20 Shtator 2020

Detaje të reja të Toshiba-s

Tokio, 21 mars - Toshiba kohë pas kohe ka ngacmuar tregun me pamje të tabletit të saj me Android Honeycomb 3.0, dhe gjersa ende nuk kanë bërë të ditur ndonjë specifikë zyrtare, tableti në fjalë është paraqitur në Amazon dhe bashkë me të edhe specifikat.

Në rastin tonë përgjegjësit pranë Android Community kanë gjetur pamje të Toshiba Android Tablet 10.1 në kuadër të Amazon, dhe sipas asaj që u tha duket se ai do të ketë një ekran 10.1 inç me rezolucion prej 1280 me 800 piksela, një procesor Tegra 2 të ofruar nga Nvidia, dy kamera – një 2 megapikselëshe para dhe një 5 megapikselëshe, prapa, Wi-Fi 802.11 b/g/n, Bluetooth, USB 2.0, mini USB, port për kartela të memories dhe HDMI port.

Toshiba 10.1 gjithashtu vjen i pajisur me një panel të përpunuar nga goma në pjesën e prapme dhe ka një bateri që mund të rimbushet dhe të ndërrohet.

Sa i përket çmimit apo datës së paraqitjes në treg asgjë ende nuk është bërë e ditur, por natyrisht ju jeni të parët që do ta kuptoni kur do të ndodh kjo.  

Kalendari

Ngjarjet e datës 20 Shtator 2020

- Forumi Ballkanik në emër të Platformës së Shoqërisë Civile për Demokraci dhe të Drejtat e Njeriut mban konferencë për shtyp në të cilën publikon raportin hulumtues, që është një vështrim mbi progresin e bërë nga 6 vendet e Ballkanit Perëndimor drejt zbatimit të zotimeve të tyre që nga Samiti i Ballkanit Perëndimor në Londër (2018) dhe Poznań (2019), të zhvilluara në kuadër të Procesit të Berlinit të nisur në vitin 2014. (Zyret e Forumit Ballkanik Rr. Tirana, C4/2 LAM B-N2 11-1, banesat e bardha të Prime Group, afër Euro Printy, ora 13:00)
 
- Lëvizja Vetëvendosje mban konferencë për media. (Zyret e LV-së në Arbëri, ora 14:00)