24 Shtator 2020

Facebook-u po minon institucionet demokratike

Washington, 28 nëntor - Kompania Facebook u vu përballë kritikave të forta të martën prej ligjvënësve të disa vendeve që e akuzuan se po minon institucionet demokratike.

Ata kritikuan gjithashtu edhe drejtuesin e saj ekzekutiv Mark Zuckerberg që nuk u doli përballë ligjvënësve për t’iu përgjigjur pyetjeve në lidhje me këtë çështje.

Facebook-u u vendos nën hetim nga ligjvënësit në Britani pasi firma konsulente Cambridge Analytica, e cila ka punuar gjatë fushatës presidenciale të Donald Trump-it, u mori të dhëna personale 87 milionë përdoruesve të Facebook-ut pa dijeninë e tyre. Ky fakt ka shtuar shqetësimin e përdoruesve për mënyrën si shfrytëzohen të dhënat personale për politikë.

Shqetësimet rreth praktikave të gjigantit të medias sociale, roli i reklamave politike, ndërhyrja e mundshme në votën për Brexit-it në 2017-ën si dhe zgjedhjet amerikane janë ndër temat që po hetohen nga autoritetet britanike e evropianë.

Ndërsa Facebook-u thotë se ka vepruar në përputhje me ligjet e BE-së për mbrojtjen e të dhënave, ligjvënësit nga disa vende të botës në një seancë dëgjimore të veçantë që u mbajt në Londër, kritikuan zotin Zuckerberg për shkak se nuk kishte pranuar të paraqitej vetë për t'iu përgjigjur pyetjeve mbi këtë temë.

"Nuk kemi parë asnjëherë një gjë si kjo e Facebook-ut. Ndërsa ne luanim me telefonat dhe aplikacionet tona, institucionet tona demokratike ... u kthyen me kokë poshtë nga miliarderi moskokëçarës nga Kalifornia," tha ligjvënësi kanadez Charlie Angus. "Vendimi i z. Zuckerberg për të mos u paraqitur këtu në selinë e parlamentit britanik për mua flet qartë," tha ai.

Richard Allan, një nga zyrtarët e Facebook-ut, u paraqit në vend të zotit Zuckerberg. “Ai ka pranuar se Facebook-u ka bërë gabime, si dhe ka pranuar nevojën për të zbatuar rregullat mbi të dhënat”.

"Pajtohem me ju se ne (Facebook-u) kemi dëmtuar besimin publik nëpërmjet disa veprimeve që kemi kryer", tha zoti Allan në seancë.

Facebook-u është ballafaquar me kritika të shumta nga përdoruesit dhe ligjvënësit pasi vitin e kaluar njoftoi se agjentët rusë kanë përdorur platformën e kompanisë për të përhapur informacione të rreme para dhe pas zgjedhjeve presidenciale të vitit 2016, një akuzë që Moska e mohon.

Në mënyrë të përsëritur zoti Allan nuk pranoi të jepte shembuj mbi ndonjë person që është pushuar apo ndonjë aplikacion që Facebook-u ka hequr nga përdorimi lidhur me keqpërdorim të të dhënave, përveç aplikacionit GSR që grumbulloi të dhëna në skandalin e lidhur me “Cambridge Analytica”.

Kalendari

Ngjarjet e datës 24 Shtator 2020

- Ministrja e Kulturës, Rinisë dhe Sportit, Vlora Dumoshi viziton Komunën e Ferizajt. (Objekti i Komunës Ferizaj, ora 9:30)

- Në kuadër të Javës së sporti, Federata e Pingpongut në bashkëpunim me Departamentin e sportit të MKRS do të organizoj një aktivitet promovues për pingpongun në Pejë. (Sheshi Dukagjini në Pejë, ora 10:00)

 - Ministrja e Kulturës, Rinisë dhe Sportit, Vlora Dumoshi viziton Mural Fest. (Muralet e qytetit në Ferizaj, ora 10:00)

- Komuna e Prizrenit fillon projektin e Drejtorisë së Shëndetësisë për Kujdesin Geriatrik me ç'rast kryetari i Komunës së Prizrenit, Mytaher Haskuka, nënkryetari i Komunës së Prizrenit, Visar Shehu dhe drejtoresha e Drejtorisë së Shëndetësisë, Narqize Arënliu Hoxhaj do të prononcohen për media. (Nisja do të bëhet nga objekti i Qendrës Kryesore të Mjekësisë Familjare, ora 10:00)

- Mbledhja e komisionit për Shëndetësi dhe Mirëqenie Sociale në të cilën do të shqyrtohet plani i punës së Komisionit për sesionin vjeshtor 2020. (Ndërtesa e Kuvendit, salla N10, ora 10:30)

 - Ministrja e Kulturës, Rinisë dhe Sportit, Vlora Dumoshi merr pjesë në ndarjen e certifikatave për të rinj të trajnuar për ndërmarrësi. (Qendra e Inovacionit në Ferizaj, ora 11:00)

- Kryeministri Avdullah Hoti do të mbajë konferencë për media. (Ndërtesa e Qeverisë, ora  11:00)

- Zëvendësguvernatori për Mbikëqyrje Financiare, Sokol Havolli dhe Kryetari i Autoritetit Kosovar të Konkurrencës, Valon Prestreshi mbajnë konferencën për media. (Auditoriumi i BQK-së, ora 11:30)

-  Mbahet mbledhja e komisionit për të Drejtat e Njeriut, Barazi Gjinore, për Persona të Pagjetur dhe Peticione në të cilën do të shqyrtohet Projektligji për mbrojtje nga dhuna në familje. (Ndërtesa e Kuvendit, salla N302, ora 13:00)
 
 - Ministrja e Kulturës, Rinisë dhe Sportit, Vlora Dumoshi merr pjesë në aktivitet me misionin e OSBE-së. (Muzeu i Kosovës, ora 14:00)