24 Janar 2020

Facebook pranon rrezikun e abuzimit me të dhënat e përdoruesve të tij

New York, 24 gusht - Rrjeti amerikan i medias shoqërore Facebook, tha se të dhënat private të rreth 4 milionë përdoruesve të tij mund të jenë keqpërdoruar nga një aplikacion i palës së tretë.

Aplikacioni "myPersonality" ishte aktiv kryesisht deri në vitin 2012. Tashmë ky aplikacion rezulton i bllokuar.

"Fackbook"-u ka njoftuar lidhur me këta 4 milion përdoruesit e tij të cilët zgjodhën të ndajnë të dhënat e tyre personale me aplikacionin në fjalë.

Ai gjithashtu vë në dukje se nuk është gjetur asnjë dëshmi që aplikacioni "myPersonality" të ketë patur akses edhe në të dhënat personale të miqve të përdoruesve të prekur nga ky skandal.

"Facebook"-u ka hetuar mijëra aplikacione që nga marsi i këtij viti, si pjesë e një fushateje për të goditur aplikacionet e palës së tretë që ndajnë në mënyrë të paligjshme të dhënat e përdoruesve.

Deri më tani, "Facebook"-u ka pezulluar më shumë se 400 aplikacione.

Kalendari

Ngjarjet e datës 24 janar 2020

- Shefja e Misionit të Vëzhgimit të Zgjedhjeve nga BE, Viola von Cramon-Taubadel organizon konferencë për media lidhur me prezantimin e Raportit Final dhe Rekomandimeve te zgjedhjeve te parakohshme legjislative në Kosovë. (Hotel Swiss Diamond, ora 9:30)

- Akademia e Kosovës për Siguri Publike organizon konferencën e 7-të ndërkombëtare “Sfidat e Mobilitetit të Transportit dhe Siguria Publike”. (Qendra Mësimore “Steve Bennett” në AKSP, Vushtrri, ora 10:00) 

- Kolegji i Shkencave të Aplikuara Teknike Tempulli në bashkëpunim me Fakultetin e Sigurisë Publike dhe Akademinë e Kosovës për Siguri Publike, organizojnë Konferencën e 7-të Ndërkombëtare "Sfidat e mobilitetit në transport dhe siguria publike". (Akademia e Kosovës për siguri publike në Vushtrri, ora 10:00)

- Zëvendës ndihmës Sekretari i Shtetit në Byronë e Narkotikëve Ndërkombëtarë dhe Çështjeve të Zbatimit të Ligjit Jorgan K. Andrews vizton Akademinë e Kosovës për Siguri Publike  ku do të pritet nga Drejtori i Përgjithshëm i Akademisë Ismail Smakiqi si dhe menagjmenti i lartë. (Objekti i Akademisë në Vushtrri, ora 10:45)

- Kryetari i Degës së PDK-së në Prizren, Shaqir Totaj mban konferencën e radhës me gazetarë. (Zyret e Degës në Prizren, ora 11:00)

- Nën patronatin e kryetarit të komunës, Agim Bahtiri do të mbahet manifestimi sportiv i shpalljes së “Sportistit të vitit 2019”. (Restaurant “Villa Lux” në Mitrovicë, ora 17:00)