23 Shkurt 2020

Inaugurohet laboratori i teknologjisë dhe inovacionit në Gjimnazin e Drenasit

Drenas, 16 janar - Me investimin e rreth 25 mijë eurove nga Ministria e Inovacionit dhe Ndërmarrësisë, është inauguruar të enjten laboratori i teknologjisë dhe inovacionit në Gjimnazin “Gjergj Kastrioti Skënderbeu” në Drenas.

Ministri në detyrë i Inovacionit dhe Ndërmarrësisë, Muzafer Shala, në ceremoninë inauguruse ka thënë se si ministri në vazhdimësi kanë punuar për forcimin e ekosistemit të profesioneve në fushën e teknologjisë.

Sipas tij, në vendin tonë është dëshmuar se ka rëndësi transformimi digjital, i cili tashmë është duke ndodhur në gjithë botën.

“Në bazë të Forumit Ekonomik Botërore, 65% të fëmijëve që hyjnë në klasën e parë do të bëjnë punë që nuk ekzistojnë tash. Dhe të gjitha këto punë do të kërkojnë shkathtësi nga teknologjia e informacionit dhe makatronika. Prandaj ky inaugurim i këtij laboratori është shumë e rëndësishme për të gjitha këto që u thanë më sipër”, ka thënë ministri Shala.

Me këtë rast, ministri ka folur edhe për disa aspekte tjera, që si ekosistem i inovacionit dhe ndërmarrësisë ka rëndësi të madhe ndërlidhja e politikbërjes, akademisë me inovacionin dhe ndërmarrësin.

“Para disa muajsh kam thënë se në Kosovë do t’i krijojmë 50 mijë  inxhinierë nga fusha e IT-së dhe mekatronikes. Ne në Kosovë kemi kompani, të cilat i kanë kaluar të gjithë kufijtë dhe sot janë punëdhënës serioz, të cilët po e bëjnë sektorin e shërbimeve ‘ousource’ si sektorin e vetëm me bilanc pozitiv ne eksport”, ka theksuar ministri Shala.

Sipas tij, ka kërkesa të mëdha të njerëzve me shkathtësi në ICT, prandaj duhet investuar në këso hapësirash përmes, të cilave do të forcohet talenti i të rinjve tanë.

Ndërkaq, kryetari i Komunës së Drenasit, Ramiz Lladraovci, ka thënë se investimi i Ministrisë së Inovacionit dhe Ndërmarrësisë, do të mundësojë ngritjen e cilësisë në arsim.

Në ketë ceremoni ka marr pjesë edhe një delegacion gjerman i kryesuar nga themeluesja e Education Unlimited, Kerstin Labonte.

Kalendari

Ngjarjet e datës 23 shkurt 2020 - Partia Demokratike e Kosovës, mban Konferencë për media. (Selia Qendrore e PDK-së, ora 11:00)

- Mbahet marshi i çiklistëve kundër ndotjes së ajrit në Prishtinë. (Pikë nisja nga Instituti Hidrometeorologjik i Kosovës, Fushë Kosovë, në hyrje të Prishtinës, ora 12:00)

- Komuna e Deçanit në bashkëpunim më OVL-UÇK-së në Deçan! bejnë zbulimin e pllakës së varrit të luftëtarit e komandantit Halim DervishTolaj nga Prejlepi i Deçanit. (Kompleksi i Varrezave të Dëshmoreve të Kombit në fshatin Prejlep, ora 12:00)