22 Gusht 2019

Endeavour bashkohet me stacionin ndërkombëtar

SHBA, 11 shkurt - Anija kozmike amerikane Endeavour iu bashkëngjit Stacionit Hapësinor Ndërkombëtar. Endeavour mbart materialet e duhura për punimet e fundit të ndërtimit që do të bëhet në Stacionin Ndërkombëtar në orbitën e tokës.
 
Astronautët, me anë të shëtitjes në hapësirë, do të vendosin pjesët e fundit, gjithashtu do të ndihmojnë në mirëmbajtje dhe riparimin e stacionit. Pas vënies së pjesëve të fundit, do të jetë plotësuar 90% e ndërtimit të Stacionit Hapësinor Ndërkombëtar.
 
Planifikohet që stacioni, ndërtimi i të cilit filloi në vitin 1998 dhe supozohet të ketë kaluar 130 miliardë dollarë shpenzime, të përfundojë në vitin 2011. Projekti i stacionit është punimi që ka zgjatur më shumë, ka kushtuar më shtrenjtë dhe me më shumë vende pjesëmarrëse, plot 15 të tilla.
 
Stacioni përdoret për të fituar eksperiencë në udhëtimet e gjata në hapësirë, për të parë ndikimet e tyre fiziologjike dhe për eksperimente me qëllim sigurimin e kushteve ideale për këtë. Pas përfundimit të ndërtimit, Stacioni Hapësinor Ndërkombëtar do të jetë objekti i dytë më i ndritur, pas Hënës që do të duket me sy të lirë natën në qiell.
 

Kalendari

Ngjarjet e datës 22 gusht 2019

- Mbahet seanca plenare e Kuvendit të Republikës së Kosovës në të cilën do të behët shqyrtimi i propozimit të Grupit të deputetëve për shpërndarjen e Legjislaturës së gjashtë të Kuvendit të Republikës së Kosovës. (Kuvendi i Kosovës, ora 10:00)

- Komuna e Prishtinës organizon vendosjen e pesë njësive shtesë të pemëve për pastrimin e ajrit në sheshin "Zahir Pajaziti" ku do të jetë prezent dhe Kryetari i Komunës, Shpend Ahmeti. (Sheshi i 'Zahir Pajazitit', ora 10:00)

 - Mbahet dita e tretë e Etnofestit në të cilën do të mbahet punëtoria kreative, instalacione me atelje te pikëtorëve dhe skulptorëve, punime artizanale, etj. (Ambientet e Etnofestit në fshatin Kukaj, ora 10:30)

- Kryetari i Komunës se Istogut, Haki Rugova do të organizojë dëgjimin me qytetarë për Draft Buxhetin Komunal për vitet 2020-2022. (Salla e Kuvendit Komunal në Istog, Kati III, ora 11:00) 

- Kryetari i Komunës së Prizrenit Mytaher Haskuka do të pret në takim anëtarin e Parlamentit Britanik, John Grogan ku pas takimit do të ketë edhe një konferencë të përbashkët për media. (Shtëpia e Bardhë në Prizren, ora 13:00)

- Aleanca Franceze e Prishtinës, Kino Armata dhe Termokiss organizojnë së bashku edicionin e parë të festivalit "Kino nshehër". (Termokis, ora 20:00)