugën Garibaldi, perskaj Katedrales, tek Menza e Studentëve e deri tek Qeveria e Kosovës. (Parkingu i Pallatit të Rinisë, ora 13:00)

- Ministrja e Kulturës, Rinisë e Sportit, Vlora Dumoshi raporton para Komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N303, ora 13:00)

- Ministri i Drejtësisë Selim Selimi raporton para Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit lidhur me Projekt Kodin Civil të Republikës së Kosovë dhe  i Projektligjit për Tokën Ndërtimore. (Ndërtesa e Kuvendit, salla C203, ora 13:00)

- Ushtrues i Detyrës së Inspektoratit Policor Kushtrim Hodaj raporton para Komisionit për Çështje të Sigurisë dhe Mbrojtjes. (Ndërtesa e Kuvendit, salla N225, ora 13:00)

-  Komisioni për Qeverisje Lokale, Administratë Publike, Zhvillim Rajonal dhe Media shqyrton në parim i Projektligjit për ndryshimin dhe plotësimin e Ligjit për Festat Zyrtare dhe hqyrtimi i ndryshimit dhe plotësimit të Ligjit për Zyrtarët Publik, sipas Aktgjykimit të Gjykatës Kushtetuese. (Ndërtesa e Kuvendit, salla C301, ora 13:00)

- Ministri i Ekonomisë dhe Ambientit, Blerim Kuçi zhvillon vizitë në Komunen e Vitisë. (Kabineti i Kryetarit të Vitisë, ora 13:30)

- Qumështarët e Kosovës do të mbajnë një konferencë për shtyp për të shpjeguar kërkesat e tyre dhe veprimet e mëtutjeshme. (Tek Qeveria e Kosovës, ora 14:00)

- Ministri i Ekonomisë dhe Ambientit, Blerim Kuçi viziton punimet në lumin "Morava e Binqes". (Viti, ora 14:10)

- Në Gjykaten e Dhomave të Specializuara të Kosovës në Hagë do të mbahet paraqitja e parë e Nasim Haradinajt. (https://www.scp-ks.org/sq/transmetimora, ora 15:00)