20 Shtator 2019

ICT Awards në vitin e shtatë në kërkim të gjurmëve inovatore

Prishtinë, 30 janar - Për vitin e shtatë me radhë, ICTSmedia do ta freskojë vëmendjen dhe fokusin e publikut në anën inovative dhe kreative ku mendjet do të kthehen në mendjet e profesionistëve dhe gjeneratave të së ardhmes mbarëshqiptare, do të mendojnë produktivitet dhe inovacion.

Albanian ICT Awards, gara mbarëkombëtare e mendjeve të ndritura në fushën e teknologjisë, informacionit, komunikimit dhe bizneseve sapo të lançuara, do të vihet në kërkim të identifikimit dhe shpërblimit të të arriturave dhe të rejave që kurrë nuk perëndojnë.

Juria e pavarur dhe Albanian ICT Awards

Prej shtatë vitesh, juria e Albanian ICT Awards ka administruar dhe vlerësuar mbi 1000 projekte dhe aplikime të ndryshme në të gjitha kategoritë, ndërsa mbi 150 projekte të ndryshme, Juria e ICT Awards i ka  analizuar dhe vlerësuar deri në detajet më të vogla.

Janë shpërblyer si finalistë dhe fitues rreth 100 individë për kontributin e dhënë në inovacion dhe përparimet në teknologji që bartin një vulë shqiptare kudo në botë.

Ide të shumta të transformuara në realitet, garuesit e ICT Awards janë padyshim liderët e së nesërmes që kanë vendosur ti flasin realitetit Shqiptar me guxim dhe kurajo.

Dimensionet e ICT Awards

Besimi që ICT Awards u ka dhënë këtyre projekteve është afirmuar nga arritjet individuale të secilit prej projekteve fituese ndër vite. Besim i cili konfirmon vit pas viti një vetëdijësim të qartë për një kontribut të pamatshëm dhe se si puna e secilit prej tyre ndikon në shoqëri.

ICT Awards është dëshmuar si një institucion që përgjegjësinë e suksesit ia lë pasqyrimit real zhvillimor, emancipimit të shoqërisë, nivelit të vetëdijësimit të organizatave dhe kompanive serioze në hapësirat shqiptare dhe më gjërë, të rinjëve dhe përgatitjes së tyre për shekullin 21, fëmijëve dhe medias.

ICT Awards bart në vetvete përgjegjësinë e shpërfaqjes së një rinie dhe profesionistëve potencial siç është ajo shqiptare, të afirmimit të së mirës dhe të suksesshmes duke e bërë atë model për tu ndjekur nga të gjithë, pikë frymëzimi për të gjithë shpirtrat dhe mendjet e pavendosura rreth potencialit të tyre.

Juria çdo vit gjendet përballë sfidave profesionale me aplikimet e garuesve, të cilët vazhdimisht befasojnë jo vetëm anëtarët e saj, të cilët në detaje vlerësojnë mbi rreth 2,000 faqe projekte, aplikacione e programe të ndryshme.

Iniciativa e hapjes së Qendrës Laboratorike ICTSlab

Edicioni i 7-të i ICT Awards vjen vetëm pak muaj pasi shtëpia botuese, ICTmedia, lançoi projektin e radhës me hapjen e dyerve të laboratorit multifunksional në Tiranë, ICTSlab. Qendra laboratorike e ICTSlab ka në fokus të veçantë të ardhmen dixhitale, nxitjen e fëmijëve dhe grupmoshave të reja për ta përqafuar teknologjinë, informacionin, komunikimin, sigurinë kibernetike dhe inovacionin. Dhjetëra inovatorë të vegjël tashmë kanë lindur nga qendra laboratorike ICTSlab.

Programet Akademike të dedikuara për fëmijë, siç janë programimi në Scratch, programimi në Python, programimi në robotikë, zhvillimet e lojërave, programi për Arduino Labs e shumë të tjera, janë vetëm disa nga mjetet të cilat ICTSlab ka vënë në dispozicion.

Është kontributi i ICTSmedia që ka prishur “qetësinë” e komunitetit herë pas here me iniciativa të nivelit të lartë organizativ dhe social. “Padyshim iniciativa e fundit e kompanisë ICTSmedia - laboratori i inovacionit ICTSlab është një nga ato nevojat e këtij ekosistemi që janë vënë re në Shqipëri,” shprehet Drejtoresha e ICTSlab Esmeralda Shala.

Hapja e Edicionit të shtatë të ICT Awards

Të Mërkurën me datë 6 Shkurt 2019, ICTSmedia do të mirëpresë komunitetin e teknologjisë për të nisur një tjetër edicion plot garë dhe emocion të ICT Awards e cila çdo vit josh mbi 100 projekte.

Edicioni i 7-të do t’i hapë dyert të mërkurën e datës 6 Shkurt 2019 në Tiranë. Ky edicion i këtij viti nuk do ti ngjajë shumë në formë viteve të kaluara, duke rezervuar përgatitje surprizë për një event të përmasave akoma më të mëdha në pjesëmarrje. Edhe ky vit pritet të shkëlqejë nga cilësia dhe numri i kandidatëve. Forcën e këtij shkëlqimi do t’ja lëmë pa dyshim Prillit ku edhe do të organizohet mbrëmja Gala me një format surprizë.

Pjesëmarrësit në ceremoninë e hapjes së edicionit të shtatë

Me pjesëmarrjen e tyre do të nderojnë përfaqësues nga institucionet publike dhe private, anëtarë te Jurisë ndër vite, fitues dhe finalistë nga edicionet e kaluara dhe shumë e shumë risi të tjera.

Koordinatori i ICT Awards Ardian Alaj premtoi se si çdo vit edhe këtë edicion ekipet e Albanian ICT Awards do të shpërndahen në shumë qytete anë e mbanë trevave Shqiptare siç është Ulqini, Presheva, Tirana, Prishtina, Shkupi, Tetova, Shkodra, Vlora, Lezha, Gjakova dhe shumë qytete të tjera të cilët do ti takojmë derë më derë për t’ju pasqyruar dhe për t’i inkurajuar për pjesëmarrje dhe aplikim, bashkë me prezantimin e mundësive që i presin.

Është inkurajues fakti se nga viti në vit, individë, kompani, institucione private dhe publike si dhe media të shumta ofrojnë mbështetjen e tyre në përkrahje të maksimizimit të vlerave të garës mbarëkombëtare ICT Awards.

Është vështirë të përshkruhet nga organizatorët kënaqësia dhe krenaria kur shohim se fitues të mëhershëm në ICT Awards kthehen në mbështetës të plotë të këtij konkursi, qoftë me përkrahje njerëzore, materiale apo financiare.

Me partnerët strategjik si Fondacioni “Dritan Hoxha”, banka Raiffeisen në Shqipëri, të mediave si Top Channel, TV Klan dhe kompanive private si ALBVISION e shumë partnerëve dhe sponsorëve të tjerë, ICT Awards edhe këtë vit ka do të shpërblejë finalistët dhe fituesit me çmime të ndryshme.

Edicioni i 7-të është një shans i ri, një fillim i një sfide të re për Shqiptarët novatorë gjatë vitit 2019. Është një provë sesa ka ndryshuar tregu shqiptar gjatë 2018-ës, niveli në të cilin realiteti shqiptar është zhvilluar përmes teknologjisë dhe një provë ku gjallëria innovative e një komuniteti testohet dhe shfaqet në sipërfaqe.

Kalendari

Ngjarjet e datës 20 shtator 2019 - Shoqata për Dëme të Luftës “Ngritja e Zërit“, dorëzon në Gjykatën Kushtetuese për herë të gjashtë dosjet e radhës për kompensimin e dëmeve të luftës, respektivisht kërkesat, për vlerësimin e kushtetutshmërisë së aktvendimeve të Gjykatës Supreme të Kosovës. (Gjykata Kushtetuese, ora 9:00)

- Mbahet konferenca e parë për shtyp nga Kryesuesja e Misionit e Bashkimit Europian per monitorimin e zgjedhjeve te parakohshme parlamentare në Kosovë, Viola von Cramon-Taubadel. (Hotel Swis Diamond, ora 10:00)

- Instituti për Politika Zhvillimore organizon ngjarjen “Pesë fjalimet për Qëndrueshmëri – Lokalizimi i Agjendës 2030 në Kosovë”. (Amfiteatri i Biblotekës Kombëtare “Pjetër Bogdani”, ora 10:00)

- Caritasi Zvicerran organizon ceremoninë zyrtare me rastin e shënimit të 20 vjetorit në Kosovë. (Hotel Sirius, ora 10:00)

- Ministri i Kulturës, Rinisë dhe Sportit, Kujtim Gashi merr pjesë në Panairin e punësimit në Prizren. (Palestra sportive në Prizren, ora 11:00)

- Let's Do It Kosova organizon konferencë për media, ku do të prezentohen aktivitetet e planifikuara të cilat do të zhvillohen për Ditën e Pastrimit të Botës. (Zyret e Let's Do It në Pejton, rruga "Pashko Vasa", ora 11:00)

- Komuna e Prishtinës në bashkëpunim me Zyren e Bashkimint Evropian në Kosovë organizon zhvillon aktivitetin "Ngasja e çiklizmit - knaqesi dhe shendet". (Amfitetari sheshi "Zahri Pajaziti", ora 12:00)

- Lëvizja FOL organizon diskutimin e pestë në kuadër të Forumit FOL Hapur me Fatmir Limaj, Kandidat për Kryeministër nga Koalicioni NISMA-AKR-PD. (Lëvizjes FOL, ora 12:30)

- Kryeministri në detyrë, Ramush Haradinaj, merr pjesë në 20-vjetorin e themelimit të RTV Mitrovica. (Restorant Skandinavia, Koshtovë - Mitrovicë, ora 13:00)

- Filmi ZANA me regji te Antoneta Kastrati, nominimi i Kosoves për Oscars, pas premieres boterore ne festivalin e madh te Torontos shfaqet per gazetar në Cineplexx Kosove. (Cineplexx, Albi Mall,  ora 13:00)

- Kryetari i Lëvizjes Vetëvendosje!, Albin Kurti merr pjesë në përvjetorin e TV Mitrovica. (Mitrovicë, ora 13:00)

- Ministri i Kulturës, Rinisë dhe Sportit, Kujtim Gashi merr pjesë në venien e gurthemelit te palestrës sportive në Dragash. (Dragash, ora 14:00)

- Kandidatja për kryeministre nga LDK-ja, Vjosa Osmani se bashku me krytarin e Komunës e Gjilanit, Lutfi Haziri takohen me rininë e LDK-së në Gjilan. (Shtëpia e Rinisë, Gjilan, ora 16:30)

- Kryetari i Lëvizjes Vetëvendosje!, Albin Kurti mbanë tubim në Gushavc. (fshati Gushavc, Mitrovicë, ora 17:00)

- Kandidatja për kryeministre nga LDK-ja, Vjosa Osmani se bashku me krytarin e Komunës e Gjilanit, Lutfi Haziri takohen me gratë e Gjilanit. (Teatri e qytetit, ora 17:30)

- Zhvillohet defileu u grupeve që marrin pjesë në Festivalin Ballkanik të Folklorit. (Nisja nga shkollfa fillore “Selman Riza” përgjatë rrugës “Dardania”, ora 18:00)

-  Kryetari i Lëvizjes Vetëvendosje!, Albin Kurti mbanë tubim në Zhabar. (fshati Zhabar, Mitrovicë, ora 18:00)

-  Kryetari i Lëvizjes Vetëvendosje!, Albin Kurti mbanë tubim mobilizues. (Mitrovicë, ora 19:00)

- Fillon edicioni i III-të i Festivali Ballkanik të Folklorit në të cilin do të marrin pjesë Ansamble dhe grupe nga: Shqipëria, Kroacia, Bullgaria, Turqia, Maqedonia e Veriut, Mali i Zi dhe Kosova. (Ambientet e Shkollen fillore “Mihal Grameno” në Fushë-Kosovë, ora 19:00)

- Kryetari i Lëvizjes Vetëvendosje!, Albin Kurti mbanë tubim në Vushtrri. (Vushtrri, ora 21:00)