18 Tetor 2018

Kode Labs blenë kompaninë kosovare të teknologjisë Zag Apps

Prishtinë, 6 gusht - Kode Labs, kompani e specializuar në IoT për ‘commercial real estate’ me bazë në Detroit, ka blerë Zag Apps, kompani e teknologjisë që merret me zhvillimin e produkteve softuerike.

Blerja e Zag Apps, selia e së cilës ndodhet në Prishtinë, është shembull që tregon se edhe në Kosovë mund të ndërtohen kompani atraktive për tregun ndërkombëtar.

E regjistruar në vitin 2013, Zag Apps ka zhvilluar mbi 50 aplikacione për smartphone dhe ueb, të cilat kanë qenë në shërbim të miliona përdoruesve, si dhe u ka shërbyer më shumë se 30 klientëve nga mbarë bota.

Që nga viti 2017, kur dhe është themeluar kompania, Kode Labs ka bashkëpunuar me Zag Apps për të zhvilluar softuerë të personalizuar për partnerë strategjik dhe softuerë për ‘smart buildings’. 

Së bashku, dy kompanitë kanë marrë përsipër projekte për kompani të mëdha të ‘commercial real estate’ si dhe për kompani ndërtimore në të gjithë SHBA-në. Duke pasur parasyshë misionin e kompanive për të ofruar zgjidhje të automatizuara dhe të personalizuara teknologjike, ka qenë e natyrshme që Kode Labs dhe Zag Apps t’i bashkojnë forcat zyrtarisht. 

Tani si një ekip i vetëm, Kode ka në plan të zgjerojë më tej dhe të implementojë inovacione lidhur me IoT për ‘commercial real estate’ dhe industri të ‘building integration’. Bashkëthemeluesit e saj, vëllezërit Edi Demaj dhe Etrit Demaj, kanë lënë shenja në Detroit me iniciativa dhe inovacione të tjera teknologjike.

Ata gjithashtu kanë zhvilluar një gjurmë të fortë biznesi edhe në vendin e tyre të lindjes, në Kosovë. Partner në Kode Labs është edhe ish-kapiteni legjendar i Kombëtares së Futbollit të Shqipërisë, Lorik Cana, i cili bashkë me vëllezërit Demaj mezi presin që partnerët e Zag Apps, Gentrit Gojani dhe Zell Bakalli, t’i bashkohen ekipit. Gojani po i bashkohet ekipit si CTO (Chief Technology Officer) i Kode Labs kurse Bakalli si VP of Engineering (Zv. i Inxhinierisë).

"Me shumë entuziasëm i jam bashkuar ekipit të Kode Labs. Sporti dhe teknologjia janë dy fusha ku Shqiptarët vazhdojnë të tregojnë sukses ndërkombëtarë. Kjo është një industri për të cilën kam shumë pasion dhe ku do të shfrytëzoj përvojën time për ndërtimin dhe rritjen e Kode Labs në një kompani unike për shqiptarët në veçanti, si dhe për botën në përgjithësi," tha Lorik Cana, ish-kapiten i Kombëtares së Futbollit  Shqiptar dhe Partner i Kode Labs.

Kode Labs vazhdon të rekrutojë talentë të teknologjisë në Kosovë dhe rajon.

"Njëri prej qëllimeve tona ka qenë dhe mbetet gjetja e mënyrave kreative për bashkpunim me të rinjtë shqiptarë të cilët mund të jenë konkurentë në tregun ndërkombëtarë. Përveç talentit, njëra nga arsyet përse kemi vendosur të bëjmë blerjen e Zag Apps ka qenë kultura e punës brenda kompanisë. Produktet që ne po i ndërtojmë janë të reja jo vetëm për Kosovën e Ballkanin, por për industrinë tonë në përgjithësi, andaj mundësitë për ngritje profesionale janë të pafunda për ata që na bashkohen," tha Etrit Demaj, CEO i Kode Labs.

Për më shumë, kompania në mënyrë aktive investon në kompanitë e tjera të cilat i sheh si të përshtatshme për të ofruar shërbime në bazën e klientëve të saj.

"Kode" në Kode Labs përfaqëson rrënjët dhe origjinën e krijuesve te kompanisë, Kosova dhe Detroiti, të bashkuar në një fjalë të vetme. Pra, kjo blerje është vërtetë e përshtatshme për Kode Labs, strategjikisht dhe figurativisht.

 
 

Kalendari

Ngjarjet e datës 19 tetor 2018 - Kryeministri Ramush Haradinaj merr pjesë në mbledhjen e Qeverisë së Republikës së Kosovës. (Ndërtesa e Qeverisë, ora 9:00)

- Organizohet aksion pastrimi në Fushë Kosovë, përkatësisht në lagjen “028” me shumicë rome. (Lagja “028” në Fushë Kosovë, ora 10:00)

- Instituti i Kosovës për Drejtësi organizon tryezën "Parandalimi dhe luftimi i krimeve në zgjedhje: Procedurat Standarde të Veprimit përgjigja e duhur për krimet para, gjatë dhe pas ditës së votimit". (Hotelin Sirius, ora 10:00)

- Ministri i Punës, Skender Reqica, Ministri i MASHT-it, Shyqiri Bytyçi, Ministri i Shëndetësisë, Uran Ismaili dhe Organizata Forumi Kosovar i Aftësisë së Kufizuar raportojn para Komisionit për të Drejtat e Njeriut, Barazi Gjinore, për Persona të Pagjetur dhe Peticione lidhur me zbatimin e Strategjisë Nacionale për të Drejtat e Personave me Aftësi të Kufizuar në Republikën e Kosovës 2013 - 2023. (Ndërtesa e Kuvendit, salla N 302, ora 10:00)

- Ministri i Drejtësisë, Abelard Tahiri së bashku me kryetarin e Odës Ekonomike të Kosovës, Berat Rukiqi, marrin pjesë  në tryezën e diskutimit në kuadër të kampanjës ‘’Drejtësia dhe Biznesi‘’. (Ndërtesa e OEK-ut, ora 10:00)

- Kryetari i Suharekës pret në takim përfaqësuesit e Ministrisë se Mjedisit dhe Planifikimit Hapësinor dhe përfaqësues rezident te Agjencisë Japoneze për Bashkëpunim Ndërkombëtar. (Zyra e krytarit te Suharekës, ora 10:00)

- Instituti Demokratik i Kosovës (KDI), ju fton të përcillni konferencën për media lidhur me funksionimin e punës së Kuvendit të Republikës së Kosovës. (Zyrat e KDI-së, ora 10:00)

- Grupi për Studime Juridike dhe Politike organizon tryezën e diskutimit me temë “E kaluara, e tashmja dhe e ardhmja: Dialogu Kosove-Serbi dhe mesimet që lidershipi i Kosovës duhet të përseris”. (Hotelin Swiss Diamond, ora 10:30)

- Ministrit të Kulturës, Rinisë dhe Sporteve, Kujtim Gashi raporton para Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi lidhur me sfidat dhe prioritetet e Ministrisë. (Ndërtesa e Kuvendit, salla N 303, ora 11:00)

- Presidenti i Republikës së Kosovës, Hashim Thaçi, pret në takim Shoqatën e Gazetarëve dhe përfaqësuesit e shoqërisë civile të Luginës së Preshevës. (Kabineti i Presidentit, ora 11:00)

- Komuna e Suharekës dhe Ministria e Mjedisit dhe Planifikimit Hapësinor organizojnë ceremoninë e inaugurimit të Projektit Përcjellës - Promovimi i Iniciativës SATOYAMA për Ruajtjen e Biodiversitetit dhe Zhvillimin Rural nëpërmjet Menaxhimit të Qëndrueshëm të Burimeve Natyrore. (Sheshi kryesor në fshatin Mushtisht, ora 11:00)

- Kryeministri Ramush Haradinaj merr pjesë në Kongresin e parë Ndërkombëtar të Odës së Fizioterapeutëve të Kosovës. (Hoteli Emerald, ora 12:00)

- Kryeministri Ramush Haradinaj vizitë pune në Ministrinë e Punëve të Brendshme. (Ndërtesa e Ministrisë së Punëve të Brendshme, ora 13:00)

- Mbahet ceremonia e hapjes së ekspozitës "Aga Khan Award for Architecture". (Hapësirat e Muzeut të Kosovës, ora 14:00)

- Mbahet ceremonia e hapjes së edicionit të parë të Festivalit Ballkanik të pjekjes dhe promovimit të rakisë, 'Rakia Fest'. (Hapësirat e Etnokompleksit të fshatit Kukaj, Komuna e Prishtinës, ora 15:00)

- Zëvendëskryeministri i Parë dhe Ministri i Jashtëm, Behgjet Pacolli, do të pres në takim Ministrin e Jashtëm të Turqisë, Mevlüt Çavuşoğlu. (Ndërtesa e Ministrisë se Punëve të Jashtme, ora 17:15 - konferencë e përbashkët për media, ora 17:55)

 - Presidenti i Republikës së Kosovës, Hashim Thaçi, pret në takim Ministrin e Punëve të Jashtme të Turqisë, Mevlüt Çavuşoğlu. (Kabineti i Presidentit, ora 18:30)