28 Tetor 2020

Facebook fshin një rrjet të llogarive me bazë në Kinë

New York, 23 shtator - Kompania Facebook njoftoi më 22 shtator se ka fshirë një rrjet të llogarive të rreme me bazë në Kinë që ishin krijuar për të ndërhyrë në politikën e SHBA-së dhe Azisë.

Kjo është masa e parë ndaj llogarive me bazë në Kinë, të cilat ishin të angazhuara për ndërhyrjen në politikën amerikane. Llogaritë kishin përmbajte pro dhe kundër presidentit të Shteteve të Bashkuara, Donald Trump.

Trump dhe zyrtarët e lartë të inteligjencës së SHBA-së kanë thënë se Kina po përpiqet të ndërhyjë në zgjedhjet amerikane në favor të kandidatit demokrat, Joe Biden.

Demokratët në Kongres kanë thënë se Rusia është më agresive se Kina në përpjekjen për të ndikuar në zgjedhjet përmes mediave sociale.

Njoftimi i Facebook-ut tha se rrjeti kishte 155 llogari në platformën kryesore të Facebook-ut dhe gjashtë llogari në Instagram.

Poseduesit e llogarive u përpoqën të fshehnin identitetin e tyre, por një hetim përcaktoi se ata ishin në provincën Fujian të Kinës, tha Facebook.

Facebook nuk e lidhi rrjetin direkt me qeverinë kineze. Aktiviteti i përqendruar në SHBA ishte më ulët, tha Facebook. Fokusi kryesor ishte Azia Juglindore, përfshirë Filipinet.

Shefi i politikës së sigurisë kibernetike në Facebook, Nathaniel Gleicher tha se vëllimi i ulët i përmbajtjes e bëri të vështirë vlerësimin e qëllimit të aktivitetit.

Kalendari

Ngjarjet e datës 28 Tetor 2020 - Qendra e parë shoqërore në Prishtinë “Termokiss” nisë programin pesë ditor “Krejt Ka Pak V - Me Zemër Ngat” me aktivitete të ndryshme. (Hapësira e Termokissit, ora 9:00)

- Komisioni për të Drejtat e Njeriut, Barazi Gjinore, për Persona të Pagjetur dhe Peticione takohet me përfaqësuesit e Divizionit të Skemave për Kategoritë e Luftës në Departamentin e Familjeve të Dëshmorëve dhe Invalidëve të Luftës pranë Ministrisë së Punës dhe Mirëqenies Sociale dhe përfaqësues të Komisionit Qeveritar për njohjen dhe verifikimin e statusit të viktimave të dhunës seksuale gjatë luftës çlirimtare të  Kosovës. (Ndërtesa e Kuvendit, salla N10, ora 10:00)

- Me rastin e shënimit të  “Muajit të mundësive të barabarta për personat me aftësi të kufizuara”, që është muaji tetor, kryetari i Komunës së Prizrenit, Mytaher Haskuka dhe drejtori i Drejtorisë së Administratës Osman Hajdari, do të vizitojnë personat me aftësi të kufizuara që janë të angazhuar në Administratën Komunale të Komunës së Prizrenit. (Objekti i Administratës Komunale në Qendrën për Shërbime të Integruara-One Stop Shop, ora 10:00)

- Ministri për Komunitete dhe Kthim, Dalibor Jevtiq raporton para Komisionit për të Drejtat dhe Interesat e Komuniteteve dhe Kthim lidhur me raportin e punës së ministrisë, për vitin 2020. (Ndërtesa e Kuvendit, salla N302, ora 10:00)

- Kryeministri Avdullah Hoti së bashku me Zëvendëskryeministrin Driton Selmanaj mbajnë tryezë konsultative me Organizata të Shoqërisë Civile për prioritetet e Agjendës së Reformave Evropiane. (Objekti i Qeverisë, ora 11:00)

- Ministri i Drejtësisë, Selim Selimi do të mbajë një konferencë për media. (Ministria e Drejtësisë, ish-objekti i Rilindjes, kati IX, salla 914, ora 11:00)

- Ministri i Tregtisë dhe industrisë, Vesel Krasniqi raporton para Komisionit për Ekonomi, Punësim, Tregti, Industri, Ndërmarrësi dhe Investime Strategjike lidhur me problemet që është duke u ballafaquar ministria në përgjithësi, në veçanti për prodhuesit dhe transportuesit vendor për CEFTA si dhe për subvencionet e ndara për biznese gjatë pandemisë. (Ndërtesa e Kuvendit, salla N10, ora 13:00)

- Kryeministri Avdullah Hoti viziton Komisionin Rregullativ të Prokurimit Publik. (Objekti i KRPP-së, ora 14:00)

- Ministrja e Financave Hykmete Bajrami raporton para Komisionit për Buxhet dhe Transfere lidhur me zhvillimet e fundit në Sistemin e Menaxhimit të Financave Publike në Kosovë. (Ndërtesa e Kuvendit, salla C203, ora 14:00)

- Forumi për Lidership dhe Diplomaci përmbyllë Projektin “Akademia për Lidership”. (Swiss Diamond Hotel, ora 14:00)

- Komisioni për Shëndetësi dhe Mirëqenie Sociale, sot mban tryezë me përfaqësues të institucioneve të vendit, organizatave që merren me përkrahjen e grave me kancer të gjirit, si dhe gra të mbijetuara nga kanceri i gjirit. (Holli i Kuvendit, ora 15:00)

- Ambasada e Gjermanisë bashkë me Asociacioni për Evropën Juglindore dhe Instituti Aspen Gjermani organzojnë konferencën digjitale “Të rinjtë, migrimi dhe sfida demografike në Ballkanin Perëndimor”. (Onlne, ora 16:00)