18 Shkurt 2020

Huawei do të ndërtojë hotelin e parë inteligjent në botë

Shenzhen, 18 prill - Gjiganti kinez i telekomunikacionit "Huawei" ka nënshkruar një marrëveshje me "InterContinental" dhe "China Telecom" për ndërtimin e hotelit të parë inteligjent 5G në botë në Shenzhen.

Rrjeti 5G do të mundësojë më shumë aplikime VR në të ardhmen, pa kushtuar shumë në përmirësimin e harduerit.

Chipi i ri 5G ishte në fuqi të plotë në Samitin e Huawei "Global Analyst" të martën në Shenzhen, ku zv.kryetari Ken Hu tha se 5G-ja është duke u vendosur më shpejt se parashikimi.

"Pra, në Huawei, ne parashikojmë që deri në vitin 2025, do të vendosen 6.5 milionë pika bazë dhe numri i përdoruesve në mbarë botën do të arrijë 2.8 miliardë, duke zënë 58% të popullsisë botërore".

Pavarësisht kufizimeve të vendosura nga ShBA-ja, kompania ka nënshkruar 40 kontrata tregtare 5G me gjasa për rritje dyshifrore këtë vit. 

Kalendari

Ngjarjet e datës 18 shkurt 2020 - Oda Ekonomike e Kosovës do të mbajë konferencë për media lidhur me rezultatet e anketës të klimës në biznes. (Objekti i Odës Ekonomike të Kosovës, ora 9:30)

- Forumi për Udhëheqje dhe Diplomaci organizon debatin publik me temë “Si duhet ta adresojnë institucionet barazinë gjinore në pozicionet vendimmarrëse?”. (Kafiteri “Dit e Nat” ora 10:00)

- Instituti Demokratik i Kosovës organizon tryezën e diskutimit “Dialogu Kosovë-Serbi: Çfarë pas formimit të Qeverisë së re dhe përfshirjes amerikane?”, në një diskutim rreth të ardhmes së dialogut Kosovë - Serbi. (Hotel Sirius, ora 10:00)

- Zyra Kombëtare e Auditimit prezanton raportin e auditimit të performancës “Sistemi i Përcaktimit të Tarifave të Energjisë Elektrike, Termike dhe atyre të Ujësjellësit”. (Zyra Kombëtare e Auditimit, lagja “Arbëria”, ora 10:00)

- Mbahet mbledhja e parë e rregullt e Komiteti për Politik dhe Financa në Komunën e Rahovecit. (Salla e mbledhjeve të Kuvendit Komunal të Rahovecit, ora 10:00)

- Mbahet mbledhja e Kryesisë së Kuvendit të Republikës së Kosovës në të cilën do të behët propozimi për formimin e grupeve të miqësisë, dhe propozimi i anëtarëve në delegacione për përfaqësim të Kuvendit më organizata ndërkombëtare. (Ndertesa e Kuvendit, salla C 301, ora 11:00)
 
- Korabi Corporation organizon ceremoninë e hapjes së “Qendrës Inovative Korabi”, një qendër unike arsimore në fushën e kulinarisë si dhe do të mbahet “Nata e çokollatës belge”, një spektakël me çokollatën më të mirë në botë, që do të prezantohet nga çokollatrier me famë ndërkombëtare. (Zyrat e Korabi Corporation në Çagllavicë, ora 18:00)