20 Nëntor 2019

Facebook do të përdorë më shumë njohje fytyre

New York, 20 dhjetor - Në sajë të njohjes së fytyrës, Facebook do të informojë përdoruesit e tij kur një foto e tyre është publikuar në rrjetin social, edhe kur nuk janë të identifikuar me emrin e tyre (“tags”).

“Ne e bëjmë këtë për të penguar njerëzit të marrin vendin e të tjerëve në Facebook duke përdorur për shembull foton e dikujt si foto profili”, shkruan Facebook.

Kompania përdor tashmë njohjen e fytyrave për të propozuar për një përdorues që publikon një foto për të identifikuar një mik të pranishëm në këtë foto, një funksion opsional që ka për efekt të informojë automatikisht të interesuarin se një foto e tij është postuar në rrjetin social Facebook.

Tashmë, nëse ju jeni në një foto, ne ua themi edhe nëse nuk identifikoheni me emër”, thekson në blogun e tij rrjeti social, që pretendon se ka më shumë se dy miliardë përdorues aktiv.

“Ky funksion do të vihet në punë së shpejti dhe do t’u mundësojë të interesuarve të identifikohen nëse dëshirojnë apo të shprehin shqetësime apo rezerva për personin që ka publikuar foton”, bën të ditur rrjeti social.

“Funksionet që përdorin njohjen e fytyrës nuk janë propozuar në Kanada dhe në Bashkimin Evropian”, thekson Facebook, duke shtuar se këto janë zona ku rregullimi përsa i përket mbrojtjes të të dhënave dhe jetës private janë shpesh shumë strikte. 

Kalendari

Ngjarjet e datës 20 nëntor 2019

- Ambasada e Finlandës, UBT dhe UNDP organizojnë bashkërisht konferencën “Towards Small Scale Innovative Ecosystems in Kosovo”. (Kampusi Inovativ i UBT-së në Lipjan, ora 9:00)

- Kryeministri në detyrë, Ramush Haradinaj, merr pjesë në konferencën “Small-Scale Innovative Ecosystems in Kosovo”, organizuar nga ambasada e Finlandës në Prishtinë në bashkëpunim me UBT. (Magjistralja Prishtinë - Lipjan, kampusi i UBT-së, ora 9:00)

- Me rastin e shënimit të 20 nëntorit - Ditës Ndërkombëtare të Konventës për të Drejtat e Fëmijëve, Komuna e Gjilanit organizon vizitë nga Asambleja e Fëmijëve në tri shkollat fillore: Selami Hallaqi, Thimi Mitko, Rexhep Elmazi për nder të Ditës Ndërkombëtare të Konventës për të Drejtat e Fëmijëve. (Objektete e shkollave, ora 10:00)

- Koalicioni i OJQ-ve për Mbrojtjen e Fëmijëve hap dyert për fëmijët, prindërit dhe të gjithë qytetarët që dëshirojnë të vizitojnë ambientet e KOMF për të biseduar bashkë për të drejtat e fëmijëve. (Zyret e KOMF, ora 10:00)

- Fillon punimet Kongresi i parë ndërkombëtarë për trajtimin e hershëm të infarktit të miokardit. (Hotel International Prishtina, ora 10:00)

- Mbahet mbledhja e rregullt e Komitetit për Politikë dhe Financa i Komunës së Mitrovicës. (Salla e mediave të Komunës së Mitrovicës, ora 10:00)

- Mbahet mbledhja e gjashtë e rregullt e Këshillit Komunal për Siguri në Bashkësi në komunën e Rahovecit. (Salla e Kuvendit Komunal në Rahovec, ora 10:00)

- Zyra e UNICEF-it në bashkëpunim me Ministrinë e Arsimit, Shkencës dhe Teknologjisë si dhe Shtëpinë e Evropës në Kosovë organizojn aktivitetin kryesor për shënimin e 30 vjetorit të Konventës për të Drejtat e Fëmijës. (Holli i Bibliotekës Kombëtare të Kosovës, ora 11:00) 

- OQJ Integra organizon publikimin e raportit “Instituti i Vetizoluar - Vlerësim i Shoqërisë Civile për Institutin Albanologjik të Prishtinës”. (Hotel Sirius, ora 11:00)

- Fëmijët e çerdhës "Dardania" në Gjilan dhurojnë 120 pako dhurata për fëmijët me nevoja të veçanta. (Gjilan, ora 11:00) 

- Mbahen aktivitete argëtuese për fëmijët e zgjedhur nga Handikos, Asambleja e Fëmijëve, fëmijët nga komunitetet si dhe nga shkollat SHFMU, Gjilan mbështetur nga 'Albanica' dhe 'Kimi'. (Gjilan, ora 12:00)

- Komuna e Gjilanit organizon program nga Qendra e Vallëzimit Modern “Dancing House” Vallëzim Modern, Balet dhe Popullore. (Teatri i Qytetit, Gjilan ora 15:00)

- Qendra Multimedia shfaq "Pesë stinet e armikut te popullit" me regji të Blerta Nezirajt. (Teatri "Bekim Fehmiu" në Prizren, ora 20:00)