09 Dhjetor 2019

Huawei është një mjet i spiunazhit elektronik të Pekinit

Washington, 19 nëntor - Shtetet e Bashkuara u dhanë 90 ditë të tjera afat kompanive të ndryshme që të ndërpresin marrëdhëniet e biznesit me gjigantin kinez të telekomit Huawei, duke thënë se kjo do t'i lejojë ofruesit e shërbimeve të vazhdojnë t'u shërbejnë zonave rurale.

Në muajin maj, Presidenti Donald Trump ndaloi në thelb kompaninë kineze Huawei të hyjnë rrjetet amerikane të telekomunikimit, pasi Uashingtoni zbuloi se kompania kishte shkelur sanksionet amerikane ndaj Iranit dhe se ishte përpjekur të bllokonte një hetim të mëvonshëm.

Shtyrja e afatit, pas atij të njoftuar në muajin gusht, "do të lejojë që firmat e telekomunikimit të vazhdojnë t'u shërbejnë klientëve në disa nga zonat më të largëta të Shteteve të Bashkuara, të cilët në rast të kundërt do të mbeteshin pa rrjet," tha Sekretari amerikan i Tregtisë Wilbur Ross në një deklaratë.

"Departamenti do të vazhdojë të monitorojë me rreptësi eksportet sensitive të teknologjisë për të garantuar se novacionet tona nuk do të shfrytëzohen nga ata që mund të kërcënojnë sigurinë tonë kombëtare," tha ai.

Zyrtarët amerikanë pohojnë gjithashtu se Huawei është një mjet i spiunazhit elektronik të Pekinit, duke i bërë pajisjet e tij një kërcënim për sigurinë kombëtare të SHBA. Huawei e mohon këtë.

Shefja financiare e Huawei-t, Meng Wanzhou, e cila është gjithashtu e bija e themeluesit të kompanisë, u arrestua në Kanada vitin e kaluar dhe tani po përpiqet të shmangë ekstradimin në Shtetet e Bashkuara. Ajo akuzohet për mashtrim dhe komplot që lidhen me sanksionet e SHBA.

Beteja rreth firmës Huawei po ndikon gjithashtu drejtpërdrejt tek lufta tregtare e Presidentit Trump me Pekinin.

Zyrtarët amerikanë fillimisht thanë se këto të dyja nuk kishin lidhje, pasi veprimet e firmës Huawei ishin rreptësisht çështje të zbatimit të ligjit dhe të sigurisë kombëtare, por Presidenti Trump ka lënë të kuptohet se një zgjidhje mund të përfshinte edhe një mirëkuptim në lidhje me Huawei-n.

Pas thuajse dështimit të bisedimeve tregtare SHBA-Kinë në muajin maj, Uashingtoni e shtoi firmën Huawei në një listë të kompanive që ndalohen të blejnë teknologji amerikane pa miratimin paraprak nga qeveria amerikane.

Por, kompanitë kanë thënë se u duhet kohë për të filluar të zbatojnë rregullin e ri, prandaj Presidenti Trump ka lejuar vetëm transaksione të kufizuara në këtë fushë.

Kalendari

Ngjarjet e datës 9 dhjetor 2019 - Qendra Burimore për Persona të Zhdukur, QBPZH me mbështetjen e Ambasadës Britanike dhe Ambasadës Amerikane organizon diskutimin e tryezës së rrumbullakët, në shenjë të shënimit të Ditës Ndërkombëtare për të Drejtat e Njeriut. (Hotel Garden, ora 9:00)

- Oda Ekonomike Amerikane në Kosovë në bashkëpunim me Programin Aktiviteti për Drejtësi Komerciale të USAID, prezantojn te gjeturat e një studim të ri rreth Perceptimit të Korrupsionit sipas Bizneseve. (Hotel Swiss Diamond, ora 10:00)

- Koalicioni i OJQ-ve për Javën Kundër Korrupsion 2019  mban konferencë për media për të publikuar Kalendarin e Aktiviteteve të JKK 2019 ku edhe do përqoj disa mesazhe kryesore për temat të cilat do diskutohen gjatë këtyre pesë ditëve. (Hotel Sirius, ora 10:00)

- Kuvendi Komunali Gjilanit mban seancën e jashtezakonshme më pikënn e vetme te rendit të ditës është 'Diskutimi rreth lokaciont të ardhshëm të varrezave të qytetit'.(Objekti i Kuvendit Komunal te Gjilanit, ora 10:00)

- Universiteti i “Kadri Zeka” në Gjilan nënshkruan marrëveshje me  Agjencin Ekzekutive te Komisionit Evropian, për projektin milionësh në programin ERASMUS + Cooperation for Innovation and the exchange of good Practices. (Ambientet e Rektoratit, ora 10:30)

- Save the Childreb bën lansimin i instrumenteve për vlerësimin pedagogjik  të fëmijëve në Kosovë. (Qëndra Burimore Përparimi afër Don Bosko, ora 10:30)

- Instituti Demokratik i Kosovës organizojnë ekspozitën dhe ceremoninë e ndarjes së çmimeve për garën për fotografinë më të mirë kundër korrupsionit 2019. (Parku Arkeologjik, përballë Muzeut Kombëtar, ora 11:00)

- Universiteti i Shkencave të Aplikuara në Ferizaj, do të bën promovimin e librit "Turizmi Ndërkombëtarë", nga Prof. As. Dr. Hysen Sogojeva. (Universiteti i Ferizatj, ora 11:00)

- Lëvizja FOL organizon një tryezë me temë “Ligji për Mbrojtjen e Sinjalizuesve - Sfidat e zbatimit në praktikë”. (Hotel Sirius, ora 14:00)

- Programi i Kombeve të Bashkuara për Zhvillim përmes projektit Mbështetje Përpjekjeve Kundër Korrupsionit do të shënojë Ditën Ndërkombëtare Kundër Korrupsionit, duke ndarë shpërblimin për storjen më të mirë gazetareske kundër korrupsionit për vitin 2019. (Kino Armata, ora 18:00)

- Ambasadorja e Vullnetit të Mirë për Kosovën në IHRC Elvana Shala sonte organizon pritjen solemne “Bashkë për të drejtat tona” në bashkëpunim me Ambasadorin e Norvegjisë në Kosovë Jens Erik Grondahl dhe Ambasadoren e Suedisë në Kosovë znj. Karin Hermarck Ahliny. (Swiss Diamond Hotel, ora 18:00)

- Instituti i Kosovës për Drejtësi dhe “Betimi për Drejtësi” shfaqin premierën e dokumentarit “Sinjalizuesit e korrupsionit”. (Hotelin Sirius, ora 19:45)