03 Gusht 2020

Facebook do të pengojë ndërhyrjen e huaj në zgjedhje

New York, 19 shkurt - Facebook tha se do të përdorë kartolinat, e dërguara përmes postës amerikane, për të parandaluar ndërhyrjen e huaj në zgjedhjet në SHBA, në të ardhmen.

Katie Harbath, shefe ekzekutive e Facebook-ut, tha se rrjeti social do të dërgojë kartolina te blerësit potencialë të reklamave politike, për të konfirmuar se ata banojnë në SHBA.

Kompania e ka prezantuar planin e saj, dy ditë pasi këshilltari i posaçëm amerikan, Robert Mueller, ka akuzuar 13 rusë për ndërhyrje në zgjedhjet në SHBA, më 2016.

Në aktakuzë thuhet se agjentët rusë kanë vjedhur numrat e sigurimeve sociale dhe informacione të tjera nga amerikanët dhe se i kanë përdorur ato për të krijuar llogari bankare online për blerjen e reklamave.

Në muajin nëntor janë bërë publike një seri reklamash në Facebook që kanë pasur lidhje me përpjekjet e agjentëve rusë për të ndërhyrë në zgjedhjet presidenciale në SHBA.

Facebook nuk dha hollësi për metodën e verifikimit të agjentëve përmes kartolinave.

Kalendari

Ngjarjet e datës 3 Gusht 2020 - Sindikata e Infermierëve, mamive dhe profesionistëve tjerë shëndetësor, mbajnë porotestë simbolike (Para objektit të Qeverisë, ora 10:00)

- Ministri i Punëve të Brendshme, Agim Veliu, sot do të vizitojë Inspektoratin Policor të Kosovës, ku do të pritet nga u.d Kryeshefi, Kushtrim Hodaj. (Ambientet e IPK-së në Hajvali.  ora 10:00)

- Pronarët e pishinave do ta mbajnë një protestë në sheshin “Skënderbeu” në Prishtinë, për t’i shprehur pakënaqësitë për mbylljen e pishinave nga ana e Qeverisë. (Sheshi “Skëndërbeu”, ora 14:00)