19 Janar 2020

Krimet kibernetike në botë kushtojnë 600 miliardë dollarë në vit

New York, 23 shkurt - Krimi kibernetik kushton 600 miliardë dollarë në vit në mbarë botën, një shifër në rritje për shkak të kapaciteteve të piratëve dhe avancimit të kriptomanisë.
 
“Digjitalizimi ka transformuar pothuajse të gjitha aspektet e jetës sonë, veçanërisht nocionin e rrezikut dhe kriminalitetit, kështu që aktiviteti kriminal është më efikas, më pak i rrezikuar, më rentabël dhe më i lehtë se kurrë”, shkruan Steve Grobman, ekspert i shoqërisë ”McAfee”, specializuar për mbrojtjen kundër sulmeve informatike.

Studimi, i realizuar nga McAfee dhe qendra “Center for Strategic and International Studies” (CSIS), që e kishte vlerësuar këtë kosto me 445 miliardë në 2014, tregon gjithashtu rëndësinë e gjeopolitikës.

“Rusia është lider në krimin kibernetik, në sajë të nivelit të hakerave dhe shkeljes së ligjeve perëndimore”, theksoi zëvendëspresidenti i CSIS, James Lewis.

“Koreja e Veriut renditet e dyta duke përdorur kriptomaninë për të financuar regjimin e saj, por ne shohim sot një numër në rritje të qendrave të tjera të krimit kibernetik (…) si Brazili, India dhe Vietnami”, shtoi ai.

Grabitja e pronës intelektuale ka përbërë rreth një të katërtën e kostos totale të krimit kibernetik në 2017, zbulon gjithashtu raporti, që thekson se vendet më aktive në piratimin informatik kanë specialistët e tyre.

“Gjithashtu, Rusia, Koreja e Veriut dhe Irani janë komanduesit më të mëdhenj të sulmeve që prekin institucionet financiare, ndërkohë që Kina është më aktive përsa i përket spiunazhit kibernetik”, vijon raporti. 

Kalendari

Ngjarjet e datës 20 janar 2020

- Zyra e BE-së/Përfaqësuesi Special i BE-së në bashkëpunim me Qendrën për Arsim të Kosovës dhe organizatat e tjera joqeveritare, anëtare e “Rrjetit të Kosovës për punësim dhe arsim” do të organizojnë konferencën përfundimtare e cila do të përqendrohet në arsim dhe punësim. (Hoteli Swiss Diamond, ora 9:30)

- Kryetari i Komunës së Prizrenit, Mytaher Haskuka do të mbajë takim me qytetarë, ku do të njoftojë për punën e Komunës së Prizrenit gjatë vitit 2019. (Salla e Kuvendit Komunal në Shtëpinë e Bardhë, ora 10:00)

- Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për nxënësit fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Prishtinës. (Shkollën Model në Prishtinë, ora 11:00)

- Kryetari i Kuvendit të Republikës së Kosovës, Glauk Konjufca, ka thirrur mledhjen e parë të Kryesisë së Kuvendit të Republikës së Kosovës, të Legjislaturës VII. (Ndërtesa e Kuvendit, Salla C 301, ora 11:00)

- Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për nxënësit fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Obiliqit. (Shkolla "Ismail Dumoshi" në Obiliq, ora 14:00)