18 Tetor 2019

Facebook ndalon postimet me informacion të rremë

New York, 20 korrik - Facebook tha se do të fillojë heqjen e postimeve që përmbajnë informacion të rremë dhe që mund të çojnë në dhunë.

"Disa forma të caktuara dezinformimi kanë kontribuar në dëmtime fizike" në disa vende, tha në një deklaratë gjigandi i medias sociale.

Kompania thotë se do të punojë me organizatat vendase për të identifikuar informacione të tilla, duke përfshirë postimet me shkrim dhe fotot e ndryshuara.

Facebook është akuzuar se ka lejuar përdoruesit të përhapin gjuhën e urrejtjes dhe informacione të rreme që kanë çuar në dhunë në vende si Siria, Sri Lanka, Mianmari dhe India.

Sri Lanka shpalli gjendjen e emergjencës në muajin mars, kur lajmet e rreme të postuara në Facebook çuan në sulme vdekjeprurëse ndaj popullsisë myslimane pakicë nga turmat budiste.

Themeluesi i rrjetit Facebook dhe shefi ekzekutiv i tij, Mark Zuckerberg u kritikua dje ashpër kur u përpoq të shpjegonte dallimin midis dezinformimit dhe gjuhës fyese.

Ai tha në një intervistë se nuk do t’i ndalonte nga Facebook-u njerëzit që mohojnë Holokaustin.

Kalendari

Ngjarjet e datës 18 tetor 2019

- Kryeministri në detyrë Ramush Haradinaj pret në takim një delegacion të nivelit të lartë nga MCC, kryesuar nga znj. Caroline T. Nguyen, Drejtoreshë Menaxhuese e MCC për Evropë, Azi, Pacifik dhe Amerikë Latine, me këtë rast, do të nënshkruaj amandamentimin e Marrëveshjes CDF. (Ndërtesa e Qeverisë, ora 10:00)

- Me rastin e shënimit të Ditës së Bashkimit Evropian Kundër Trafikimit me Njerëz dhe njëkohësisht hapjes së fushatës Kundër Trafikimit me Njerëz, Ministria e Punëve të Brendshme organizon konferencë për media. (Ndërtesa e Qeverisë, salla P38, ora 10:00)

- Komuna e Rahovecit mban mbledhjen e dhjetë te rregullt e Komiteti për Politik dhe Financa. (Salla e mbledhjeve të Kuvendit Komunal të Rahovecit, ora 10:00)

- Agjencia për Arsim dhe Aftësim Profesional dhe Arsim për të Rritur organiozn aktivitetin e shënimit të themelimit të qendrës për karrierë në SHMLT ,,11 Marsi” në Prizren. (Objekti i SHMLT ,,11 Marsi” në Prizren, ora 10:30)

- Komisioni i Pavarur i Mediave do të mbajë konferencë për media në lidhje me prezantimin e  “Raportit të monitorimit të  Ofrueseve të Shërbimeve Mediale Audio-vizuele  gjatë fushatës për zgjedhjet e parakohshme 2019”.  (Zyra e KPM-së, qyteza Pejton, ora 12:00)

- Galeria Qahili organizon hapjen e ekspozitës "20" të Mentor Avdilit. (Galeria Qahili, ora 20:20)