23 Korrik 2019

Facebook planifikon të shtojë një shërbim takimesh

New York, 2 maj - Shefi Ekzekutiv i Facebook-ut, Mark Zuckerberg-u, tha se kompania ka në plan të shtojë një shërbim takimesh, duke bërë të mundur që për herë të parë, rrjeti më i madh shoqëror i mediave në botë, të ndihmojë në mënyrë aktive njerëzit që kërkojnë njohje të reja dhe marrëdhënie romantike.

Zuckerberg-u tha se shërbimi i ri i takimeve po ndërtohet duke i dhënë përparësi privacisë, kështu që miqtë nuk do të shohin nëse profili juaj është një "profil takimesh".

Shqetësimet rreth trajtimit të privatësisë nga Facebook-u u rritën që në muajin mars kur u zbulua se kompania britanike për konsulenca politike, "Cambridge Analytica", kishte keqpërdorur të dhënat e miliona përdoruesve të Facebook-ut në përpjekje për të ndikuar te ata mbi zgjedhjet amerikane.

Zuckerberg-u tha gjithashtu se Facebook-u po ndërton mënyra të reja për të kontrolluar privatësinë, si kontrolli i quajtur "histori e qartë" që do t'i lejojë përdoruesit të fshijnë historinë e shfletimit në faqen e tyre.

"Ne po fillojmë me diçka për të cilën shumë njerëz kanë kërkuar në Facebook kohët e fundit dhe ky është një informacion që ne e marrim nga faqet e internetit dhe aplikacionet që përdorin mjetet e reklamimit dhe analitikës së Facebook-ut. Pra, ju do të jeni në gjendje të kontrolloni informacionet rreth aplikacioneve dhe uebsajteve me të cilat keni bashkëvepruar, duke i fshirë nga faqja juaj të gjitha kërkimet që keni bërë mbi to", tha ai.

Facebook-ut do i duhen disa muaj për të ndërtuar përditësimin e kësaj ideje dhe do të bashkëpunojë me avokatët më të mirë për çështjet e privatësisë, akademikët, politikëbërësit dhe rregullatorët e duhur për të realizuar me sukses qasjen e re. 

Kalendari

Ngjarjet e datës 23 korrik 2019 - Mbahet ceremonia e nënshkrimit të momerandumit të bashkpunimit mes Komunës së Lipjanit dhe Organizatës “Qatar Charity”. (Komuna e Lipjanit, Zyra e Kryetarit, ora 9:30​)

- Komisioni Hetimor Parlamentar në lidhje me gjendjen në PTK dhe Vala interviston  Sebaudin Ramaxhiku, Zyrtar Ligjor në Telekom dhe Arben Hlili, Shef i Kontabilitetit Departamenti i Financave në Telekom. (Ndërtesa e Kuvendit, salla N 303, ora 10:00)

- Kryetari i Komunës së Prizrenit, Mytaher Haskuka do të merr pjesë në shpërndarjen e lopëve qumështore, për përfituesit nga thirrja e hapur nga Drejtoria e Bujqësisë dhe Zhvillimit Rural. (Tregun i Kafshëve, rruga e tranzitit, Arbanë, ora 11:30 - Nisja do të bëhet nga Shtëpia e Bardhë, ora 11:00)

- Partnerët implementues OJQ Dera e Hapur dhe OJQ SOZM organizojnë panairin e Artizanateve dhe Trashëgimisë Kulturore në Prishtinë. (Sheshi “Adem Jashari” në Prishtinë, ora 11:00)

- Mbahet mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të behët shqyrtimi i Raportit të Punës së Komisionit për sesionin pranveror 2019. (Ndërtesa e Kuvendit, salla N 302, ora 11:00)

- Nën përkujdesjen e Kryetarit, Lutfi Haziri, bëhet promovimi i librit “Le secret de Blerim et autres fictions - Sekreti i Blerinit dhe proza të tjera” i autorit Jean Yves Carlen. (Salla e Kuvendit Komunal në Gjilan, ora 12:00)

- Grupi i Aktivistëve organizojnë marshin protestues kundër racizmit për të kërkuar përgjegjësi para Këshillit Prokurorial të Kosovës. (Sheshi "Skënderbeu", ora 12:00)

- Lëvizja Vetëvendosje mban konferencë për media në të cilën flasin nënkryetari Besnik Bislimi dhe Drejtuesi i Grupit Parlamentar Glauk Konjufca. (Zyrët e Vetëvendosjes, ora 13:00)

- Ministri i Mjedisit dhe Planifikimit Hapësinor, do të vizitojë Gjilanin, ku me kryetarin e komunës, Lutfi Haziri do të nënshkruajnë memorandume të bashkëpunimit për financimin e projekteve në fushën e mjedisit në këtë komunë. (Ndërtesa e Komunës së Gjilanit, ora 14:00)

- Ministria e Tregtisë dhe Industrisë mban seminar te Biznesit Ndërkombëtar për Zhvillimin e Zonës Industriale të Re në Drenas në të cilën do të merr pjesë edhe ministri i Tregtisë dhe Industrisë, Endrit Shala. (Swiss Diamond Hotel, ora 14:30)