28 Janar 2020

Kina do të lëshojë satelitin e parë me teknologjinë 5G

Pekin, 13 dhjetor - Sateliti i parë kinez i brezit të gjerë 5G i orbitës së ulët të Tokës planifikohet të niset në fund të dhjetorit, njoftoi të martën një kompani tregtare e hapësirës ajrore me qendër në Pekin.

"Galaxy Space", një nga tre firmat kryesore në botë që punojnë në sektorin e internetit bazuar në hapësirë, tha se sateliti i prodhuar prej tij është i aftë të transmetojë të dhëna me shpejtësi deri në 10 Gbps dhe mund të mbulojë një sipërfaqe prej 300 000 kilometrash katrorë - një zonë 50 herë më e madhe se sipërfaqja e qytetit të Shangait.

Zhvillimi i internetit me bazë në hapësirë ​​është i rëndësishëm për të ardhmen e hulumtimit të teknologjisë ajrore të Kinës, tha Xu Ming, themeluesi i "Galaxy Space".

Sipas tij, krahasuar me rrjetet e të dhënave që mbështeten në stacionet bazë të fibrave optike ose mikrovalë për të siguruar qasje në rrjet afër tokës, shërbimet e internetit me bazë në hapësirë mund të ofrojnë qasje në të dhëna në lartësi më të mëdha dhe investimi në rrjet është vetëm një përqind e kostos së ndërtimit të një rrjeti 4G, .

Më shumë se katër miliardë veta në të gjithë botën aktualisht nuk kanë qasje në internet, dhe Xu thekson se mbulimi me internetin në hapësirë ​​do të përmbushë kërkesën e tyre. "Këtu ka mundësi të jashtëzakonshme tregtare për projektin në të ardhmen," mendon ai. 

Kalendari

Ngjarjet e datës 27 janar 2020  - Oda Ekonomike e Kosovës dhe Shoqata e Zejtarëve dhe Afaristëve ESNAF nga Prizreni organizojn takim për mundësitë e bashkëpunimit në përkrahje të sektorit privat. (Objekti i Odës Ekonomike të Kosovës, ora 10:00)

- Këshilli Gjyqësor i Kosovës mban mbledhjen e 229-të. (Ndërtesa e KGJK-së, salla e takimeve, rruga “Luan Haradinaj”, ora 10.00)

- Kryeshefi I Telekomit të Kosovës, Bedri Istrefi pret në takim ministrtin e Inovacionit, Muszafer Shala, ku pas takimit do të ketë konferencë për media. (Ndërtesa kryesore të Telekomit të Kosovës, në katin e pestë, ora 10:00)

- Kuvendi Komunal i Prizrenit do të mbajë mbledhjen e jashtëzakonshme të thirrur nga kryetari i Komunës së Prizrenit, Mytaher Haskuka. (Salla e Kuvendit në Shtëpinë e Bardhë, ora 10:00)

- Kryeministri në detyrë, Ramush Haradinaj bashkë me kabinetin qeveritar, bëjnë homazhe te obelisku i Hebrenjve, në shënimin e Ditës Ndërkombëtare të Përkujtimit të Holokaustit. (Oborri i Qeverisë së Kosovës, ora 11:00)

- Plaformë e Grupit për Studime Juridike dhe Politike organizon konferencën për media me temë “Sfidat në sundimin e ligjit në Kosovë: Performanca e sistemit gjyqësor dhe prokurorial dhe vlerësimi qytetarë ndaj këtyre institucioneve”. (Qendra e Konferencave Orion, ora 11:00)

-  Universiteti i Gjakovës "Fehmi Agani" organizon manifestimin e kushtuar Ditës Ndërkombëtare të Përkujtimit të Holokaustit. (Hapësirat e Fakultetit të Edukimit -Filologjisë, Gjakovë, ora 11:00)

-  Misioni i OSBE-së dhe Bashkësia Hebraike e Kosovës do të shënojnë Ditën Ndërkombëtare të Kujtimit të Holokaustit. (Dokukino në Kompleksin Europa në Prizren, ora 12:30)

- Presidenti i Republikës së Kosovës, Hashim Thaçi, merr pjesë në shënimin e Ditës Përkujtimore të Holokaustit. (DokuKino, Kompleksi Europa në Prizren, ora 12:30)

- Rinia Demokratike e Kosovës shënon 20 vjetorin e themelimit. (Menza "Ramiz Sadiku", Prishtinë, ora 18:30)

- Ministria e Kulturës, Rinisë dhe Sportit, në bashkëpunim me Qendrën Kinematografike të Kosovës dhe AS Film, për nder të Ditës Përkujtimore të Holokaustit, do të organizojnë shfaqjen e filmit dokumentar “Përqafimi i fatit”, me regji të Jakov Sedlar. (Teatri Kombëtar i Kosovës, ora 19:00)